السبت، 25 ديسمبر 2010

الراية البيضا



زمان حينما كنت أشاهد فيلم كرتون ويكون المشهد عبارة مثلاً عن "كلب" بيجرى وراء "قطة" وحينما تجد "القطة " أن مفيش أمل من الفرار والنجاة ترفع يدها ممسكة بمنديل أبيض فيتوقف النباح وينتهى المشهد بنجاة القط.
ووقتها لم أكن أعلم ما المقصود بهذه الحركة.. وفيما بعد عرفت أن رفع الراية البيضا معناه إعلان الشخص عن إستسلامه وبالمقابل من يتعارك معه يتركه ولا يؤذيه.
حتى فى الافلام العربى القديمة حينما كان يأتى مشهد رجال الشرطة وهم يطاردون الهارب ويرفع أحدهم صوته قائلاً"سلم نفسك" أو "ارفع إيدك" ولو الهارب نفذ ماقيل لن يتم قتله أو إيذائه وسيتم القبض عليه فى سلام.
وأتذكر مشهد فى أحد الأفلام" كان البطل يريد أن يأخذ بالثأر فنادى على عدوه ليراه ثم يقتله" بغض النظر عن الفحوى ولكن يكفى أنه ماضربوش فى ضهره. على الأقل من حق المقتول يعرف مين اللى قتله قبل مايموت.
ويلفت نظرى أيضاً اللعب بالعصا والمبارزة بالسيف وبغض النظر عن عنفها بس الجميل إن فيه مواجهة.. اللى هيتضرب هيبقى عارف أنه هيتضرب .
أما الآن فالدنيا اتغيرت مهما ترفع الراية البيضا برضه هتضرب وتموت.

ليه مابتقدرش غير على الضعيف!!.
إزاى بعد ما تعطى لحد الأمان تغدر بيه!!.
ليه اللى بيستسلم برضه بيضرب. وليه محدش يقدر يقرب من اللى بيعرف يهرب.
ليه الضربات أصبحت فى الضهر وماعدتش فيه مواجهة .
المستسلم بيكون خلاص إنهار داخلياً وفقد القدرة على الصمود وهذا بيكون أصعب عليه من الهزيمة لأن الهزيمة ممكن جداً يعقبها نصر.. والإنهزام دون استسلام يعتبر فى حد ذاته نصر.. فلماذا لا نحترم ضعف المستسلم !!.
رسالة إلى كل شخصية سادية والتى تجد متعة فى تعذيب الآخرين والتلذذ بآلامهم:
إذا دعتك قدرتك على ظلم وإيلام من لا يقدر عليك فتذكر قدرة الله عليك.






سؤال جانبى:
ــــــــــــــــــــــــ
هل رفعت الراية البيضا قبل كده؟ وكان إيه الموقف؟.
لو لقيت حد رفع الراية البيضا هتتصرف معاه إزاى؟.

هناك 23 تعليقًا:

Dr/ walaa salah يقول...

موضوع جميل كالعاده يا موناليزا

الناس دلوقتي للأسف مبتتشطرش غير على الضعيف

كان زمان اللي يرفع الرايه محدش بيجي جنبه

دلوقتي زي ما انتي قلتي

رفع الرايه ولا لا هينضرب ينضرب

اما بالنسبه لسؤال

بصراحه انا من النوع اللي بيرفع الرايه بسرعه

يعني نفسهم قصير زي ما بيقولوا

بس مش قادره افتكر موقف معين

اما بالنسبه للسؤال التاني

شوفي انا مهما اللي قدامي غلط فيها مبحبش يتأسفلي حد مش عارفه ليه

ساعتها بحس بحقارة نفسي اوي

واقول إزاي اوصل واحد انه يتأسفلي

فما بالك اللي بيرفع الرايه قدامي

طبعاً هسيبه على طول


مشكوره يا حبيبتي لمواضيعك الجميله

سواح في ملك اللــــــــــــــــــه- يقول...

لا اتذكر انني رفعت الراية البيضا
وهذا للاسباب التي ذكرتيها
رافع الراية ميت مرفعتهاش ميت
ان لم يكن للموت بد
فمن العار ان تموت جبانا
تحياتي ليكي

حمـــــــــــــــــــــة يقول...

