السبت، 12 يناير 2013

دعوة للسعادة


إن من أحب الأعمال إلى الله سرور تدخله على قلب مسلم.
ما رأيكم إذا أخذنا هذه النية فى تعاملاتنا لمدة يومين ولنرى سوياً نتيجة فعلنا الذى يتبع نيتنا هذه.
فكل شخص فينا يعلم جيداً ماهى الأشياء البسيطة التى تسعد من حوله سواء من أهله أو أصدقائه أو حتى جيرانه.

مثال: الأم يسعدها كثيراً أن تخصص لها من وقتك بعيداً عن الكمبيوتر والتلفاز والمحمول ويسعدها أن تلغى خروجة مع صحابك مثلا علشانها لأنها قالت لك " أنت مابتقعدش معايا" أو "أنت واحشنى وبقى لنا كتير ماقعدناش مع بعض" أو حتى من غير ماتقول حاجة.

الأب: هيفرح لو رجعت من خروجك بدرى من غير مايتصل بيك ويوصل لمرحلة إنه يقلق عليك.

الأخت أو الابنة: ممكن تفرح لو جبت لها شوكلاتة.

الأخ أو الابن: ممكن ترسل له رسالة على موبايله تقوله فيها إنك بتحبه.

الصديق أو الزميل أو الجار: ممكن لو رجعت له أى حاجة كنت واخدها منه وشكرته عليها.

أشياء صغيرة جداً ولكنها ستترك ذكرى طيبة لن تنسى.

حكمة اليوم: إسعد من حولك لتسعد ويبقى أثرك بعد الممات.

انثروا السعادة على من حولكم ليصلكم شذاها.



سؤال جانبى : ايه أكتر حاجة ممكن تسعدك ؟

هناك 9 تعليقات:

Amira Yusuf يقول...

:)
انا موافقه

اكتر حاجه تسعدني
حب الناس اللي حواليا :)

SHARKawi يقول...

بجد جميلة انتي دائما بأفكارك بكلماتك .
مبادرة حلوة منك . اسعدتني .
وهبدأ أطبق الفكرة والدعوة دي بالفعل . وهحاول اخليها قاعدة امشي عليها في يومي وتعاملي مع الاخرين .
واما عن السؤال . فهو الى حد ما صعب .

تحياتي وتشكراتي ودعواتي

محمد يقول...

أختنا الفاضلة في الله
جزاك الله كل الخير علي تبني مثل هذه المبادرات الطيبة ولعلك تجديها يوم لا ينفع مال ولا بنون ....

بالمناسبة مش عارفين نوصل للكتاب بتاع حضرتك

تحياتي

شيرين سامي يقول...

دعوه جميله يا منى و طيبة زي قلبك :)
أكتر حاجه بتسعدني غالباً زي ما أميره قالت.
بس ساعات بيسعدني إني ألاقي وقت ميبقاش ورايا حاجه فيه :)

موناليزا يقول...

أميرة يوسف
ــــــــــــ
أهلا بيكِ يا أميرة
إذن فلتبدأى بالتنفيذ حالاً

ربنا يرزق بحب اللى حواليكى دايما

نورتينى وفى انتظارك دايما

-------------------------

شرقاوى
ــــــــــ
أهلا بيك يافندم
أشكرك جدا لرأيك قى كلماتى
سعيدة بتعليقك
وتمنياتى لك دائما بالسعادة مهما بدت لك صعبة

يسعدنا دوام التواصل

--------------------

محمد
ـــــــــــ
أهلا بيك أستاذ محمد
ربنا يكرمك
أشكرك جدا
فماتوفيقى الا بالله

-----------------

سيتوافر الكتاب بإذن الله فى معرض القاهرة الدولى للكتاب الذى سيقام على أرض المعارض بمدينة نصر من 23 يناير ل9 فبراير من الساعة 10 ص للساعة7 م
فى جناح كيان كورب خيمة 2

يسعدنا دوام التواصل


-------------------

شيرين سامى
ــــــــــــ
أهلا بيكِ يا شيرين
من ذوقك يا حبيبتى :)

ربنا يسعدك دايما
نورتينى شيرين الرقيقة وفى انتظارك دائما

ابراهيم رزق يقول...

فعلا احيانا اشياء بسيطة بنسعد اللى خ\حوالينا
مثال فاتيما شفتها بتدى طفل من اطفال الشوارع مصاصة
وقد ايه ابتسم و قد ايه كان سعيد

جزاكى الله خيرا
تحياتى

ظلالي البيضاء يقول...

سبحان ربي ..
لا يتحقق شعوري بقيمة الحياة إلا عندما أكون فيها سبباً لسعادة الآخرين .. وكم أرجو الله أن لا أكون يوماً فيها سبباً لحزنهم أو تعاستهم ..
أشكرك .. مع التحية ..

Om Zaina يقول...

بفضل الله انا واخواتي بنستحضر نية ادخال السرور على قلب مؤمن لما بنفكر
نزور حد (وحده صاحبتنا بتموت في البيتيفور .. بتفرح اوي لما بناخده معانا

ماما الله يرحمها كانت بتحب الشيبسي :)
كنت لازم وانا راجعة من الشغل اكون جايبالها معايا كيس شيبسي .. بسيط جدا ومش غالي .. بس كانت بتقعد تدعيلي ساعة بسبب الشيبسي ده :)

موناليزا يقول...

ابراهيم رزق
ــــــــــــــ
أهلا بيك أستاذ ابراهيم

فعلا ما أبسط الأشياء التى تدخل الفرحة على قلوب العبادة

هكذا هى فاتيما :)

أشكرك جدا لتعليقك
يسعدنا دوام التواصل


-----------------------

ظلالى البيضاء
ــــــــــــ
أهلا بيك أستاذ محمد
دائما يلفت نظرى حبكم للآخرين ورغبتكم الصادقة فى إسعادهم
رزقك الله بكل الخير والسعادة

يسعدنا دوام التواصل

------------------

أم زينة
ــــــــــ
أهلا بيكِ أم زينة

حلوة أوى انك بتاخدى نية :)
ربنا يفرحك زى مابتفرحى غيرك

نورتينى
فى انتظارك دائما