الخميس، 15 سبتمبر، 2011

لحم رخيص


سؤال يطرح نفسه لماذا النساء فى بلاد الغرب رغم خروجهن بأقل القليل من الملابس إلا أن لا أحد يتحرش بهن وبالمقابل النساء فى الشرق إذا ما وجدت أنثى ترتدى قصير أو ما إلى ذلك من ملابس ملفتة للنظر إحتمال تعرضها للتحرش يكون كبير جدا وقد يتم اغتصابها حتى لو كانت ترتدى ملابس محتشمة.
حينما تم عرض هذا السؤال على إحدى الفضائيات لممثلة إغراء.. وجدت نفسى لا أستمع إليها ولكنى أجبت نيابة عنها وكأن السؤال توجه لى وكانت إجابتى التلقائية:
لأن لحمهم رخيص..أى حد ممكن يشوفه أو يلمسه برضا صاحبته
أما عندنا فمازال يوجد لدينا قيم وعادات وتقاليد مجتمع شرقى مهما كانت ديانته تمنع الأنثى من السير هكذا.
ويحضرنى سؤال لإحدى المذيعات التى كانت تتحدث فى برنامجها عن الموضة وكانت دائما ترتدى بلوزة بحمالات عن كيفية خروجها هكذا فكانت إجابة المذيعة انها ترتدى فوقه جاكت طويل حين الخروج من الاستوديو وأن ماترتديه فى البرنامج لاتستطيع النزول به فى الشارع.
وأرى أن الشباب الغربى رأى كل شئ وكل شئ متاح بالنسبة له ولايحتاج لمثل هذه الأفعال المُشينة الذى يفعلها مجموعة ممن يتمتعون بسوقية وجهل وكبت وحرمان وإعلام فاسد وعدم رقابة وقلة تربية وانعدام الرجولة.

هذه إجابتى فماذا عن إجابتكم؟

هناك 18 تعليقًا:

محمد محمود عمارة يقول...

الأخت الفاضلة منى
كنت ممن يقيمون الناس حسب زيهم و مع الأيام التي تعلم الناس و التجارب التي تزيد من يتعلم حنكة أصبحت أفرق بين الزي و السلوك ، وكان من أجمل ما تعلمت ألا أحكم على الناس بالظاهر و أقسو في حكمي ، بل أتمهل و أفتش في نفسي أولاً فربما بها نفس الداء و لا أراه و لم أداوه ، و أن أنصح إن رأيت خطأً فيمن أمامي و أن أحنو عليه في النصيحة. ما قلت عليه و انتقدته في مجتمعاتنا لأننا مغرمون بالتفتيش في عيوب الآخرين. ننتقد الفتاة التي ترتدي القصير و نستبيح عرضها و نسينا أننا ارتكبنا معصية حين التهمناها بعيوننا و لم نغض أبصارنا ، و تحدثنا عنها فاغتبناها ، و اتهمناها بما قد لا يكون فيها فاستحللنا عرضها و وقعنا في ذنب قذف المحصنات. كان من الأولى أن نغض البصر و ندعو لها بالهداية و نحمد الله الذي عافانا مما ابتلى به غيرنا.
تقبلي تحياتي أختي الفاضلة

سواح في ملك اللــــــــــــــــــه- يقول...

امة الله

تعالي نختلف

لا مش عشان لحمهم رخيص

علشان فيه قوانين بتحميهم

ده هناك في بلاد الفرنجة ممكن الزوجة

تتهم زوجها باغتصابها لو واقعها

دون ارادتها وقد يحكم عليه

والعجيب ان مافيش حاجة هناك اسمها

بلاغ كيدي

يعني واحدة تتبلي علي زوجها بمصيبة مثلا

اللحم الغالي ياامة الله عشان يكون غالي

لابد الايكون مستباح النظر اليه من

اعالي اناس اواحقرهم

ولاتلتهمه الاعين قبل الايدي

فيه اصوات بتقوللك طب مالراجل يغض

بصره طب فرضنا راجل ماغضش بصره

شهواني يعني هل تقب المراة ان تلتهمها

اعين ذلك الرجل

يعني لازم يبقي الجسد مستور

قهوة بالفانيليا - شيماء علي يقول...

