الأحد، 12 فبراير 2012

سنة راحت بالسلامة

سنة حلوة يا أمة الله و عقبال الـ 100 سنة و سنة حلوة وعام سعيد

تمت مدونتى الغالية اليوم 4سنوات.. مش مصدقة إنهم عدوا بسرعة كدة.
مدونتى الغالية كانت سبباً رئيسياً فى معرفتى بأغلى صُحبة أعتز بها على مدار الأربع أعوام الماضية.
شهدت معى أحداث كثيرة على المستوى الشخصى والمستوى العام.
كانت مرآتى التى أرى بها نفسى مع مرور الوقت.
مدونتى الغالية أعتبرها نعمة من نعم ربنا علىَّ أدامها الله لى وحفظها من كل شر.

أوقات كتير بتخيل يوم موتى ويصعب عليا إن مدونتى مش هتقدر تنشر حاجة من غيرى وعلشان كده عملت جدولة للمواضيع بتواريخ ثابتة علشان يوم ما أموت مدونتى تفضل عايشة.. حتى لو هتعيش بعد منى بشوية صغيرين بس كفاية إنها هتخلى أى حد يقرأها يفتكرنى ويمكن يترحم عليا.

بعترف إنى فى الفترة الأخيرة أصبحت مقصرة فى الرد على تعليقاتكم عندى وبعتذر جداً لهذا ولكنى مازلت أسعد بتعليقاتكم وانتظرها كثيراً.



سأعرض الآن أولى الهدايا التى حصلت عليها مدونتى العام الماضى..والتى كان لها عظيم الأثر فى نفسى.
كانت من أ/ ماجد القاضى بمناسبة عيد ميلادها الثالث.





وهدية رقيقة من carmen






أتوجه بشكر خاص لـ :
ـد/ مصطفى سيف الدين لمساعدته لى فى اختيار صور سلسلة خبايا نسائية وتشجيعه لى على الاستمرار فى كتابتها.

فاتيما: لتوضيحها لى كيفية نقل أماكن الصور فى المواضيع.

لبنى أحمد نور:على مبادرتها بمسابقة المئة التدوينة والتى كان لها الفضل فى أن يكون اسمى داخل كتاب ورقى مطبوع وله ثمن فى الأسواق( كانت كتاباتى تنشر فى كتاب ورقى تابع لنادى أدب جامعة المنصورة يوزع مجاناً)

"أبجدية إبداع عفوى" اسم الكتاب الذى حقق حلم الغالبية.

شكراً لزوارى الكرام.
شكراً لكل من ترك تعليقاً.
شكراً لكل من استمر فى متابعتى على مدار أربعة أعوام.
شكراً لكل من شجعنى على الاستمرار فى الكتابة.
شكرا لكل من احتجت لمساعدته ولم يخذلنى.
شكراً لمن يتذكرنى بالدعاء.
وبهذه المناسبة يسعدنى استقبال أى نقد للمدونة أو لصاحبتها.
أو اللى يحب يسألنى أى سؤال.
اعتبروه عرض خاص لمن يريد التعبير عن رأيه الصريح فى مدونتى وفيا أنا شخصياً فليتفضل.








هناك 21 تعليقًا:

سواح في ملك اللــــــــــــــــــه- يقول...

كل سنة ومدونتك قيمة وهادفة

Nour Sherif يقول...

كل سنة وحضرتك والمدونة بخير وعقبال 300 سنة :)

Days and Nights يقول...

الأخت الغالية والعزيزة / موناليزا

كل سنة وأنتى طيبة

وعقبال 100 سنة خير وصحة وسعادة

أجمل الأمنيات

خالص مودتى

تامر

مصطفى سيف الدين يقول...

كل سنة و انتي طيبة يا مدونتنا الجميلة , قلمك دايما بيمس مشاكل تحتاج منا لوقفة و تأمل
امراض اجتماعية و نفسية دايما بيحاول يعالجها
مفيش حاجة مستاهلة الشكر علشان مفيش شكر بين الاخوات و خبايا نسائية فكرتها تستحق التقدير و التشجيع و معتقدش ان في حد مشجعكيش تكمليها
كل سنة و انتي طيبة و المدونة عظيمة و بتمسنا و تعبر عننا
بس ممكن بقى حتة من التورتاية بتاعت ماجد , بصراحة عيني فيها
:)

مصطفى سيف الدين يقول...

كل سنة و انتي طيبة
http://files.arabchurch.com/upload/images11-09/299424157.jpeg

المعتصم يقول...

