الجمعة، 23 ديسمبر 2011

جوجو و زمردة (18)


كانا "جوجو" و"زمردة" يشاهدان التلفاز.
جوجو: أنا عطشان.
زمردة :قوم اشرب.
جوجو :معلش يا زمردة ده انتى هتاخدى ثواب.
قامت زمردة على مضض فهى تغضب من اسلوب شقيقها دائماً.
جوجو : ماتنسيش تعلقى لى هدومى وترتبى لى سريرى .
زمردة:وأنت ما تعملش حاجتك بنفسك ليه؟.
جوجو:يابنتى أنا ولد يعنى ده مش تخصصى.
زمردة: ومين قال أن ده تخصصى.
جوجو : لأنك بنت وده فى حد ذاته سبب كافى.
زمردة: مين بقى اللى أصدر القانون ده؟.
جوجو:هى معروفة كده.
زمردة:بس ده ظلم يعنى إيه أنت ترمى هدومك وأنا اللى أرتبهالك ويعنى إيه ماترتبش سريرك مكانك.. لأ وكمان بعد ما تستحمى أدخل ألاقى الحمام غرقان ميه وأنا برضه اللى أنشفه.
جوجو: وإيه المشكلة؟.
زمردة : المشكلة أن المفروض كل واحد يعتمد على نفسه ويخدم نفسه بدل يقدر.. أنت أكلت يبقى تشيل مكان أكلك.. قلعت هدومك تبقى تعلقها.. وبالمقابل دخلت الحمام تعمل حساب أن فيه ناس تانية ممكن تدخل وراك ومن حقهم يكون المكان نظيف.
جوجو ببرود: ياااه ده أنتى شايلة أوى.. خلاص ياستى ماتعمليش حاجة أنا هقول لماما وهى هتعمل.
زمردة بغيظ: بس دى مش شطارة إنك تعتمد على اللى حواليك.. تخيل لو فى مكان لوحدك هتعمل إيه؟.
جوجو بلا مبالاة :ولا حاجة عادى يعنى وبعدين أتخيل ليه وأختى حبيبتى موجودة.
زمردة :برضه أنت اللى هتعمل حاجتك.
جوجو بزهق: يا بنتى مابعرفش.
زمردة بحسم :اتعلم.
جوجو :بعدين .. أنا مش فاضى دلؤتى .. مش شايفانى بتفرج على التليفزيون.
زمردة جلست جواره قائلة :وأنا كمان مش فاضية.
- تمت-.
------------------------------
سؤال جانبى :
ما مدى اعتمادك على نفسك؟.

هناك 16 تعليقًا:

ظلالي البيضاء يقول...

ههه
قصة طريفة تحصل في كل بيت ..
أما جواب السؤال الجانبي .. امممم
تعليق الهدوم ..
تنشيف الحمام ..
صنع الشاي والقهوة ..
الصيانات المنزلية ..
.
.
.
90% .. ههههه
شكراً على الحكاية الموجزة المفيدة ..
مع التحية

ليلى الصباحى.. lolocat يقول...

ما مدى اعتمادك على نفسك؟.

مائة بالمائة بفضل الله
هذا فى كل الامور الخاصة
لكن بالطبع هناك امور واحتياجات للاخرين احيانا :)

لكن من صغرى انا واخوتى تعودنا على الاعتماد على النفس الحمد لله وهذا من تربية ماما لنا لان بابا كان يسافر كثيرا وتعودنا على القيام بكل احتياجاتنا بأنفسنا

الاعتماد على النفس شىء رائع ويشعرك بالثقة التامة بالنفس


احييك على القصة ياموناليزا شكرا لك غاليتى

بساطة فى العرض اهمية فى المضمون

تحياتى لقلمك وفكرك الراقى

مذكرات موززه عانس يقول...

للأسف احنا فى مجتمع ذكورى محترم الرجل فيه ماعودتشى يعتمد على نفسه وانما بيعتمد على الست

هبة فاروق يقول...

بفضل الله وبحمده اعتمد على نفسى بل اجد فى بيتى من يعتمد عليا فى كل شىء فانا التى اقوم بكل شىء
السؤال ده يوجه فقط للرجال لانهم يعتمدون اعتماد كلى على زوجاتهم او اخواتهم البنات
لكن احنا يا عينى علينا نفسنا ندلع ولويوم ومبنلقيش
الحمد لله على كل شىء واللهم ارزقنا الصحه واحنا نقوم بكل شىء
تحياتى

rack-yourminds يقول...

