الأربعاء، 9 نوفمبر 2011

أصحاب المحلات


حينما يفتح فرداً ما محل ليبيع فيه أى شئ حتى لو كان ذهب فهو بالنسبة له محل أكل عيش وليس ديكور أو واجهة إجتماعية ولذلك تجد لافتة "الزبون دائماً على حق" تعلق فى بعض المحلات.
ولكن إذا أراد أن يجذب صاحب المحل الزبون ويكسبه بصفة دائمة فعليه أن يتجنب بعض الأفعال التى تؤدى إلى ضيق الزبون وغضبه وبالتالى عدم إقباله على الشراء من هذا المحل مجدداً.
ومنها:
* غلق المحل بصفة مستمرة أو فتحه فى مواعيد غير ثابتة.
* وجود أكثر من شخص للبيع ومع ذلك لا تجد اهتمام بالزبون.
* وجود فئة من النوعين"ذكر وأنثى" عمرهم متقارب ويكون المحل بالنسبة لهم مكان خصب للقاء والتحدث فى أى موضوع بغض النظر عن استماع الزبائن لهزارهم الذى يدل بدوره على عدم الاحترام.
* وجود فتاة للعمل لوحدها مما يعرضها للأذى من قبل الزبائن أو العاملين فى المحلات المجاورة.
* عدم كتابة ثمن السلعة على السلع المعروضة.
* ملاحقة الزبون بطريقة تجبره على الشراء عن طريق إحراجه.
* التحدث فى الموبايل على حساب الاهتمام بما يقتضيه العمل بالاهتمام بالزبون.
* عدم الاهتمام بمظهر البائع( يرتدى شبشب أو تيرنج رياضى ).
* عدم توفر السلعة بطريقة سريعة.
* البيع بسعر أغلى من الطبيعى تحسباًَ للفصال بغض النظر عن عدم قدرة البعض على الفِصال وهذا يعنى شراء السلعة بسعر أغلى من الطبيعى.
* بيع السلعة بسعر غالى جداً وحينما تستخدمها تجدها لا تستحق هذا السعر الذى دفعته فيها نظراً لردائتها التى لم تظهر إلا بعد استخدامها.
وغيرها من الأشياء ولكن هذه أبرزها.



سؤال جانبى:
ـــــــــــــــــــــــــ
إيه اكتر حاجة بتضايقك وأنت بتشترى أى حاجة من المحلات؟
.

هناك 20 تعليقًا:

سواح في ملك اللــــــــــــــــــه- يقول...

كلامك كله مظبوط

اجابة السؤال

لما بشوف حاجة معروضة برة

وادخل عشان اشتريها ييجي البياع يقوللي

دي اخر حتة موجودة في العرض

او ممكن الاقيها جوة

وملاقيش مقاسي

وييجي يعرض عليه حاجة بديلة

تشبهها

بس مش بنفس الجودة

طبعا برفض وبخرج طوالي

اتعودت الا ارضخ لاحراج احد

تحيتي

نسرين شرباتي "أم سما" يقول...

اللي بيضايقني
لما يكون البياع لحوح
ويخليكي تشتري الحاجة غصب عنك
ولو حتى مش عجباكي
ولو كان الواحد بينحرج حتروح عليه
لا والأدهى تنزلي محل تاني تلائي فرق السعر شاسع "أرخص يعني"
أتوقع لازم تكون فيه أسعار موحدة

Unknown يقول...

السلام عليكم

فكرة البوست جميلة كالمعتاد..

طبعا كل ما ذكرتيه تقريبا نتعرض له جميعا...

لكن ردا على السؤال:
أكثر ما يغيظني أثناء عملية البيع هي انتظاري بضع دقائق حتى أجد من (يعبرني) بالذات في المطاعم!!
وكذلك أن أحترم أنا الزبون الذي يسبقني فإذا بزبون يقتحم علي دوري، المشكلة تكون في استجابة البائع لهذا الزبون!!!!

تحياتي أختي الكريمة.

ملحوظة: أنا ماجد القاضي لكني مضطر لاستخدام حساب المستأجر مؤقتا لأسباب تقنية!!!! :)

EMA يقول...

عدم كتابة ثمن السلعة على السلع المعروضة.
ملاحقة الزبون بطريقة تجبره على الشراء عن طريق إحراجه.


