من كتاباتي (36)

1- أهفو لمهاتفة تجعلني أغفو متراقصة.

-------------

2- كل أشباه الرجال الذين تلتقين بهم في حياتك هم نتاج تربية امرأة

 لم تعرف كيف تصنع رجل.

------------------

3- مش مهم مين اللي يتكلم

المهم مين اللي هيستقبل كلامه وعنده استعداد يسمعه.

------------------

4- المشكلة مش في أنك تتعود تشتم طول الوقت

المشكلة أن ممكن حد يكون مابيشتمش ولا في قاموسه كم المرادفات الرائع

 اللي سيادتك بتقوله فيتعلمه على إيديك

وتبقى دي وسيلته الوحيدة في التعبير .

-----------------------

5- رغم محاولاتي في تقبل الآخرين لكني اكتشفت أني فعلا عنصرية

ومابستوعبش أبدا فكرة أن حد مش مصري

 يتدخل ولا يعلق ولا يتريق على أي حاجة بتحصل في مصر مهما كانت.

-------------------

6- الكل يشتاق للاهتمام.

--------------

7- اقترح أن يكون هناك طبيب نفسي

 في كل منظومة تعليمية أو مؤسسة حكومية

 أو أي جهة تتعامل مع الناس وتقدم لهم خدمات.

فالموظفين بالإجماع في حاجة ماسة لزيارته من آن لآخر.

------------------------

8- أي لقب بتحطه قبل اسمك ياريت تعرف 

أنه مش فشخرة على قد ماهو مسئولية.

--------------------------

9- منظومة التعليم العقيمة

إزاي تنتظروا من الأطفال أصحاب الفئات الخاصة

 (فرط الحركة، بطء الفهم ، قلة تركيز، تأخر عقلي...)

أنهم ياخدوا نفس مواد الطفل السليم ويعطوكوا نفس النتيجة!!!

طبعا الأطفال دول قدام أصحابهم وأهلهم والمدرسين

 عيال فاشلة وأغبيا ومش هتفلح 

-----------------------------

10-ضمانك الوحيد الجنة.

--------------------

11- أنك تكون إنسان

وإن مقدرتش

على الأقل حاول

----------------------

12- الناس اللي ماشيين على خط مستقيم

 هما أكتر ناس يسهل على الآخرين إيذائهم.