بسم الله الرحمن الرحيم
السلام عليكم ورحمة الله وبركاته
كل سنه والمدونه وصاحبة المدونة طيبه وبكل خير
وان شاء الله السنه الجديده تكون سنه كلها خير وسعاده واطمئنان وراحه للمدونه وصاحبتها
وربنا يديكى طول العمر ويزيد فى اعمالك الحسنه ويكفيكى شر الفتن والسيئات
كل سنه وانتى طيبه اختى الكريمة
ســــــــــــــلام

افكار مبعثرة يقول...

كل سنة وانتي و مدونتك بخير وسعادة يا رب ودايما تطلي علينا طلتك الحلوة
شعرت بهذا الارتباط بالمدونة بعد ان تمت مدونتي عامهاالاول منذ شهور شعرت بها معي يوم بيوم و ساعة بساعة و شعرت بها نعمة من الله اتمنى ان تدوم علي
ربنا يديم عليكي محبة الناس و احترامهم و وودهم ليكي يا رب فانت تستحقين كل الخير و عقبال العيد ميلاد المائة :)
تحياتي ليكي

هبة فاروق يقول...

كل سنه وانتى ومدونتك طيبين وبخير

Nawel يقول...

السلام عليكم

أختي الكريمة لم يمض زمن طويل على تعرفي إلى مدونتك الطيبة، وقد راقت لي

أرجو لك الاستمرار والنجاح فيما تبذلين والقبول من رب العالمين

تحياتي

دُمـوعُ فــِى رَسَـائـِلِ يقول...

كل عام وانتِ ملكــه لكلمــاتك..

كل عام وانــتِ زهره بين حروفــك

كل عام وعام..وانت بقلوبنا تمتلكين

كل سنه وانتِ ومدونتك طيبين


تقلبى تحياااااااااتى

yosef يقول...

كل سنة ومدونتكِ وانتِ واحبتكِ بالف خير

AHMED SAMIR يقول...

كل سنة و مدونتك اكثر روعة و ابداعا
تحياتي

amiraali يقول...

كل سنه ومدونتك الجميله في تطور مستمر وكل سنه وانتي طيبه

ليلى الصباحى.. lolocat يقول...

السلام عليكم
الف مبروووووووووك اختى الحبيبة
وعقبال الف سنة :)

نقدى الوحيد لك انك ما بقيتى تزورينى خالص بمدينتى :)


يارب تحققى كل احلامك ودايما تمتعينا بمواضيعك الطيبة

http://desmond.imageshack.us/Himg855/scaled.php?server=855&filename=29192508.png&res=medium


تحياتى وتقديرى

beautiful mind يقول...

كل سنه وانتم الاتنين طيبين
انتي ومدونتك الجميلة
عقبال مدونتي يارب الشهر الجاي
ويارب تفضلي كدا ملياها مواضيع وافكار
وحب
خالص تحياتي

موناليزا يقول...

سواح فى ملك الله
ـــــــــــــــ
أهلا بيك أستاذ خالد
وكل سنة وحضرتك من زوارى الكرام :)
أشكرك جدا لتهنئتك
ويسعدنا دوام التواصل


*********************************

نور شريف محمد
ــــــــــــــ
أهلا بيك أستاذ نور
وحضرتك طيب وبكل الخير يارب
أشكرك جدا لتهنئتك
ويسعدنا دوام التواصل


********************************

دايز آند نايت
ـــــــــــــــ
أهلا بيك أستاذ تامر
وحضرتك بخير وبصحة وبسعادة
أشكرك جدا لتهنئتك
ويسعدنا دوام التواصل


**********************************

مصطفى سيف الدين
ـــــــــــــــــ
أهلا بيك يا دكتور
وحضرتك طيب يافندم :)
أشكرك جداً لرأيك فى قلمى.. شهادة أعتز بيها .. ربنا يكرمك يارب .. فما توفيقى إلا بالله
ماهو علشان اخوات كان لازم أشكرك على تعبك معايا فى اختيار الصور بالخصوص :)

طبعاً يافندم هنقطع التورتة حالا :)

----------

إيه التورتة الجميلة دى :)
بجد تسلم إيدك وهدية غالية أشكرك جداً عليها
وكده الناس تاكل براحتها بقى :)

