الصعود إلى القمة

تم الإعلان عن مسابقة لصعود أكبر جبل فى العالم وستكون


الجائزة الأولى:قضاء شهر مع شخصين باختيارك فى أجمل مكان تختاره بنفسك مجانا+مبلغ 100مليون دولار+سيارة4باى4أحدث موديل+شاليه تمليك فى الساحل الشمالى+أحدث موبايل+فيلا+أحدث أجهزة كهربائية+ الإشتراك بأشهر المحلات للملابس الجاهزة لمدة عام+الاشتراك بأشهر المطاعم لمدة عامين لك ولخمسة أفراد باختيارك مجانا


الجائزة الثانية:25مليون دولار+سيارة مرسيدس أحدث موديل


الجائزة الثالثة:20مليون دولار+أحدث موبايل


الجائزة الرابعة:10مليون دولار+جهاز كمبيوتر


الجائزة الخامسة:5مليون دولار+ساعة يد"ماركة عالمية".


وعشرين جائزة قيمة كل جائزة:50ألف دولار+طقم الماظ


وخمسين جائزة قيمة كل جائزة:20ألف دولار+طقم ذهب


وعشر جوائز قيمة كل جائزة:5000دولار


وخمس جوائز قيمة كل جائزة:3000دولار


وثلاث جوائز قيمة كل جائزة:1000دولار





شروط المسابقة:


1-أن يشهد بأن لا إله إلا الله وأن محمدا رسول الله .


2-أن تكون ممن يقيمون الصلاة فى وقتها.


3-لايشترط سن معين.





إيه رأيك؟ هتشترك ولا لسه هتفكر؟ متهيألى الجوايز دى كلها يبقى لازم تشترك من غير أى تفكير ومش كده وبس ده أنت لازم تنافس على المركز الأول .


ملحوظة: لو الشروط مش متطابقة عليك تبقى وحشة أوى فى حقك


هتشترك؟؟


إختيار موفق


هذة بعض النقاط التى تساعدك على الفوز:


1-إرادتك فى الفوز وعزيمتك على النجاح يجب أن تكون قوية.


2-استعن بالدعاء لاجتياز صعاب التسلق.


3-اذكرالله دائما حتى يذكرك.


4-خفف ماتحمله معك حتى تستطيع الصعود بسهولة يعنى مش هينفع تاخد كاسيت وتسمع أغانى لو اندمجت مع الأغنية فيه غيرك هيسبقوك وياريت متاخدش الموبايل لان أى مكالمة هتكون سبب فى تأخيرك ومش هينفع كمان تجيب فى سيرة الناس مع اللى جنبك ده لو رد عليك وطبعا لو بتشرب سجاير هتتبهدل آخر بهدلة مش هيبقى فيك نفس.


ماتتنرفزش أوى كده أنا بحاول أساعدك ومتنساش الجائزة تستاهل وبعد ما تاخدها إبقى أعمل اللى أنت عاوزه .

اتحمس بقى ياأخى دى الجايزة تستاهل كل التعب ده.

وخد بالك فيه كتير هيحاولوا يزعزعوا ثقتك بنفسك عشان متكسبش وفيه اللى هيحاول يوقعك وفيه اللى مش هيخليك تشترك فى المسابقة .


أنت بقى خليك رجل واجعل الجائزة دائما نصب عينيك وكل ماتيجى تضعف افتكر قيمة الجوايز .



تخيل بقى لو أن صعودك للجبل هو رحلتك فى الدنيا والجايزة دى هى الجنة اللى فيها ما لاعين رأت ولا أذن سمعت ولا خطر على قلب بشر بذمتك مش تستاهل شوية تنازلات عن مغريات الدنيا .