فلق الحجر

لما تشوف حد فرحان وسعيد.. بلاش تحسده وتنق عليه حتى لو بهزار..
 محدش عارف يمكن عينك تصيبه بجد وكل اللي هو فيه يتقلب حزن وقهر..
افرح للناس أو ماتشغلش بالك بيهم.. بطل تراقبهم وتقارن حالك بحالهم
 ولو ده حصل ماتخليهوش ياخد أكبر من حجمه جواك.
أنت ماتعرفش الشخص المبسوط قدامك ده من جوه عامل ازاي.
 ولا الفرحة جت له إزاي ولا شاف إيه علشان يوصل للي هو فيه.
مش هتستفيد حاجة لو اللي هو فيه ده راح وانتهى.
لو تتمنى تكون زيه ادعيله بالخير والملك هيأمن وهيدعيلك بالمثل.
ادعي لنفسك بالخير.
وإياك تتمنى زوال النعمة عن حد.

نصيحة للبنات خصوصاً:
 لما تشوفي بنت خارجة مع خطيبها.
أو عروسة مع عريسها.
أو زوجة جديدة حامل مع زوجها.
ادعولهم بالخير.
وبلاش تنقوا عليهم.. العين فلقت الحجر .
مش هتستفيدي حاجة لو اللي هي فيه انتهى .
نفسك تبقي زيها ادعي ربنا وهو يرزقك زي ما رزقها.
بلاش تحسديها ولو على سبيل الهزار.