سيدتي
أين هي الراية حتى أرفعها ؟
هو الواحد تمكن من رفع رأسه حتى تظهر الراية للطرف المقابل ؟
وجدت نفسي فالحا مع الأقل مني (..) أما البقية (احنا اخوات ).....
آه
تذكرت خلال ماتش كرة اليد و أنا حارس يعني ......دائما أرفع يديا الأثنين و رغم ذلك تلج الكرة من حين لآخر .....
سيدتي
موضوعك يدعو و يطرح كل واحدا على نفسه السؤال :
- لماذا كل هذا ؟
-الى متى سيستمر ؟
---------------->>>>

ستيتة حسب الله الحمش يقول...

انا بفتكر افلام زمان
لما جيش هنا
وجيش هناك
والقائدين يجوا يتكلموا في النص راجل لراجل
ومحدش متوقع سهم خائن يردي القائد العدو لأن ده ضد الرجولة والمروءة

زمن الفرسان بح بخ
الله يرحمه
هو ده الزمن اللي كان للراية البيضاء اعتبارات
تشبه اعتبارات اتفاقية اسرى الحرب كده

تحياتي

كلمات من نور يقول...

الجبان بس هو اللي بيضرب من الخلف ويطعن من الخلف .جبان وخائن وما أكثرهم في زماننا هنا في كل ما هو حولنا ...بس طول ما الخير فيكي وفي كتير برضه حواليكي يبقى إن شاء الله ربي ينصرنا و ينتقم من كل ظالم جبار

يادي الاسئلة .أنا عندي برد وكحه ومش قادره عليكي يا بنت

ــــــــــــــــــــــــ
هل رفعت الراية البيضا قبل كده؟ وكان إيه الموقف؟.

رفعت الرايه البيضا كتير بس مش فاكره مواقف بس اكتر رايه رفعتها هي راية التسليم لله عز وجل والإيمان بالقضاء والقدر بنوعيه.......

لو لقيت حد رفع الراية البيضا هتتصرف معاه إزاى؟.

حقعد اعيط جنبه واطبطب عليه

رفقة عمر يقول...

عارفة موناليزاكتير باحس انك بتتكلم عن اللى جوايا
والله من غير نفاق
الموضوع دة بافكر فيه كتير
ليه اساسا حد يأذى انسان لم يفعل له اى شئ غير سوى انه اعطر له الامان
ولا اجد لهم وصفا سوى كما قلتى انهم ساديين

Unknown يقول...

السلام عليكم

الطرح جديد أختي موناليزا... (نفسي أعرف المكان السري اللي بتجيبي منه أفكارك!!!!)..

أخي سواح قال تقريبا ما بدر في ذهني:
لأا أذكر أنني رفعت الراية، ولا أعتقد أني سأرفعها إلا في حالة واحدة: أن أكون في معركة لا تستحق العناء، وبالتالي سيكون من الحماقة الاستمرار مع الخسارة!

تحياتي أختي الكريمة.

هبة فاروق يقول...

موضوع جميل يا موناليزا ودى اول زيارة لى وبجد موضوعاتك جميلة
تقبلى تحياتى

أنا - الريس يقول...

ربنا لا يجعلنا نرفع الراية البيضا
الناس بقت غدارة
طبعا اكيد كان في ناس غدارة أيام زمان
وفيه أمثلة كثير
لكن النسبة بالنسبة للعدد زادت أوي .

--
اكيد في لحظات اليأس استسلمت
بس أنا من النوع اللي مش بيهتم .

-

أما لو حد رفع الراية البيضة قدامي ..
فدا حسب إن كان أول مرة أو الشخص غدار .

والغدار ملوش أمان .. حتي لو فتح مصنع للريات البيضة لنفسه .

Tota يقول...

موضوعك لذيذ اوى يا موناليزا كلامات بسيطة بس حميلة اوى ...الضغيف دايما قلبل الحلية حتى مش بيقدر يتصرف عشان كدا بيرفع الراية بسهولة وضعفة بيخلية مش بيعرف يتصرف ولا يفكر فى انه يستمر فى المعركة او يرفع الراية ....بالنسبة لسوالك انا فاكرة ان كل المعارك اللى بدخلها مش برفع فيها الراية وبعند فيها جامد وساعات كتير بتسببلى خسارة جامدة عشان عندى وخوفى من رفع الراية البيضا وخوفا من كلمة ضغيف....اما بالنسبة للسوال التانى انا بسامح بسرعة جداا اى شخص بيرفع الراية دا معنها الاستسلام لى دا يكفى انه يخلينى مقدرش اعمله حاجة .....بس المشكلة بقى لو هو بيرفع الراية البيضا دى عشان يخدعنى دى تبقى كارثة

فارس عبدالفتاح يقول...