بصراحة دول حاجتين بيضايقونى و خصوصا التانية بس فعلا المفروض الواحد ما يتحرجش لانه هتيجي عليه بخسارة فى الاخر..

تحياتي يا قمر على الموضوع الجميل

كل سنة و انتى بخير

Unknown يقول...

ههههههه
مبحبش اللي بيلاحقني في محلات اللبس بالذات...بحب أتفرج و أختار براحتي.

بس مفهمتش إعتراضك إنهم يكونا من سن واحد طب عايزاهم يشغلوا واحد كبير مع طفل أو عجوز مع شاب..طبيعي إنهم يبقوا من سن واحد.

تحياتي مونا و كل سنة و إنت بألف خير و سعاده

فافى يقول...

اكتر حاجه بتضايقنى لما بشترى ان البنات اللى فى المحل يفضلوا ماشيين ورايا ويسألونى عايزه حاجه معينه ؟؟؟عايزه حاجه معينه؟؟
حاجه مستفزه بجد مانا لو عايزه هاناديلك يا سمجه منك ليها
والمصيبه انى لما اكون عايزاهم بجد مش بلاقيهم :)

مصطفى سيف الدين يقول...

اللي بيضايقني في المحلات لما يقول البياع سعر عالي ولما يلاقيني مش عاجبني السعر ومقرر امشي ينادي عليا وينزل السعر
بصراحة باتفرس باحس انه كان عايز يستكردني وحتى لو قالي ببلاش بعدها برضه بامشي ومش باشتري
تحياتي

دعاء يقول...

كل اللي قولتيه متفقة معاكي فيه جداً
و للرد على السؤال:

اللي يحرق الدم ان اللي بيبيع ممكن يكون مبيفهمش حاجة و يحسسك ان انتي اللي زوقك غريب و مبتفهميش في الحاجة أو انك لسة بتتعلمي تشتري لأول مرة سواء في الأزواق أو الأسعار أو الخامات.

كنت زمان بتتهز ثقتي فعلاً بس لما فهمت اللعبة بطلت.

تحياتي لمواضيعك الجميلة

مامة مازن يقول...

أولا ازيك وكل سنة وانتى طيبة وبخير يارب

1-مبحبش خالص لما اجى اختار لبس اكبر من مقاسى نمرة البنت تقولى بس دى كده واسعة قوى اقولها وهو المطلوب تقولى هى حلاوتها كده اقولها يا ستى مش عايزة حلاوتها تبقى للدرجة دى ههههه سبحان الله بتجادلك فى اختيارك
2-بتضايق جدا من اللى يلازمنى زى الظل بخرج من المحل فى ثانية مش ناقصة خنقة الحكاية
بتضايق جدا من مضغ اللبان وهى بتتكلم معايا
3-ولما تقولى مثلا الشىء ده غالى قوى مش متناسب مع جودته يشمئز منك البائع رغم انك بتكلميه باحترام وربما بابتسامة هادية يشمئز ويقولك هى الاسعار كده طلبك مش عندنا وكانك تسالينه الاحسان فبالتالى ابقى زبون واقع رغم انى ممكن ادخل محل تانى واشترى اغلى واحلى فى نفس اليوم ونفس الخمس دقايق كمان
سيدنا رسول الله يقول رحم الله امرء سمحا اذا باع وسمحا اذا اشترى وسمحا اذا اقتضى صدقت يا رسول الله
زوجى بياخد الاولاد ويركب مواصلات علشان يروح لتاجر ملابس بعيييييييييييييد جدا عننا علشان الراجل أمين وسمح يقولك يا استاذ البنطلون ده ممتاز ويستحمل لعب الاولاد بس للاسف الكبسونة دى عمرها قصير هتغير على طول الترننج سوت ده ممتاز بس ده التقليد بس الوانه متبهتش ابدا وهكذا شوفتى بقى السماحة ممكن تكون سبب فى جلب الرزق ازاى

4-أنا أكره بمعنى كلمة الكره محلات الملابس الحريمى التى تعرض اللانجريهات فى الفترينة وعلى مانيكان كمان الله هيسألهم يوم العرض العظيم عن اللى بيعملوه ده والله بس مين يفهم كأن الاشارة فى لوحة اعلانات لوجود هذا النوع من الملبس الحريمى لا تكفى لابد من اظهارها سبحان الله
حاجة غريبة

دعاء يقول...

