الجمعة، 9 ديسمبر، 2011

لو ماقدرتش






الناس فى علاقتهم بالله ثلاثة أنواع:
النوع الأول: غافلين عن ذكر الله.
والنوع الثانى: بيحصلهم فتور فى العبادة.
أما النوع الآخر: بعيد تماماًً.
لكن فى الآخر النهاية واحدة يا إما جنة يا إما نار.ولذلك جاء فى ذهنى
فكرة أرجو أن نطبقها جميعاً।


- لو ماقدرتش تعبد ربنا دايماً وتكون له العبد الصالح..يبقى م
اتعصيهوش.
ولو عصيته ماتجاهرش بالذنب وتفتخر به وتدعوا له.
- لو ماقدرتش تقوم الليل صلاة وعبادة ..على الأقل ماتسهرش تشاهد المشاهد العارية والمواقع الإباحية.
- لو ماقدرتش تصوم النوافل.. على الأقل تحرص أن تأكل بمال حلال.
- لو ماقدرتش تتصدق .. على الأقل ما تصرفش فلوسك فى التفاهات.
- لو ماقدرتش تقول كلمة حق.. لاتشهد شهادة زور.
- لو ماقدرتش تمنع الناس عن الغيبة والنميمة.. لا تستمع إليهم.
- لو ماقدرتش تصلى فى المسجد.. صلى فى البيت.
- لو ماقدرتش تصل رحمك.. اتصل بيهم ولو بمكالمة كل شهر.
- لو ماقدرتش تجيب لحد هدية.. ابتسم فى وجهه.
- لو ماقدرتش تقول كلام تواسى به حد عنده مصيبه.. يكفى وجودك جواره حتى لو هتكون صامت.
- لو ماقدرتش تشارك حد فرحه.. ارسل له رسالة تهنئة على موبايله.
- لو ماقدرتش تذكر الله بلسانك.. لا تقول بلسانك شئ يغضب الله.
- لو ماقدرتش تساعد حد.. لا تؤذيه.
- لو ماقدرتش تسعد حد.. لا تحزنه.
- لو ماقدرتش تضحك قدام الناس॥ لا تبكى أمامهم.
- لو ماقدرتش تجيب حقك.. لا تتنازل عنه.
- لو ماقدرتش تبر والديك.. لا تعوقهم.
- لو ماقدرتش تنقذ حد من الموت.. لا تتسبب فى موته.
- لو مقدرتش تحافظ على صحتك بالرياضة والغذاء الصحى.. لا تدمرها بالتدخين والمخدرات.
- لو ماقدرتش تسمع قرآن.. لاتسمع أغانى.
- لو ماقدرتش تكون إنسان صالح.. لا تكون إنسان فاسد.
- لو ماقدرتش تكون شخصية أمينة.. لا تسرق ولا تأخذ شئ دون استئذان.
-لو ماقدرتش تقول الصدق.. اسكت ولا تقول الكذب।
- لو مقدرتش تسقى حيوان ॥ يبقى ماتمنعوش من الشرب.
- لو ماقدرتش تزرع وردة.. لا تقطفها وترميها.




هناك 17 تعليقًا:

dodo, the honey يقول...

كلمات جميلة كعالدة موناليزا ....
نصائح تستحق الوقوف طويلا ...


تحيآتي لكِ ...

هبة فاروق يقول...

ان شاء الله ححاول اعمل بنصايحك
بجد استفدت وفى اشياء ححاول اجتنبها وابعد عنها
جزاكى الله خيرا فيما كتبتى

دعاء العطار يقول...

عندك حق يامونى

مش قادر ع عمل الخير ع الاقل بطل تعمل شر

جزاكى الله كل خير يامونى وربنا يجعلها فى ميزان حسناتك :)

ريــــمــــاس يقول...

صباح الغاردينيا موناليزا
بصدق كم أشعر براحة نفسيه هنا
دائماً تدلينا لما نغفل عنه رغماً عنا "
؛؛
؛
جزاكِ الله خيراً
لروحك عبق الغاردينيا
كانت هنا
reemaas

مصطفى سيف الدين يقول...

نصايح غالية جدا يا ريت كلنا نحطها نصب اعيننا
جزاكي الله خيرا وفي ميزان حسناتك ان شاء الله

reemaas يقول...

عجبتنى طريقه التفكير جداااااااااا

ربنا يعينى واعمل ده

مها البنا يقول...

جزاكى الله خيرا على النصيحه

تحياتى

ابراهيم رزق يقول...

جازاكى الله كل خير

تحياتى لكى

ماجد القاضي يقول...

السلام عليكم

فكرة جميلة كالعادة... مبنية على قاعدة "أخف الضررين"..
كل ما ذكرتيه ممتاز فيما لا خلاف فيه..
فقط لي تحفظ علىموضوع الأغاني (المباحة بالطبع) فسماعها لا يخالف الاستماع إلى القرآن.. طبعا مع احترامي لاختيارك الفقهي.

ما زلت أكرر بلا ملل: لا بد أن تجمعي هذه الأفكار الذهبية (ومدونتك بها الكثير جدا منها) في كتاب؛ فهو أحفظ لها وأوسع انتشارا...

تحياتي الدائمة أختي المبدعة في الخير.

وجع البنفسج يقول...

لو ما قدرتش ..

جميلة يا منى .. دائما فكرينا بطريقتك الحلوة القريبة من القلب .

ربنا يجعلها في ميزان حسناتك يارب

أم هريرة.. lolocat يقول...

السلام عليكم
ما اجمل ان يكون الانسان ناصحا طيبا
الدال على الخير كفاعله
الكلمة الطيبة صدقه والله اختى لو وافقت كلماتك هذه قلب انسان واحد فقط وعمل بها بصدق فستكون خير لك من حمر النعم

بارك الله فيك غاليتى واكرمك الرحمن

تحياتى وتقديرى

قطرة وفا يقول...

معاكي بكل النقاط الا دي


- لو ماقدرتش تجيب حقك.. لا تتنازل عنه.

محمد محمود عمارة يقول...

نصائح رائعة ، جزاكم الله خيراً

infowksl يقول...

حعل الله هذا الكبلام والتوجيهات في ميزان حسناتك

مامة مازن يقول...

ربنا يكرمك يارب وينفع بيكى وبكلامك اللهم آمين

rona ali يقول...

حلوة طريقه التفكير دى اوى بجد

بارك الله فيكى وجزاكى كل خير موناليزا :)

موناليزا يقول...

أهلا وسهلا بجميع السادة الحضور
نورتونى جميعا
وأعتذر عن عدم الرد على كل فرد على حدة نظراً لضيق وقتى فأرجو المعذرة

سعيدة جداً بوجودكم وأشكركم جدا على مشاركتكم وتعليقكم الذى يثرى الموضوع دائما

فى انتظاركم دائما