طبعاً مرفعت الراية ابدأ في حياتي كلها وان شاء الله لن ارفعها ابدأ .

ورفع الراية من الخصم هيكون تعاملي معاه على قدر نزاهته وعلى قدر شرف الخصومة التي كان يخاصمني بها .

اذا كان نزيه وشريف ولديه قيم ومبادئ ورحمه وشاءت الظروف ان يرفع الراية البيضاء امامي سوف يكون له كل الاكرام والاحترام والتقدير وينزل مني منازل الاكرمين ويعفو الله عن ما سلف .


اما ان كان من اخوانا اياهم فده هدغدغ راسه بحجر زيه زي التعبان .. ولا تأخني فيه رحمه ولا شفقة .

eng_semsem يقول...

موضوع جميل بس رفع الرايه البيضا ضعف وانا مش بحب الاستسلام واموت وايه المشكله بس ما اعيش جبان اما لو حد رفع ليا الرايه البيضا مش هقتله بس بدام انا بجري وراه وعايز اقتله يبقى ليا حق عنده عشان كده مش هقتله بس مش هسيب حقي حتى لو اجبرت في النهايه على قتله
تقبلي تحياتي

Carmen يقول...

موضوع مهم جدا موناليزا فعلا احنا في زمن كل حاجة فيه اتعكست
ربنا يرحمنا برحمته
تحياتي لك

موناليزا يقول...

د/ ولاء صلاح
ــــــــــــ
أهلا بيكِ يا ولاء
أشكرك جدا لرأيك

:) أنتِ طيبة أوى يا ولاء
معقول بتحسى بحقارة لمجرد أن حد يتأسفلك!!
ماهو أكيد غلط فيكى وعشان كده بيتأسف:)

نورتينى حبيبتى وتسعدينى دايما بتواجدك

**********************

سواح فى ملك الله
ــــــــــــــــ
أهلا بيك أستاذ خالد
"ان لم يكن للموت بد
فمن العار ان تموت جبانا "
جملة قوية جدا
وفعلا أى عاقل وصاحب شخصية لازم يستخدمها

أشكرك جدا لمشاركتك
يسعدنا دوام التواصل


***********************

حمة
ــــــ
أهلا بيك يافندم
"وجدت نفسي فالحا مع الأقل مني (..) أما البقية (احنا اخوات )....."
كتير أوى بيعملوا كده فعلا:)

أشكرك جدا لتعليقك
يسعدنا دوام التواصل


************************

ستيتة حسب الله الحمش
ــــــــــــــــــــ
أهلا اهلا بنبض الحكمة

وهنفتكر ايام زمان ليه! تعالى نفتكر أيام بداية الإسلام وانتشار الكفار وكان برضه الكافر له كلمة وكانت بمثابة عهد غير موثق

فعلا دلؤتى الراية البيضا ولا ليها أى معنى سوى الاعتراف بالهزيمة

نورتينى حبيبتى واسعدنى تواجدك


**************************

كلمات من نور
ــــــــــــــ
أهلا اهلا بالغالية
:) معنى كده ان الجبناء انتشروا اوى اليومين دول

الله يكرمك يارب
اللهم لا تؤاخذنى بما يقولون واغفر لى مالايعلمون واجعلنى خيرا مما يظنون

حبيبة قلبى ألف سلامة عليكى

وما اجمله من استسلام

:) والله أنتِ عسل

نورتينى حبيبتى واسعدنى تواجدك


************************

رفقة عمر
ـــــــــــ
أهلا بيكِ حبيبتى بعد طول غياب
ده حقيقى.. انتِ ناسية ان اوقات انتى بتكتبى حاجات وبيكون ده ردى عليكى:)

أشكرك جدا لتعليقك
نورتينى حبيبتى واسعدنى تواجدك


***********************

ماجد القاضى
ــــــــــــــ
وعليكم السلام ورحمة الله وبركاته
أهلا بيك أستاذ ماجد
:) أشكرك جدا لرأيك
هعتبر سؤالك مجاملة رقيقة بجد

"سيكون من الحماقة الاستمرار مع الخسارة!"

