الجمعة، 29 فبراير 2008

الحب الحقيقى


عايزة أحكى لكم عن حبيبى.

أول ما أحتاجله دايما الأقيه,دايما بيسمعنى ومهما أطول عليه فى الكلام لايقاطعنى ولايزهق منى أصله حبيبى ..أيوه حبيبى علشانه مستعده أعمل أى شئ.

أنا بصراحة كده تحت أمره , قد إيه بشتاق له وبشتاق لضعفى بين إيديه وبشتاق لكلامى معاه.. أصله الوحيد اللى بيريحنى والوحيد اللى واثقة فى حبه ليا.

حبيبى مالوش وصف أصل مفيش منه اتنين.

يا ما إحتجت له فى نص الليل وماكنتش بلاقى منه غير الإنصات التام لى بكل حفاوة وترحاب ولاينتهى كلامى معه إلا عند شعورى بالراحة.

وكم تعددت ساعات لقاءاتى به دون موعد مسبق ..وكم كان حنوا معى,وكم من المرات وقف بها جوارى دون كلل أو ملل.. كثيرا من الناس لهم أحباء ولكن القليل يجدونهم عند إحتياجهم.

آه على كلامى معاه ما أجمله وأحلاه.

آه لما أحس أنه بيحبنى ببقى مالكة الدنيا.

آه عند بكائى أمامه وما أحلى هذا الضعف.

اتكلم عن عظمته ولا عدله ولا كرمه ولا حنانه ولا... ولا.... ولا.....

مفيش كلام يقدر يوصف.

كل اللى أقدر أقوله أنى بحبه جدا.

تصوروا مكنتش أتخيل أنى هلبس الحجاب فى يوم من الأيام ولكن علشانه لبسته لأنه بيغير عليا أوى وبينى وبينكم أنا حبيت غيرته دى أوى ولقيت نفسى منصاعة لأوامره , وياسلام على مواعيدى معاه حتى لو كنت نايمة بلاقى نفسى صاحية فرحانة علشان هقابله, وياسلام عليه لما ياخد حقى , وياسلام عند شعورى بأنه حضن كبير بيضمنى فى جميع حالاتى.

أنا علشانه مستعدة أعمل أى حاجة حتى لو على حساب كرامتى لأنه عندى أغلى من كرامتى ومستعدة أضحى بوقتى وفلوسى وبحياتى كلها لو هو يرضى, ياسلام لو أموت علشانه أصل عمرى شوية عليه.

لكن بما إنى على قيد الحياة هكون جاريته المخلصة.

ياااااااااه لو يرضى عنى..دعائى الدائم أنه يفضل معايا.

عقبالكم لما تجربوا اللى أنا فيه.

اللى عايز يتعلم الحب لازم يعرف حبيبى تعرفوا ليه؟؟.

لأن حبه علمنى حاجات كتيرة أوى..علمنى أحب كل حاجة..خلانى أعرف إن لحياتى قيمة.. علمنى إزاى أحب.. وإزاى أضحى.. وإزاى اكظم غيظى ..وإزاى أساعد الناس .. وازاى أضحك فى وشهم.. وحاجات تانية كتير.. بحبه فقط علمت ماهية وجودى.

علمنى اصبر على المحن..واشكر على النعم.. علمنى ان الحب أفعال مش كلام ..علمنى أحب الناس ..علمنى أسامح..علمنى أعذر.. علمنى أحفظ الجميل .. وأوفى بالعهد..وأحافظ على الأمانة.. وغيرها.

حبيبى هو:

من يطعمنى ويسقينى والذى يميتنى ثم يحيينى.

والذى أطمع ان يغفر لى خطيئتى يوم الدين.

ياترى عرفتوه؟؟.



هناك 50 تعليقًا:

رفقة عمر يقول...

كلامك جميل قوى
اللهم ارزقنا حبك وحب من احبك وحب كل عمل يقربنا الى حبك اللهم امين يارب العالمين
مدونتك جميله قوىماشاء الله

موناليزا يقول...

نورتى مدونتى وشكرا على تعليقك الجميل

على خطى الحبيب يقول...