بشكل بسيط ..
مش موضوع لحم رخيص و لحم متغطي و غالي .. انا متحفظة اصلا على لفظة لحم :)

الكبت .. ضيق ذات اليد .. المجتمع شرقي لا تصح فيه ممارسة الجنس الا بعد الزواج .. الحرمان الشديد .. الاحباط ..
كل دول بيدوكي متحرشين ..!

على فكرة في كل حتة في متحرشين مش عندنا بس .. لأن التحرش عندهم بيبقى مرض نفسي عادة .. و عندنا برضه .. لكنه عندنا رد فعل اكتر زي ماقلت فوق .
لكن احنا عندنا بزيادة شوية عشان احنا عطشانين لدة ..
ماينفعش اخاطب عقل واحد و انا مكممة غرايزه ..!!
الاخلاق كلها بتختفي وقت ما الغريزة بتظهر .. لأنها حيوانية شهوانية .. مابيبقاش فيها عقل وقت مابتشتعل من كتر الحرمان و الكبت .

هي دي اجابتي .. :)

حلو السؤال :)

ماجد القاضي يقول...

السلام عليكم

إجابتك منطقية جدا.. واوافقك فيها تماما.

تحياتي.

مجداوية يقول...

السلام عليكم


مين قال معندهمش تحرش !!

عندهم وفيه قضايا مشهورة جدا لناس مشهورين جدا هو الفرق في نوعية التحرش فعندهم طالما بدون إذن وقبول يبقى تحرش لكن لو فيه قبول مفيش مشكلة كمان عامل السن فالقاصر سواء ذكر أو انثى لهم حماية خاصة بالقانون

مش صحيح إن تعود رؤية ( اللحم) مكشوف يصبح الأمر عادياويقل التحرش
ولا الكبت والحشمة والحجاب يزيد التحرش

الأمر كله متعلق بالأخلاق فممكن جدا وجود واحدة ذات ملابس مكشوفة لكنها ترفض بشدة أى علاقة محرمة والعكس صحيح

الحكمة في ديننا من تغطية سائر الجسد هي تجنب ذوي النفوس المريضة وعدم اعطائهم ذريعة أو مجال ليظهروا ويعلنوا عن مرضهم
فعندما اقترح سيدنا عمر بن الخطاب على رسول الله صلى الله عليه وسلم حجاب أمهات المؤمنين قال السبب "أنه يدخل عليهن البر والفاجر"
فهو من أجل هذا الفاجر كان الحجاب
وعندهم فاجرين وعندنا فاجرين
وعزة المرأة أن تخفي جسدها كجوهرة ثمينة عن أعينهم ولا تعرضها لهم عرضا ولكنهم هناك خالفوا عقيدتهم التي تدعو للاحتشام والحجاب فراهباتهم مثال للحشمة والحجاب وكذلك تصورهم لهيئة وملابس السيدة مريم البتول لكن عندنا الكثيرات مناولله الحمد تمتثل لأمر الله وتستر نفسها طاعة وحماية ويظل الفاجر يبحث ويتفحص ويتحرش

موضوع جميل كما تعودنا منك غاليتي خلاني أرغي كالعادة مع مواضيعك المفيدة النافعة
نفع الله بك دائما

مصطفى سيف يقول...

انا باتفق مع شيماء في ان الكبت احد الاسباب وكبر سن الزواج
وكمان نضيف قلة الايمان والبعد عن الدين سواء من البنت اللي بتتعمد المشي باغراء او الولد اللي بينسى مبادىء دينه
اما في الغرب فمن سن ستاشر بيكون في بوي فريند وجيرل فريند وحاجات رافضها ديننا ومجتمعنا علشان كده مش بيبقى في اهتمام باللي بيقابلهم في الطريق ولا بلبسهم
علشان مشكلة التحرش تتحل محتاجين اكتر من خمسين مشكلة تتحل اهمهم التيسير في الزواج والقضاء على غلاء المهور والشقق
ومحتاجين تعليم الشباب بالدين الحق والرجوع له واللي مش قادر يتجوز محتاجين نقنعه انه يصوم
تحياتي

reemaas يقول...