حلوة اوى الجملة دى
وفعلا عندك حق

أشكرك جدا لمشاركتك
يسعدنا دوام التواصل


*************************

هبة فاروق
ـــــــــــ
أهلا بيكِ ياهبة فى زيارتك الاولى
أشكرك جدا لرأيك
نورتى مدونتى وفى انتظارك دائما

***********************

مستر بريزيدنت
ــــــــــــــ
أهلا بيك أستاذ بسام
ده حقيقى.. الزيادة بقت منتشرة جدا وعلى جميع المستويات

"والغدار ملوش أمان .. حتي لو فتح مصنع للريات البيضة لنفسه ."

جملة جامدة جدا وفى محلها
أشكرك جدا لتعليقك ولمشاركتك
يسعدنا دوام التواصل

**********************

توتة
ـــــــ
أهلا بيكِ يا توتة
أشكرك جدا لرأيك

وعشان ضعيف كان المفروض اللى قدامه يحترم ضعفه ولكن تظل الشخصية السادية فى انتشار:)

ولكن الانسحاب افضل بكثير من التمادى فى معركة احتمال خسارتها اكبر

تستطيعى معرفة مدى خداعه أو لا بمدى معرفتك السابقة به

أشكرك جدا لمشاركتك
ويسعدنى دائما تواجدك


************************

فارس عبد الفتاح
ــــــــــــــــــ
أهلا بيك أستاذ فارس
شئ جميل
عجبتنى حنكتك فى التعامل مع مثل هذا الموقف

أشكرك جدا لمشاركتك
يسعدنا دوام التواصل


***********************

إنج سمسم
ــــــــــ
أهلا بيك يا باشمهندس
"واموت وايه المشكله بس ما اعيش جبان"
جميلة اوى.. وذكرتنى بمقولة"من قتل فى سبيل ماله فهو شهيد"

وجميل طبعا ان الواحد مايسيبش حقه

أشكرك جدا لمشاركتك
يسعدنا دوام التواصل

***********************

كارمن
ـــــــــ
أهلا بيكِ ياكارمن
أشكرك جدا لرأيك
وهذا حقيقى للأسف
نورتينى حبيبتى
واسعدنى تواجدك

salma mohamed يقول...

{ظَهَرَ الْفَسَادُ فِي الْبَرِّ وَالْبَحْرِ بِمَا كَسَبَتْ أَيْدِي النَّاسِ لِيُذِيقَهُمْ بَعْضَ الَّذِي عَمِلُوا لَعَلَّهُمْ يَرْجِعُونَ}.
هذا هو منهج الله في الأرض وهذا ما وضحه سبحانه في كتابه وأنطقه على لسان حبيبه عليه أفضل الصلاةوأتم التسليم.
وقد كان الصحابة رضوان الله عليهم ومن تبعهم من الصالحين يعللون جميع المآسي والمشاكل والنكبات الفردية والاجتماعية بالجرائم والذنوب التي يرتكبها الناس ، نتيجة تخلفهم عن القوانين الالهية ، فيلاقون جزاءهم على ذلك التخلف والخروج على أحكام الله.

للأسف يا موني كل شيئ راجع لبعدنا عن الشرع،وكل ما الزمن بيجري الناس بتجري من الشرع مش ليه :(
{وما أصابكم من مصيبة فبما كسبت أيديكم}.
مافيش حل في إيدنا الا بالتجرد من حولنا وقوتنا الى حول الله وقوته،والتقرب اليه،وتحصين أنفسنا بذكره،واليقين بأنه لن يصيبنا الا ماكتب لنا،وأنه لو اجتمعت الانس والجن على ان يضرونا بشيئ لن يضرونا الا بشيئ قد كتبه الله علينا،وكذلك نسأله بألا يؤاخذنا بما فعل السفهاء منا.

TIMMY !! يقول...

"ليه مابتقدرش غير على الضعيف!!.
إزاى بعد ما تعطى لحد الأمان تغدر بيه!!.
ليه اللى بيستسلم برضه بيضرب. وليه محدش يقدر يقرب من اللى بيعرف يهرب.
ليه الضربات أصبحت فى الضهر وماعدتش فيه مواجهة ."

ده لأن :
الظلم من شيم النفوس فإن تجد
***
ذو عفةٍ فلعلةٍ لا يظلمُ

و أعظم علةٍ دافعةٍ للظلم هي الديانة , لكنها ركّت في أيامنا و لا حول و لا قوة إلا بالله ...

غير معرف يقول...

