الاثنين، 15 أكتوبر 2012

الدعوة عامة



يا أهالى بلوجر الكرام يسعدنى دعوتكم جميعاً لحضور الحفل الأول لتوقيع كتابى "خبايا نسائية" وذلك يوم الجمعة القادمة الموافق19 أكتوبرفى تمام الساعة الرابعة عصراً فى المكتبة العصرية بالمنصورة (برج المعمورة- المشاية السفلى - جوار فندق مارشال الجزيرة).

بوجودكم تكتمل سعادتى.



يعنى إيه حفل توقيع؟
يعنى أن الكاتب سيقوم بمناقشة كتابه مع الحضور والتحدث عن محتويات الكتاب وقد يتضمن فقرة للإجابة على أسئلة الحضور.
ثم يقوم الحضور بشراء الكتاب والذهاب به إلى الكاتب ليقوم بتوقيعه ليصبح مع القارئ كتاب موقع من الكاتب شخصياً.
يعنى مافيهوش أغانى ولا فيه أوبن بوفيه لإنه باختصار مش حفل زفاف :)



على الهامش: صفحة الكتاب على الفيس بوك هنا
إيفينت حفل التوقيع على الفيس بوك هنا


ملحوظة هامة :  وجودكم هيفرق معايا بجد.. ياريت تنورونى.

هناك 20 تعليقًا:

P A S H A يقول...

ألف ألف مبروك يا أستاذة ، هي دي الأخبار الحلوة بصحيح ، إن شاء الله ربنا هيكرمك ويوفقك وينجح مقاصدك ، حضرتك من الكاتبات المتميزات اللي بنتشرف دايماً بقراءة ومتابعة أعمالها ، بإذن الله يكون يوم ناجح جداً وزي الفل .
:))
خالص تحياتنا

ليلى الصباحى.. lolocat يقول...

الف مليوووووووووون مبروك يامنى
ان شاء الله تكون حفلة موفقة وجميلة وهادئة


امنياتى الطيبة لك وعقبال الكتاب الألف

تحياتى لك بحجم السماء

ظلالي البيضاء يقول...

أختي منى ..
سعيد بهذا النجاح الطيب المبارك ..
وحزين لأنني لن أستطيع الحضور ..
إلا إذا كان الحضور ممكناً من خلال سكايب :)
مبارك وأسأل الله لكم تمام السعادة النجاح والتفوق ..
مع التحية الطيبة ..

Baskouta يقول...

مبروووووووك
وعقبال كتب جاية كتير

momken يقول...

....

بالتوفيق يا استاذه منى
مع خالص التمنيات بدوام التوفيق والنجاح

نسعد كثيراً حين نرى احد المدونين حقق امله فى النشر
ان كان النشر احد طموحاته طبعاً


تحياتى

....

شمس النهار يقول...

اااالف مليون مبروك
وعقبال الكتاب الالف

انتي تستهلي كل خير

سواح في ملك اللــــــــــــــــــه- يقول...

مبروك موناليزا

SHARKawi يقول...

ألف مبروك يا استاذة . ويارب دايما في نجاح . وكتاب يجي وراه الكتاب .
وبخصوص الحضور . ياريتني موجود في مصر .
ولكن أتمنى يكون يوم سعيد عليكي وعلى كل الحاضرين .

تقبلي تحياتي

افكار مبعثرة يقول...

ما شاء الله الف مبروك يا حبيبتي و بالتوفيق دايما و يارب يسعد ايامك :)

Om Zaina يقول...

لو كنت في مصر .. اكيد كنت ححاول اجي المنصورة ...
دعواتي لكي بالتوفيق والبركة

الطائر الحزين يقول...

ان شاء الله احاول الحضور
كنت هناك الجمعة الماضية
الف مبروك ربنا يوفقك

موناليزا يقول...

باشا
ـــــــــ
أهلا بيك أستاذ شريف
الله يبارك فيك يافندم
حقاً أسعدنى تهنئتك وطالما أسعدنى تعليقك المشجع
وسيسعدنى تشريفك لى أنت والأسرة الكريمة

خالص تحياتى وفى انتظاركم بإذن الله :)

-------------------

ليلى الصباحى
ــــــــــــــــ
الله يبارك فيكِ يا لولو
ربنا يخليكى ليا يا حبيبتى ويفرح قلبك ويسعدك
مش ناسية وقفتك معايا أبداً
وياريت لو تنورينى بجد

خالص تحياتى وأمنياتى القلبية بفرحة قريبة يرقص لها قلبك طرباً

----------------------

ظلالى البيضاء
ــــــــــــــــ
أهلا بيك أستاذ محمد
كم سعدت بتعليقاتك المشجعة لى على سلسلة الخبايا
وكنت أود حقاً حضورك ومشاركتك معى هذا اليوم
أشكرك لتهنئتك وأمنياتك الطيبة
خالص تحياتى

-------------------------

بسكوتة
ــــــــ
أهلا بيكِ يا توتة
الله يبارك فيكِ يا قمر
وياريت لو تنورينى يومها بجد