اجابتك مش غلط
بس مش صح
والدليل عليها حاجتين
الاجانب فى مصر بيمشوا برضوا شبه عرايا والمصريين مش بيتعرضوا ليهم بنفس الطريقه
عمرك سمعتى عن واحدة اجنبيه اختطفت واغتصبت فى مصر؟

تانى حاجة ارجعى بالزمن كده للسبعينات كان الميكرو والمينى جيب موضه ولا خطف ولاتحرش زى دلوقتى

ناصر أبوالخير يقول...

كيف التواصل مع حضرتك لمناقشة هذا الموضوع الهام

iـــــــــــsــــــــــlــــــــــــaـــــــــm يقول...

الظروف الاقتصاديه السبب
لما يبقى ربع سكان مصر عواطليه
دى احصائيه على فكره مش كلامى
معنديش تأكيد للمعلومه بس اتصور انها صح

ما علينا اما يبقى ربع عدد سكان مصر عواطليه منتظره منهم ايه غير مخدرات بيع وتعاطى واجرام وتحرش وتدنى اخلاقى

الفراااااااااااغ قاتل ومجرم بيحول الانسان لأى حاجه تتخيليها

تخيلى لو اى شاب بيخلص تعليم بيشتغل يا ترى هيبقى فاضى لاجرام وتحرش او غيره

خلى البلد تجرب تعمل حاجه للناس صح
وبعدها شوفى معدل التحرش طالع ولا نازل وقيسى ده على الاجرام وكل الاشياء الغير اخلاقيه

Bent Men ElZman Da !! يقول...

انا اول مره اشوف حد بيتكلم عن الموضوع ده من الزاويه اللى اتكلمتى منها

بس يمكن من اكبر الاسباب ان فى المجتمع الغربى عندهم حريه حتى لو كانت ضد الدين بس بتكفلهم انهم يعملوا كل اللى هما عايزينه مش محتاجين الاغتصاب ولا التحرش فى حاجه يعنى
انما عندنا الكبت وعدم قدره الشباب على الجواز كل ده بيخلى مفيش فى ايديهم الا التحرش او غيره
ولان من تعاليم دينا ومجتمعنا ان ماينفعش المراه تلبس ملابس تكشف جسمها
فا لما ده بيحصل
بيبقى الموضوع ملفت اكتر لان دى حاجه احنا مش متعودين عليها

NISREENA يقول...

يمكن هي أسباب كتيرة
أهمها تأخر سن الزواج
ومتطلبات الزواج الكبيرة
زي ما انذكر من الأول إنه الشب والبنت هناك أول ما بيوصولوا سن 16 بيكون متاح إلهم يقيموا علاقات خاصة
أما عنا هون ففيه كتير بيتأخروا لسن 30 وفوق
طب مهاد كله بيسبب كبت
لو نرجع زي زمان
أيام ما كان الزواج يتم بمجرد البلوغ أو بعدها بشوي
أنا بحكي إنه تلبية هاي الناحية بالذات بتسبب للشخص اطمئنان واستقرار
الاحتلال والأمريكان مش من مصلحتهم الناس تستقر،، مش من مصلحتهم الناس تعيش بأمان،،
أو الناس تلائي شي تاني تفكر فيه
الشب بيضل يفكر بالزواج لحد ما يصير 30 وبعدها بيتزوج ويبتحمل مسؤولية وبتكون ضاعت أيام شبابه
فما بيفكر كيف يحارب الاحتلال
ما بيفكر كيف يبدع
ما بيفكر كيف ينتج مزبوط
الشباب في بلادنا
آلات،، بتعيش،، تفكر لتاكل وتتزوج وتصرف على أولادها
:)
أنا تناولت سبب من كتير أسباب

ابراهيم رزق يقول...

معلش انا هاختلف معك قليلا

يوجد تحرش فى الغرب و بنسب اعلى من عندنا لكن من الصعب ان يفلت احدهم من جريمة التحرش ان ثبت

نأتى لعندنا طبعا المظهر لا يحكم عليه بمجرد الشكل الخارجى لان هناك من هم محتشمات فى ملابسهن لكن جوهرهن فالصو
لكن دعينى اسالك سؤال
هل اهمال المسروق مبرر للص على سرقته
فاللص لص و الامين امين فالمبادىء لا تتجزء
غرس القيم يجب ان نبدء به
اما الخطوات التالية فهى مكملة
تحياتى

مها البنا يقول...