السلام عليكم ورحمه الله
أدعوا الله عز وجل ان يهدينا وأياكى صراطه المستقيم.
بوست جميل ماشاءالله,ربنا يبارك فيكى ويجعلك ممن يقال لهم(أدخلوها بسلام أمنين).
((اللهم أرزقنا حبك والجنه)).
اتمنى لك التوفيق دائما ان شاء الله ,
...خالص تحياتى

موناليزا يقول...

وعليكم السلام ورحمة الله وبركاته
ربنا يتقبل منا ومنكم صالح الأعمال واللهم ارزقنا الجنة وماقربنا منها من قول او فعل
وجزاكم الله خيرا على هذا التعليق الجميل

walaa يقول...

بجد انا فى الاول كنت داخله اديك كلام جامد قوى اصلى كنت بحسبك بتتكلمى عن ولد قلت ايه الجرأه دى
انا بهزر معاك يا قمر
انا كتبت بوست زى ده قبل كده اسمه الحب الحقيقى
فعلا ليس لنا الا الله
حبيبى يا الله وتحياتى ليك على البوست الجميل ده
وربنا يثبت ايمانك يا رب
تحياتى ليك
ولاء

مجداوية يقول...

عزيزتى أشكرك أولا على زيارة مدونتى وقد أضفت رنتين مش رنة واحدة للشعب المصرى بناء على رغبتك ,,ثانيا جميل جدا هذه العلاقة الوثيقة بينك وبين الله سبحانه وتعالى ودائما رددى يا مقلب القلوب والابصار ثبت قلبى على دينك وعلى ,,ولكن لى تحفظ بسيط وهى لغة الخطاب فالله سبحانه وتعالى ليس كمثله شىء فالأفضل أن نخاطبه ونصف علاقتنا به بما يناسب قدره وعلوه فلا نتحدث عنه بشكل يوحى ان حبنا له مثل الحب الدنيوى وان كنت على يقين انك كتبت هذا بكل الصدق والاجلال لله فأرجو أن تتقبلى ملاحظتى وانت واثقة أنها لا تنقص أبدا من جمال وروعة ما تشعرين ,,أدام الله عليك هذا

rona يقول...

ربنا يبارك فيكى ويباركك فى كتبتك وكمان هقول الله اما ارزقنا حبك وحب من احبك وحب كل عمل يقربنا اللى حبك اللهم امين يارب العالمين

Empress appy يقول...

سبحان الله الذى ليس قبله ولا بعده شئ
ربنا يبارك فيك كلامك رقيق قوى ويدخل القلب بسرعه جدا

الطائر الحزين يقول...

توقعت هذه النهاية فى الأخر

يارب انا نحبك

نقولها بألسنتنا وتعجز افعالنا عن كامل التطبيق

اللهم أحبنا جميعا


تحياتى

Desert cat يقول...

لا اله الا الله
ما اعظمه وما اجملة من حب

شريف طلال يقول...

ربنا يكرمنا و نقابله و نشوفه و احنا فى جناته عز و جل
شكراً ليكى على كلامك الحلو ده
تحياتى

موناليزا يقول...

walaa
أختى الحبيبة ولاء انا متقبلة هزارك وربنا يكرمك ويثبتنا جميعا ويجمعنا فى ظل عرش الرحمن يوم لا ظل فيه الا ظله
نورتى مدونتى

موناليزا يقول...

مجداوية
أختى العزيزة مجداوية: نورتى مدونتى وانا معاكى طبعا إن الله عز وجل ليس كمثله شئ ولكن اللى خلانى اكتب بالطريقة دى غير شعورى الصادق بكل كلمة كتبتها هى ظاهرة إن كل بنت بتحب شاب حتى لو مش مرتبطة بيه ارتباط رسمى بتتكلم عنه عادى وبتوصف شعورها برضه عادى فالله عز وجل أحق بكل هذا الحب وبكل هذة المشاعر مهما ضعف الاسلوب واللى حسيته بجد إن من كتر حبى لله مش قادرة اخبى احساسى وسعادتى بان يمن الله عليا بهذا الشعور وفى نفس الوقت مش لاقيه كلام يوصف كل ما أشعر به فهذاالكلام نابع من لحظة صدق حقيقية
اللهم اجعل حبك احب الاشياء الى قلوبنا
أشكرك على تعليقك وسأختم بالدعاء اللى نصحتينى بترديده اللهم يامقلب القلوب ثبت قلوبنا على دينك

موناليزا يقول...

rona
اختى العزيزة:رونا
نورتى مدونتى واسعدتينى بتعليقك

موناليزا يقول...

appy
اختى الحبيبة:نورتى مدونتى وربنا يكرمك ويعزك ويارب اكون عند حسن ظنك دايما

موناليزا يقول...