----------------------

ممكن
ـــــــــ
أهلا بيك يافندم
الله يبارك فيك :)
أشكرك جداً لأمنياتك الطيبة وتهنئتك الرقيقة وفى انتظارك بإذن الله

-----------------

شمس النهار
ــــــــــــ
أهلا بيكِ يا شموستى
الله يبارك فيكِ يا حبيبتى
ماتحرمش منك أبداً
وفى انتظارك بإذن الله


---------------------

سواح فى ملك الله
ـــــــــــــــــ
أهلا بيك أستاذ خالد
الله يبارك فيك يافندم
وفى انتظارك بإذن الله

------------------------

شرقاوى
ــــــــــــــ
أهلا بيك يافندم
الله يبارك فيك :)
أشكرك جداً لتهنئتك الرقيقة وأمنيتك الطيبة
ووددنا وجودك معنا ولكن عذرك معاك

مع أطيب التحية

----------------------------

أفكتار مبعثرة
ــــــــــــــ
أهلا بيكِ حبيبتى
الله يبارك فيكِ يا قكر
وفى انتظارك بإذن الله

----------------------

أم زينة
ـــــــــــ
أهلا بيكِ حبيبتى
تكفينى دعواتك وأمنياتك الطيبة
مع خالص شكرى

---------------------

الطائر الحزين
ـــــــــــــــــ
أهلا بيك أستاذ إيهاب
الله يبارك فيك يافندم
وفى انتظارك بإذن الله

محمد سلامة يقول...

اللهم لك الحمد
مليووووووووووون مبروك يا أستاذة
وبإذن الله إلى تقدم أكبر

Mahmoud Ahmed يقول...

الف مليون مبرووك
و ان شاء الله تكون حفله حلوه و كتاب جميييييييييل جدااااااا

MOHAMMED ELBANNA يقول...

الله .. الله .. الله

ألفين مبروك ^__^

محمد البنا
طريق النجاح

حمدى جعوان يقول...

بالتوفيق ان شاء الله

Sara يقول...

يا منى حفلات التوقيع أجمل من حفلات الزفاف ألف مرة :D

ألف مبروك يا حبيبتي :)

و ان شاء الله أقدر أشاركك الفرحة يومها و أحضر ♥

مذكرات موززه عانس يقول...

الف مبروك يا امة الله انتى تستاهلى كل خير :)

E73 يقول...

كان يوم جميل جدا يا ميمي بجد سعيدة اني حضرت كانت اضافة ليا ان معايا كتابك وتوقيعك عليه ^_^

ربنا يباركلك يا رب ويسعدك وينور طريقك :)

عاوزة اقولك اني افتكرت ان حفل التوقيع في مكتبة بوكس اند بينز ورحت على هناك ولقتها فاضية تماما قلت هم خلصوا ولا ايه ولما سألت الرسبشنست قالتلي لأ مفيش حفل توقيع النهاردة وسألتني عالكتاب والكاتبة قلتلها قالتلي لأ مش عندنا

بجد جتلي حالة من الاحباط لأني كنت عاوزة احضر وبشدة غير اني وعدتك والمشكلة موبايلي فيه عطل مش بيفتح نت وبالتالي مش هعرف اراجع الايفنت وكمان مش معايا تليفونات حد ولا اعرف حد من الحاضرين

وفجأة افتكرت اني اول امبارح بعت دعوة للايفنت لواحدة صحبتي وفورا اتصلت بها لصدمتي لقتها قافلة استقبال المكالمات اتصدمت وخاصة انها مش في بيتها

عصفت ذهني وافتكرت نمرة جدتها واتصلت عليها قالتلي انه فالمكتبة العصرية

مقولكيش حسيت بايه وقتها انتعاشة

مع اني كملت الطريق مشي بس ميضرش كله فداء خبايا نسائية

لسة مقرأتش الكتاب ان شاء الله هبعتلك الريفيو بتاعي قريبًا ^_^

موناليزا يقول...

مسلم مصرى
ـــــــــــ
أهلا بيك يا باشمهندس
الله يبارك فيك
وعقبالك بإذن الله


----------------

محمود أحمد
ـــــــــــــ
أهلا بيك يا دكتور
الله يبارك فيك
وكانت نقصاك بجد


-----------------

محمد البنا
ـــــــــــــ
أهلا بيك أستاذ محمد
الله يبارك فيك يافندم :)

----------------

حمدى جعوان
ـــــــــــ
أهلا بيك أستاذ حمدى
أشكرك

--------------

سارة
ـــــــ
أهلا بيكِ يا سارة
الله يبارك فيكِ وعقبالك ياقمر
وأسعدنى حضورك :)


-----------------

مذكرات موزة عانس
ـــــــــــــــــــ

أهلا بيكِ حبيبتى
الله يبارك فيكِ يا قمر
ميرسى لذوقك :)

-------------

إى 73
ـــــ
أهلا بيكِ يا نوسة
اليوم كان جميل ومميز بوجودكم معايا بجد وأسعدنى حضورك ورؤيتك كثيراً :*

يا حبيبتى كل ده !! بجد حضورك بعد ده كله على دماغى ويارب الكتاب يعجبك واشوفك دايماً على خير :)