بصراحه مفيش بيت الا وفيه هذه المناوشات واساليني انا مع اخواتي البنات ههههه

زينب علي حبيب يقول...

بالفترة الاخيرة زاد اعتمادي على نفسي اوووي ... لاني ببلد تاني من غير علتي ... بس عند اهلي طبعا

هو احساس حلو انك تبقي قادرة على الاعتماد على نفسك ..ز وبيقلل الكسل حبتين

طبيب فقد الامل يقول...

مدونة رائعة
والاجابة على سؤالك هى قول الرول صلى الله عليه وسلم
خيركم خيركم لأهله وأنا خيركم لأهلى.
وحينما سألت ام المؤمنين عائشة رضى الله عنها عن النبى صلى الله عليه وسلم قالت: كان يسوى فراشه ويحيك ثيابه وينعل حذائة.
فكان قدوتنا فتخيرنا لغيرنا قدوة

~ISLAM~ يقول...

كان 50 % قبل اخواتى ما يتجوزوا

دلوقتى 80 %

صحيح انا بعانى فى الفرق ده وبقول ياريت كنت اتعلمت كل حاجة من بدرى

لكن ده خلانى استفاد لبعد كده

بشكرك على مواضيعك البناءه

تحياتى

Nawel يقول...

السلام عليكم

نعم وكذلك ربات البيوت كلما عوّدن أهل بيوتهن على الاتكال عليهن كلما زادت أتعابهن يوما بعد يوم..

تحياتي

نسرين شرباتي "أم سما" يقول...

أنا بعتمد على حالي بنسبة 400%
بس جد الشباب شي بنرررررررررررررفز
بيفكروا الأخت مجبورة تعمل كلشي لإنها بنت ولإنهم أولاد
بتعرفي مرات بحط الحق ع الأمهات
هن اللي بيرسخوا هالمفاهيم
مرة حكيت "أمهر من يظلم المرأة امرأة مثلها"
واحنا بمجتمعنا ضايعين من الإناث نفسهن
والله يستر ما إحنا بكرة نظلم غيرنا :)

reemaas يقول...

هههههههههههههه كتير بيحسدونى انى محرومة من الحوار ده لانى ماعندش اخوات صبيان

درجة اعتمادى كبيرة ولكنها ليست مكتملة

مها البنا يقول...

جواب ..

١٠٠٪ .. وأتوكل على الله

على جنب : ده معرضنى لبعض النقد .. يعنى مش ميزه فى المحيط اللى حواليا


بوست خفيف وعميق فى الوقت ذاته

غير معرف يقول...

مساء الغاردينيا موناليزا
بجد ضحكت
ههههههههه
لانها حكاية بتحصل فعلا في كل بيت
اممم والله بعتمد على نفسي كثير
وخاصة اني البنت الصغننه في البيت
مع تلات شبان يعني ماحدش هيساعدني غير ماما وطبعاً مش ممكن اتعب ماما معايا :) "
؛؛
؛
لروحك عبق الغاردينيا
كانت هنا
REEMAAS

Unknown يقول...

السلام عليكم

طبعا مشكلة أزلية تصنعها - للأسف - الأمهات.... لكن أعتقد أن فتيات أجيالنا فطنت إلى هذا بدرجة كبيرة.. بل هناك من أعرفهن لا تقوم من العمل البيت بشيء وأولادها الذكور يحملون العبء كاملا!!!! (يا بخت زوجاتهن طبعا) :)
.......................
طبعا اعتمادي على نفسي 99% بما أني أعيش وحيدا في الغربة... ورغم أن أمي كانت من تلك العينة التي أذكرها بدرجة ما إلا أن قدوتي النبي (ص) علمني مشاركة الزوجة في أي عمل منزلي بلا خجل.
تحياتي.

دعاء يقول...

عزيزتي موناليزا ...

يمكنني القول أنني لا أثق في قدرات كل الناس ،
إلا إن كنت أعرفهم بدقة ،
أما الكل فلا ،
فلي مع أمثال هؤلاء مواقف يندى لها الجبين ،

و لذلك فأنا أعتمد على نفسي في الكثير
ربما بنسبة 100 % !

تحيآتي لكِ ...

موناليزا يقول...

أهلا وسهلا بجميع السادة الحضور
أشكركم جميعا لتعليقاتكم ومشاركتكم
نورتونى جميعا
وفى انتظاركم دائما