الطائر الحزين
أحييك على إستنتاجك ونورت مدونتى

موناليزا يقول...

شريف طلال
جزاكم الله خيرا على تعليقك ودعائك الجميل ربنا يتقبل منك
نورت مدونتى

موناليزا يقول...

desert cat
اللهم اجعل حبك وحب رسولك أحب الينا من انفسنا
نورتى مدونتى

Osama Sherif يقول...

تدوينة جميلة جدا جدا
ومؤثرة جدا جدا
أحييكي عليها

ملحوظة صغيرة
هل يجوز أن نطلق على الله تعالى
لفظ "صديقي" ولفظ "هو الحب"؟ـ
الله أعلم، لكن أعتقد لو حُذِفوا يبقى أسلم

موناليزا يقول...

أبوخالد
اهلا بيك ومرحبا بتعليقك
وبالنسبة لكلمة الصديق والحب فقد قرأت هذة الكلمات ولاأتذكر المصدر ولكنها أثرت فيا وهى
من أراد صديقا فالله يكفيه
ومن أرادا مؤنسا فالقرآن يكفيه
ومن أراد غنى فالقناعة تكفيه
ومن أراد واعظا فالموت يكفيه
ومن لم يكف الاربع فالنار تكفيه
نورت مدونتى

Osama Sherif يقول...

معلش أنا مش عايز أبقى مزعج في أول زيارة لي هنا
بس وصف ربنا سبحانه وتعالى لا يكون إلا بصفات وردت في كتابه أو في سنة نبيه صلى الله عليه وسلم
غير ذلك يندرج تحت باب: تقولون على الله ما لا تعلمون
وأنت لم تعتمدي على مصدر من الكتاب أو السنة
وكذا في لفظ "هو الحب"

التدوينة جميلة حقا
فبلاش تخلي فيها حاجات تقلل من جمالها

ونأسف مرة أخرى للإزعاج

د/اجدع بنوته يقول...

اللهم ارزقنا حبك وحب من احبك وحب كل عمل يقربنا الى حبك اللهم امين يارب العالمين

اللهم امييييييييييييين

موناليزا يقول...

ابو خالد
يقول الله تعالى"ومن الناس من يتخذ من دون الله أندادا يحبونهم كحب الله والذين آمنوا أشد حبا لله ولو يرى الذين ظلموا إذ يرون العذاب إن القوة لله جميعا وان الله شديد العذاب" صدق الله العظيم
هذا اخى الفاضل ما قصدته
ويسعدنى تعليقك دائما
اللهم ارنا الحق حقا وارزقنا اتباعه وارنا الباطل باطلا وارزقنا اجتنابه

موناليزا يقول...

د/اجدع بنوتة
اللهم اجمعنا فى ظله فى يوم لاظل فيه الا ظله
اهلا بيكى ونورتى مدونتى

dr_modymodak يقول...

ياريت كل البنات زيك يا موناليزا مش كل البنات وبس كل البشر

اللهم قوي ايمانك واهدنا

موناليزا يقول...

modymodak
ربنا يكرمك ويرزقنا جميعا حلاوة الايمان
ده من ذوقك يامودى واشكرك جدا على تعليقك
اللهم لاتؤاخذنى بما يقولون واغفرلى مالايعلمون واجعلنى خيرا مما يظنون

ورود بلا أشواك يقول...

بارك الله فيكِ اختي
كلامك جميل اختي موناليزا ما شاء الله
اللهم انا نسألك حبك وحب من أحبك وحب عمل يقربنا لحبك واغفر لنا ما سلف واصلح ما هدمنا واهدنا لنعمل صالحا ترضاه اللهم امين

موناليزا يقول...