الشهامة ...
كانت جزءاً اساسياً من أخلاق العرب نراها في كلامهم ومعاملاتهم وحروبهم
ونراها في قول السيدة خديجة رضي الله عنها للنبي صلي الله عليه وسلم
(إنك لتصل الرحم، وتحمل الكلّ، وتقري الضيف، وتعين على نوائب الحق)
...........
فقدنا الشهامة هذه الايام
عندما تنازلنا عن اخلاقنا وأصبحنا نتبع الغرب في كل خطواته وسكناته

............
لا اتذكر اني رفعت الراية البيضاء الا في مناقشة ثبت لي اني فيها علي خطأ
وأتمني ان لا ارفعها في زمن لا يقبل بأصحاب الرايات البيضاء.

افروديت يقول...

بحيكي موضوع جميل


أمامن ناحية رفع الرايه فدايتوقف ع الموقف ذاته.. في ناس مش يستاهلواحتي اننانضيع وقتنافي اننانتحداهم

تحياتي

Mahmoud Ahmed يقول...

كنت زمان ، الناس كانت بترفع قدامي الرايه البيضا

انما دلوقتي بطلت اخلي الناس ترفع الرايطه البيضا ، بطلت ابقي ........ ولا بلالالاش ^_^

لقيت فعلا ان السكوت احسن ، حتي لو الى قدامك ده مين

شمس النهار يقول...

الرايا البيضاء كان لها وقتها
دلوقتي بقت سوداء

والطعن في الضهر
والغش والخداع همه الرايا الجديده

لا عمري مارفعت الرايا

واكيد عمري ماهدخل في حرب مع حد وادفعه انه يرفع لي الرايا البيضا

كل سنه وانتي طيبه

bastokka طهقانة يقول...

رفعتها اكيد علشان الحياة تمشي و علشان يا بخت من بات مظلوم و لا بات ظالم
تحياتي

Unknown يقول...

الراية البيضة اعتقد اني رافعها بروحي من زمان وان كان منظري اني لسه شايل السلاح
http://islam-nogodbutallah.blogspot.com/2010/12/blog-post_28.html
مع الشكر ,يسعدنا سماع رأيكم

موناليزا يقول...

سلمى محمد
ــــــــــــ
أهلا بيكِ يا سلمى
ما اجمل تعليقك
ومتفقة معاكِ جدا
نورتينى حبيبتى واسعدنى تواجدك


**************************

تظبيط
ـــــــ
أهلا بيك يافندم
الظلم من شيم النفوس فإن تجد
***
ذو عفةٍ فلعلةٍ لا يظلمُ
اسمحلى انا غير متفقة معك فالنفوس النقية لا تظلم والفطرة السوية ترفض الظلم واعتقد أن الخير مهما كان قليل فهو موجود

أشكرك لتعليقك
ويسعدنا دوام التواصل


*************************

ماشى بنور الله
ــــــــــــــ
أهلا بيك يافدم
سبحان الله فعلا لأن الاخلاق الحميدة ماكنش ليها علاقة بالأديان فالرجل تكفية كلمة شرف من اللى بيتعامل معاه

من المؤسف ان الغرب مازالوا يتمسكون بعهد الكلمة وشرفها وابسط دليل لما يقولك مثلا دى معاملته انجليزى وده مثلا مواعيده مصرى:( وهذا للأسف

أشكرك جدا لتعليقك ولمشاركتك
يسعدنا دوام التواصل


**************************

أفروديت
ـــــــــــ
أهلا بيكِ افروديت
أشكرك جدا لرأيك ولمشاركتك
نورتينى حبيبتى واسعدنى تواجدك


*************************

سبايدر مان
ــــــــــــ
أهلا بيك يا دكتور

مش فاهمة.. كنت بتعمل ايه زمان وبطلت تعمله دلؤتى؟:)

أشكرك جدا لتواجدك
يسعدنا دوام التواصل


*************************

شمس النهار
ــــــــــــ
أهلا بيكِ ياشموسة
أشكرك جدا لتعليقك ولمشاركتك
نورتينى حبيبتى
واسعدنى تواجدك


*************************

طهقانة
ـــــــــ
أهلا بيكِ بعد طول غياب
أشكرك جدا لمشاركتك
نورتينى حبيبتى واسعنى تواجدك


***********************

واحد من الناس
ــــــــــــــــ
أهلا بيك يافندم
أشكرك جدا لتعليقك ولمشاركتك
يسعدنا دوام التواصل