أشكرك جدا جدا جدا
يسعدنا دوام التواصل


**********************************

المعتصم
ـــــــــ
وعليكم السلام ورحمة الله وبركاته
أهلا بيك أستاذ مصطفى
وأنت طيب وبصحة وبسعادة
يارب يتقبل دعائك يافندم :)
وكل سنة وأنت من زوارى الكرام وقراءئي الدائمين

أشكرك جدا لتهنئتك
ويسعدنا دوام التواصل


*********************************

أفكار مبعثرة
ــــــــــــ
أهلا بيكِ حبيبتى
وأنتِ بخير وبصحة وسعادة يارب :)
ربنا يعزك ويسعدك يارب كما أسعدتينى برأيك وتعليقك الجميل
نورتينى حبيبتى
وفى انتظارك دائماً



**********************************

هبة فاروق
ـــــــــــــ
أهلا بيكِ يا هبة
وكل سنة وأنتِ أخت عزيزة أعتز بأخوتها :)

نورتينى حبيبتى
وفى انتظارك دائما


**********************************

نوال
ــــــــ
وعليكم السلام ورحمة الله وبركاته
أهلا بيكِ يا نوال
سعيدة جداً بأن مدونتى قد راقت لكِ وأرجو أن تكون عند حسن ظنك بها دائماً

أشكرك جدا لتعليقك ولأمنياتك الطيبة
نورتى مدونتى
وفى انتظارك دائماً


*******************************

دموع فى رسائل
ــــــــــــــ
أهلا وسهلا
ما أجمل هذا التعليق
وأرق هذه التهنئة
أشكرك جدا جدا
يسعدنا دوام التواصل

*******************************

يوسف
ـــــــ
أهلا بيك أستاذ يوسف
وحضرتك بخير وبصحة وسعادة
أشكرك جدا لتهنئتك
ويسعدنا دوام التواصل


********************************

أحمد سمير
ــــــــــ
أهلا بيك أستاذ أحمد
أشكرك جدا على تهنئك الراقية والمشجعة فى ذات الوقت :)
كل سنة وحضرتك من زوارى الكرام

يسعدنا دوام التواصل


********************************

أميرة على
ــــــــــــ
أهلا بيكِ يا أميرة
وكل سنة وأنتِ من قرائى الدائمين :)
أشكرك جدا على تهنئتك الرقيقة
فى انتظارك دائماً


********************************

أم هريرة
ـــــــــــ
وعليكم السلام ورحمة الله وبركاته
أهلا بيكِ يا لولو بعد طول غياب
تسلميلى يارب من كل شر :)

نقدك على دماغى وأنا بعترف بتقصيرى وطالبة منك تسامحينى بجد

ربنا يخليكِ ليا يا حبيبتى

إيه الجماااال ده :)
بجد هدية راااائعة جدا
تسلميلى حبيبة قلبى وماتحرمش منك أبداً

فى انتظارك دائما


******************************

بيوتيفل مايند
ـــــــــــــــ
أهلا بيك يافندم
كل سنة وحضرتك من زوارى الكرام
وأشكرك جدا على تهنئتك الرقيقة
ويسعدنا دوام التواصل

aya mohamed يقول...

كل سنة ومدونتك اجمل واجمل
وعقبال سنين كتير كلها ابداع

فافى يقول...

كل سنه وامة الله طيبه
وعقبال 100 سنه

eng_semsem يقول...

كل سنه وانت طيبه ومدونتك مليانه بالمواضيع المهمه ودايما منوره في عالم التدوين واتمنى لك مزيد من التقدم والسطوع
تحياتي

موناليزا يقول...

آية محمد
ــــــــــــــ
أهلا بيكِ يا آية
أشكرك جداً لتهنئتك الرقيقة
وكل سنة وأنتِمن زوارى الكرام
نورتى مدونتى
وفى انتظارك دائما



*************************************



فافى
ــــــــــ
أهلا بيكِ يا فافى
وأنتِ طيبة يا حبيبتى وبألف خير يارب :)
نورتينى حبيبتى
وفى انتظارك دائما



*********************************


إنج سمسم
ــــــــــــــ
أهلا بيك يا باشمهندس
أشكرك جداً لنهئتك ولتعليقك الجميل
وكل سنة وأنت من زوراى الكرام وقرائى الدائمين

يسعدنا دوام التواصل

Sara يقول...

كل سنة و انتي طيبة يا منى :)
و عقبال المدونة ما توصل لسنوات كتير كتير و انتي بخير و صحة و سعادة :)

ربنا يوفقك يا حبيبتي و كل سنة و انتي دائمـًا في تميز :)