ورود بلا اشواك
أختى الحبيبة/ ربنا يكرمك ويبارك فيكى ويتقبل منا ومنكم صالح الاعمال
اللهم يامقلب القلوب ثبت قلوبنا على دينك
نورتى مدونتى وأسعدتنى زيارتك

NOur يقول...

و الله بجد انا جسمى قشعر ف البوست دا
خاصة اول ما قريت كلامك انه ربنا

رااااااائع بجد .. مبروك ع البوست الإضافة دا

موناليزا يقول...

nour
ربنا يبارك فيك ويكرمك يارب
مالنا سوى الله حتى نحبه
اللهم اجعل حبك احب الاشياء الى قلوبنا
نورت مدونتى واشكرك على تعليقك

*سمر* يقول...

كلامك جميل جدا ..وينم عن ايمان قوى وحب صادق له عز وجل ..نحسبك كذلك يا امة الله ..

ولك فى حاجة لازم اقولهالك ..انتى مش شايفة ان كلمة صديقى دى ..قليلة جدا على ربنا ..ربنا اعظم واكبر من انه يكون صديق لينا ...احنا مجرد عباد له جل و علا ..

وفقك الله دائما الى طاعته ورضائه

موناليزا يقول...

سمر
أختى الحبيبة:اكيد انتى معايا فى انك لما بتحبى حد اوى بيعجز لسانك عن الوصف الصحيح وعارفة اننا عباد لله ولكن من كرم ربنا معانا انه خلانا نتكلم معاه واحلى احساس انتى ممكن تحسيه وانتى بتتكلمى مع حد بتحبيه فده كان قصدى
اللهم لا تؤاخذنا ان نسينا او اخطأنا
نورتينى واشكرك على مشاركتك

ghorBty يقول...

بسم الله ما شاء الله

ربنا يبارك ل يا موناليزا بجد كتبتيه باسلوب رائع

كثيرا ما بنسمع قصائد غزل وحب من بشر لبشر لكن احساس الحب لله لا يعادل اي احساس لانه المفروض هو الحقيقه الوحيده في حياتنا

جزيت خيرا

دمت بكل خير وسعاده ونعمه

غربتي

موناليزا يقول...

غربتى
ــــــــ
اختى الحبيبة:ربنا يكرمك واشكرك جدا لمشاركتك
اللهم يامقلب القلوب ثبت قلوبنا على دينك
نورتينى حبيبتى ودمتى بخير

ذكرى رحيل قلم يقول...

السلام عليكم
موناليزا ممكن تعيدي نشر هذا الموضع في المدونة عيدة تاني ومتأكدة ان هاتيجي عليه تعليقات اكتر ةاكتر عشان كلنا نستفيد ويمكن يجي يوم ونلبس كلنا الحجاب بس انتي تقصدي انه حجاب الخمار ام النقاب ده مش سؤال شرير بس بجد بحب افهم كده زي الاطفال
احبك في الله

موناليزا يقول...

ذكرى رحيل قلم
ــــــــــــــــ
اختى الحبيبة:سعيدة جدا بتعليقك
بس انا للاسف مش بعرف اعيد نشر اى موضوع وكمان مش بحبذ الفكرة
بصى انا ان شاء الله فى الموضوع الجاى هذكر الرابط بتاعه

الحجاب ياستى اللى كنت اقصده الحجاب العادى لانى كنت سايبة شعرى وكنت ضد فكرة الحجاب من اصله ولكن سبحان الهادى ورغم انها كانت فى البداية طرحة قصيرة بس ده كان فى حد ذاته انجاز دلؤتى الحمدلله طرحتى بقت أطول من الخمار:)
انتِ بقى طرحتك شكلها ايه:)
نورتينى حبيبتى ودمتِ بخير

غير معرف يقول...