السلام عليكم ...
كلام صحيح !
بالنسبة لي و ردًا على سؤالكِ
فإن أكثر ما يضايقني هو أن بعض المحلات
يوجد فيها أشخاص يحومون حولي و أنا أشتري السلع
" ليس لهم شغلة " !
لا أرتاح لوجودهم و أحس أنني .... !!!

على كلٍ مشكورة على البوست الرائع كالعادة...

تحيآتي لكِ ...

Mafrousa يقول...

اولا كل سنة و انتى طيبة و بخير يارب
اللى بيضايقنى جدااا
لما آجى ادخل محل خاص بالملابس الحريمي بكل انواعها
و تلاقى اللى بيبيعلك راجل و مافيش ولا واحدة ست فى المحل

غير معرف يقول...

علشان كده أنا مبعرفش أشتري حاجة من مصر ، لأن أحيانا البائع بيكون قليل الذوق و يسمعك عبارات ظريفة من عينة: دي بضاعة انت متعرفش تقدرها و لا تعرف تشتريها " لو خامتها معجبتكش و رجعتها في صمت أو فاصلت في تمنها. أحياناً يضرب السعر في 3 علشان لما تفاصلي يبقى تدفع السعر في 2
تحياتي

الفراشة يقول...

حقاً هذه النقاط مهمه ويجب اخذها بعين الاعتبار
شكراً لمرورك العذب في مدونتي
كل عام وانتم بخير
دمتم بخير

AHMED SAMIR يقول...

اكثر حاجة بتنرفزني بجد هو هزار العاملين مع بعضهم اثناء وجود الزبون
او انهم يعاتبوا بعض...!!
شيء بيبقى مستفز جداا
اضافة لعدم وجود اسعار على السلعة فتضطر تسأل بنفسك و بالتالي يرد عيك بكل ملل...ساعتها بأسيب المحل و امشي حتى لو كان عنده احسن حاجة في الدنيا
تحياتي على البوست الرائع

eng_semsem يقول...

عندك حق في كلامك وفعلا محلات بتنجح بسبب تطبيق الكلام ده
وبصراحه اهم نقطه هي كتابة السعر على المنتج عشان الواحد مش يحس انه ممكن يكون بيضحك عليه وبيبيع ليك بسعر واخر بسعر تاني ويمكن ده سبب رئيسي في نجاح مجمعات كبيره
كل سنه وانت طيبه شكلك تعبتي وانت بتشتري لبس العيد
لبستي جديدا وعشت سعيده

reemaas يقول...

اهو انا مابيتعبنيش نفسيا الا ملاحقة الزبون دى تلاقى واحدة واقفه فوق راسك بتلف وراكى

ولا تيجى تدخلى المحل الساعه 1 بعد الضهر تلاقيهم بيمسحوا ويقولك خمسه براهههههههه

ابراهيم رزق يقول...

كل ما ذكرتيه معك حق فيه و موضوع السن ده موضوع ادارة من صاحب المحل لو صاحب المحل واعى الكل هيشوف شغله
اللى بيضايقنى لما اكون بتفرج على حاجة و يجى البياع يفرض نفسه سواء امام الفاترينة فى الخارج او داخل المحل لو حبيت اسأل او استفسر انا هقولهم
تحياتى

Carmen يقول...

اغبي حاجة اما اقعد اسأل سعره كام طب في كذا وهو بيديني الكلمة بالعافية

موناليزا يقول...

أهلا وسهلا بجميع السادة الحضور
أشكركم جميعا لتعليقاتكم ومشاركاتكم
أسعدتونى بوجودكم
وفى انتظاركم دائما

Unknown يقول...

سيدتي موناليزا
اولا انتهز تعليقي على الموضوع واسجل اعجابي بمدونتك القيمه والهادفه
فجعله الله في ميزان حسناتك يارب
وبالنسبه للموضوع
اهم شئ في البائع وليس لاصحاب المحلات لان التعامل مع البائع ان يكون غير لحوح وان لا يعطيكي طابع انه يريد البيع فقد
وان يشعرك بانكي مراقبه
ويفرض عليكي السلعه وكمان اللون
والاهم ما في الموضوع ان يكون البائع صادق مع العميل