مش عارفه ..

بس هو اعتقد الموضوع مش موضوع رخيص وغالى

هو موضوع فكر ..

يعنى احنا زى ما قال استاذ محمد عماره .. بنستبيح لنفسنا الحكم على البنت وننسى ندعى لها بالهدايه ونحمد الله ان عافانا .. ومهما فعل الولد .. ففعله اقل شناعة من فعل البنت لأنها من أثارته .. وكأننا نتكلم عن حيوان .. وليس عن ذكر بشر من بنى أدم حمله الله العقل ليعقل تصرفاته وشهواته

فى الغرب بقى .. القانون ملهوش علاقه بلبس البنت .. ليه علاقه بان الانسان الرجل هتك حريتها وانتهكها ولو بنظره او كلمه .. والقانون لا يرحم بالخارج .. وقد تصل العقوبه فى بعض الأحيان للأشغال الشاقه المؤبده

الموضوع موضوع قانون بحت

عندنا قانون وشرع لا يطبق

وعندهم قانون يطبق بحذافيره

يعنى لو القانون بره اتلغى .. هتلاقى وضع سئ للغايه اصعب مما تتخيلى

أسفه للأطاله .. لكن أنا فعلا دوقتى بحكم على البنت او الشاب بالتصرف وليس باللبس .. وكتير منهم كان لبسهم مش ولابد وغيروه باقتناع من نفسهم .. بعد ما عرفوا الصح

محدش معصوم .. ومحدش ليه يحكم .. قبل ما يبلغ بالحسنى .. وحتى بعد ما يبلغ .. ملهوش انه يحكم انه لحمه رخيص او غالى

أسفه يا موناليزا .. اختلاف الرأى لا يفسد للود قضيه

متابعه كالعاده .. وأسفه على الإطاله

Carmen يقول...

اذا غاب الايمان فلا امان
موضوع هادف ربنا يهدينا لطريقه يارب
تحياتي لكي لك

وجع البنفسج يقول...

إجابة مقنعة مع التحفظ على بعض النقاط ..

دمت بخير ، دمت متألقة .

موناليزا يقول...

محمد محمود عمارة
ـــــــــــــــــ
أهلا بيك أستاذ محمد
نظرة منطقية للأمور أحييك عليها
ولكن أين إجابة السؤال المطروح يافندم:) وماهى وجهة نظرك الخاصة؟

فى انتظار مشاركتك
ويسعدنا دوام التواصل


************************************

سواح فى ملك الله
ـــــــــــــــــ
أهلا بيك أستاذ خالد
اوكى يافندم تعالى نختلف ولكن هل تتفق معى بإن الحاجة الغالية دايما هى اللى بتكون متغطية :)

ومع احترامى الكامل لما تقول ولكن إذا لم أحافظ على ممتلكاتى الخاصة وقمت بعرضها لماذا ألوم من ينتهكها!!

ومن جُملتك الأخيرة يتضح بأننا لم نختلف :)

أشكرك جدا لتعليقك
ويسعدنا دوام التواصل


***********************************

شيماء على
ـــــــــــــــ
أهلا بيكِ يا شيمو
وماله يا حبيبتى تحفظى زى ما يعجبك حرية الرأى هنا مكفولة للجميع :)

إجابتك جميلة ومنطقية وممكن نضيف عليها دور إعلامنا المحترم:)

أشكرك جدا لمشاركتك
نورتينى حبيبتى
و فى انتظارك دائما

*********************************


ماجد القاضى
ــــــــــــــ
وعليكم السلام ورحمة الله وبركاته
أهلا بيك أستاذ ماجد
أشكرك جدا لاتفاقك معى
ويسعدنا دائما وجودكم


**********************************

مجداوية
ــــــــــــ
وعليكم السلام ورحمة الله وبركاته
أهلا بيكِ يا موجا

بس أكيد مش زى عندنا..أنتِ عارفة نحن نختلف عن الآخرين :)

أشكرك جدا لمشاركتك ولرأيك فيما أكتب
وحقاً مدونتى اشتاقت لتعليقاتك فلا تحرميها منها