السلام عليكم

ما أروع هذا الحب وأحلاه

جميل أن نحب من به الحب يحيى

حقا إن الله محبه

ولكن لا يرضى الله أن تهان كرامة أحبائة

ولا يطلب منهم ما ينقص منها ولكن ما يعليها

هذا شئ

والحجاب

أعرف أن البعض يفهمه خطأ

كل ما ستر المرأة ولم يشف ولم يصف حجاب

والنقاب ليس جزء منه كما أنه ليس أصلا فى الاسلام ولكنه عادة فقط لذلك يمنع ان تلبس المرأة نقابا فى الحج ويجوز لها كشف وجهها ويداها

والعبرة بمن يحب الله لا بمن يخاف الناس

أدام الله حبك له وأحبك لحبك له

موناليزا يقول...

عرفة فاروق السيوطى
ـــــــــــــــــــ
وعليكم السلام ورحمة الله وبركاته
اهلا بيك استاذ عرفة فى زيارتك الاولى
اشكرك جدا لرايك ولمشاركتك
وأعلم جيدا ان الله لايهين كرامة احبائه ولكنه يعلو بها الى مصاف ترويض النفس البشرية الى مايرضى الله فقط
اما عن النقاب فلا اعلم لماذا دخلته فى الموضوع؟
وربنا يتقبل دعائك ويثبت قلوبنا على دينه اللهم امين
نورت مدونتى

الفراشة الصغيرة يقول...

الله الله الله

بوست حلو قوى
وكلماتك جميله
مفيش احلى ولا احن ولا اجمل من ربنا

موناليزا يقول...

الفراشة الصغيرة
ـــــــــــــ
اختى الحبيبة:ربنا يكرمك يارب واشكرك جدا لرايك ولتعليقك
اللهم ارزقنا حبك وحب من احبك وحب كل عمل يقربنا الى حبك
نورتينى حبيبتى ودمتِ بخير

MOHAMMED ELBANNA يقول...

موناليزا
بصراحه الموضوع رائع .
واجمل ما يعجبني في كتاباتك هو الجانب الروحاني والهادف بها .
بارك الله فيكي .
محمـد
طريق النجاح .

موناليزا يقول...

محمد البنا
ــــــــــــ
اهلا بيك استاذ محمد
ربنا يكرمك واشكرك جدا لرايك فماتوفيقى الا بالله
دمت طيبا ولمدونتى زائرا

*الطالبة عفو الله *زوزو يقول...

ما شااااء الله انا عرفته من اول كلمة عنه

حبيبنا كلنا سبحاك يا رب يا عظيم يا جليل

بجد روووعة سلمت يمناك حبيبتي

موناليزا يقول...

الطالبة عفو الله
ـــــــــــــــــ
اختى الحبيبة:الله اكبر
طبعا هو احنا لينا غيره حبيب
اللهم يامقلب القلوب ثبت قلوبنا على دينك
نورتينى زوزو الجميلة واشكرك جدا لتعليقك

Tarkieb يقول...

ربنا يحبب حبيبك وللى بيحبوه فيكي

موناليزا يقول...

تراكيب
ــــــــ
اهلا بيك يافندم فى زيارتك الاولى
ما اجملها من دعوة:)
ربنا يعزك ويكرمك
نورت مدونتى واشكرك جدا لتعليقك

Mahmoud Ahmed يقول...

ما هو لو كل واحد حب حبيبك زيك
خدي بالك حبيبك
اصله مش حبيبك لوحدك
الدنيا هتتغير
اللهم ارزقنا حبك و حب من يحبك

موناليزا يقول...

المدونة الاسلامية سبايدر مان
ــــــــــــــــــــــــــــ
أهلا بيك يا دكتور
اللهم ارزقنا حبك وحب من يحبك وحب كل عمل يقربنا الى حبك
أشكرك جدا لتواجدك
ويسعدنا دوام التواصل

حياتي يقول...

ونعم بالله

اللهم انا نسالك رضاك والجنة وما
قرب اليها من قول وعمل وارزقنا حبك وحب كل عمل يقربنا من حبك وحب من احبك

لكِ تحياتى وتمنياتى بالتوفيق
زهرة

موناليزا يقول...

حياتى
ــــــــــــ
أهلا بيكِ حبيبتى
ربنا يكرمك يارب
ويرزقنا جميعا رضاه والجنة
نورتينى يا زهرة:)