البحر والقمر

لفت نظرى فى كتابة البعض تعلقهم الزائد بالبحر أو القمر أو الليل أو... أو ...
ويظلون يشكوا حالهم إليه- البحر مثلاً- وكأنه صديق وفى وسيعطى لهم حلاً سريعاً.
قد تكون الفضفضة فى حد ذاتها صحية وهى سبب الراحة النفسية التى يشعر بها الفرد بعد جلوسه أمام البحر.
ولكن لماذا تلجأ إلى المخلوق والخالق موجود.
فالبحر والقمر والليل كلها من خلق الله.
يعنى بدل ما تقول : أنا تعبان يا بحر.. قل :أنا تعبان يارب.
بدل ما تقول: شكراً يا بحر .. قل: شكراً يارب.
وهكذا
اجعل الله رقم واحد فى حياتك.
فمعه فقط ستجد الراحة فللمناجاة لذة لا يشعر بها إلا من ذاقها فعلاً وهى ستغنيك عن البشر كافة وعن المخلوقات عامة..
جرب تقول من قلبك يارب.. جرب ترفع كفك وتدعيه.. جرب يكون هو ملاذك الوحيد وغناك عن كل الناس..
ربنا مش محتاج منك مكان أو زمان معين عشان تقابله فيه فهو معك دائماً أينما كنت.
جرب تكون على سريرك وتكلمه قبل ما تنام وأنت تحت البطاطين فى عز الشتا.. جرب تكلمه وأنت فى عز زحمة المواصلات وكل اللى حواليك مش طايقين نفسهم..جرب تكلمه من غير وسيط فهو أقرب إليك من حبال الوريد.

الحمدلله إنك أنت ربى.