نورتينى حبيبتى


**********************************

مصطفى سيف
ــــــــــــ
أهلا بيك يا دكتور
ده حقيقى الكبت من أهم الأسباب مع إن برضه فيه أزواج ممكن يقوموا بهذا الفعل المشين

وتعرف كمان يا دكتور محتاجين إيه
محتاجين نعمل توعية وبأن أى أنثى ماشية فى الشارع الرجل مسئول عن حمايتها لأنه كما تدين تدان

أشكرك جدا لمشاركتك
ويسعدنا دوام التواصل


**********************************

ريماس
ـــــــــ
أهلا بيكِ يا نور
عروستى :)

مين قال يمكن ماسمعتش أن حد تحرش بأجنبية باليد ولكن عينيه فعلت
ده غير أنه لو طلب منها ده هى مش هتمانع كما يحدث فى الأفلام

يمكن لإن دلؤتى كل حاجة بتقول للرجل اعمل ده.. سواء فى الأفلام والمسلسلات والكليبات أو ملابس المرأة أو فى تدنى الأخلاق أو فى الكبت أو ..أو..أو..

أشكرك جدا لمشاركتك
ويسعدنا دوام التواصل


*********************************

ناصر أبو الخير
ــــــــــــــــ
أهلا بيك أستاذ ناصر فى زيارتك الأولى
حضرتك بالفعل تواصلت معى من خلال تعليقك
وفى انتظار رأيك فى الموضوع المطروح



********************************

موناليزا يقول...

إسلام
ـــــــــ
أهلا بيك أستاذ إسلام
عندك حق جدا
واتفق معك

أشكرك جدا لمشاركتك
ويسعدنا دوام التواصل


********************************

بنت من الزمن ده
ــــــــــــــــــ
أهلا بيكِ حبيبتى
طيب و دى حاجة حلوة ولا حاجة وحشة :)

عندك حق أى ملابس مكشوفة عندنا بتلفت النظر ليها أكتر

أشكرك جدا لمشاركتك
نورتينى حبيبتى وفى انتظارك دائما


********************************

نيسرينا
ــــــــ
أهلا بيكِ يا نيسو
متفقة معاكِ جدا وخصوصا إن الحال من بعضه :)
عندكم زى عندنا

أشكرك جدا لمشاركتك
نورتينى حبيبتى وفى انتظارك دائما


********************************

إبراهيم رزق
ــــــــــ
أهلا بيك أستاذ إبراهيم
وماله يافندم فباختلاف الأراء تنضج الأفكار

عندنا برضه لو البنت عملت قضية تحرش هتكسبها ولكن مين دى اللى هيبقى عندها الجرأة إنها تصمم تاخد حقها بالقانون

إجابة سؤالك
"هل اهمال المسروق مبرر للص على سرقته"
نعم يافندم ومبرر قوى كمان
تخيل حضرتك لو نسيت تقفل باب شقتك وأنت رايح تنام.. وحد طالع العمارة بالصدفة وجعان مثلاً ولقى الباب مفتوح وواضح أن الناس نايمة حتى لو هو مش حرامى ومفيش فى نيته السرقة لكن غريزة الجوع هتخليه يدخل على المطبخ يدور على أى حاجة يأكلها

لو أنا ماحافظتش على حاجتى مين هيحافظ لى عليها
إحنا مش فى المدينة الفاضلة

أما عن غرس القيم فده شئ أساسى طبعا لا اختلاف بيننا عليه
أشكرك جدا لمشاركتك
ويسعدنا دوام التواصل


*************************************

مها البنا
ـــــــــــ
أهلا بيكِ يا مها
وجهة نظر تخترم
وطبعا يا حبيبتى الاختلاف فى الرأى لا يفسد للود قضية
ولكن معروف أن الحاجة المتغطية بتكون دايما أغلى:)

أشكرك جدا لمشاركنك
وفى انتظارك دائما


******************************

كارمن
ــــــــ
أهلا بيكِ يا سمسمة بعد طول غياب
تعليق قوى
أشكرك جدا لمشاركتك
وفى انتظارك دائما


***********************************

وجع البنفسج
ــــــــــــــ
أهلا بيكِ حبيبتى
أشكرك جدا لتعليقك
نورتينى حبيبتى وفى انتظارك دائما

خالد المصرى يقول...

اجابه رائعه احسنتر