الثلاثاء، 13 ديسمبر 2011

الكرة الأرضية

أثناء ممارستى لعبادة التفكر جاء فى ذهنى هذا السؤال.
ماذا لو توقفت الأرض عن الدوران الآن- الوقت ليلاً والفصل الشتاء-!!.
معلومة :دوران الأرض حول نفسها ينتج عنه تعاقب الليل والنهار.. ودوران الأرض حول الشمس ينتج عنه تعاقب فصول السنة".
-الأيام كلها هتبقى ليل بس!.
يعنى تخيل نفسك بعد ما نمت بالليل وصحيت الصبح تفتح الشباك تلاقى الدنيا لسه ضلمة.. هتبدأ تشك فى نفسك وفى الساعة..هتتصل بكل الناس يقولولك إحنا كمان الشمس ماطلعتش عندنا.
طيب هتروح الشغل إزاى والعيال هتروح المدارس إزاى..ياه الحياه هتقف تماماً.
ده غير أن الأمراض أكيد هتنتشر لأن الشمس لها فوائد كتير فى تقوية العظام وقتل الميكروبات.. وأكيد برضه النباتات هتموت أصلها هتعيش إزاى من غير شمس.. ده غير الأزمة اللى هتصيب الناس اللى عندهم عشا ليلي.
طيب وهنصلى إيه.. يعنى إيه الفروض اللى هنصليها ولا هنقضيها قيام ليل.
طيب والناس الى بتمارس الرياضة صباحاً فى ضوء الشمس والناس اللى بتحب تتفسح بالنهار والمحلات اللى بتسترزق بالنهار وغيرهم وغيرهم كل دول هيعملوا إيه؟
إزاى نعيش بالليل وبس.. أصل النهار ده حياة.
"
(وجعلنا الليل لباسا ، وجعلنا النهار معاشا)) صدق الله العظيم.

قد إيه دوران الأرض ده نعمة كبيرة وإحنا مش حاسين بيها.
الحمدلله يارب على نعمك التى لا تعد ولا تحصى.



سؤال جانبى:
ــــــــــــــــــــ
* أذكر نعمة شعرت بها أثناء قراءتك للموضوع.

هناك 14 تعليقًا:

P A S H A يقول...

هو أنا بصراحة تخيلت لو فتحت الشباك الصبح لقيتني بالليل وفي عز الأيام البرد دي يبقى أكيد هاكمل نوم :)

دعاء يقول...

عزيزتي موناليزا ...
هي نعمة كبيرة ...
في كل شيء نفعله و نمارسه فيحياتنا
إن تأملنا فيه ، حتى في الجوانب السلبية للأمور
مثلا ، وجدنا نعمًا لا تحصى ...
و بالطبع ، لا أستطيع التخيل كيف ستكون تلك الحياة

الحمد لله و سبحان الله و لا إله إلا الله ...

نعمة افتكرتها : نعمة القدرة على القراءة ،
نعمة القدرة على إبصار تلك النعم التي أراها بعينيَّ الاثنتين ....

تحيآتي لكِ ...

Dr. Ibrahim يقول...

هذه مجموعة نعم وليس نعمة واحدة ويجب أن نشكر الله عليهم.
جزاكم الله كل خير

Unknown يقول...

هنقول إيه و لا إيه سبحانه نعمه لا تعد و لا تحصى
شكراً يا منى على الموضوع و التذكره
:)

reemaas يقول...

فى حياتنا نعم كتير يامونى مابنحسش بيها للاسف


الحمد لله على كل شئ

سواح في ملك اللــــــــــــــــــه- يقول...

سبحانك ربي

فقد خلقت كل شئ بقدر

توقف الارض عن الدوران ياعزيزتي

يعني الركود

توقف الهواء والموج يعني توقف الحياة

تحيتي ياعزيزتي

غير معرف يقول...

صباح الغاردينيا موناليزا
بحييكِ على البوست الرائع
فـ قليل منا من يتفكر في نعم الله
حقاً ماذا لو توقفت الأرض عن الدوران
أول نعمة فكرت فيها ..
ماذا لو فتحت نافذة أحلامي الصباح ووجدتها مظلمة أعشق رؤية الفجر وهو يخلع لثام الظلام عن مساء الأمس ليشرق بي حلم جديد مع نسمات الصباح الأولى تخيلت أنني فقدت ذلك الإحساس ! "
؛؛
؛
لروحك عبق الغاردينيا
كانت هنا
reemaas

خالد يقول...

من غير تخيل
القطب الشمالي عندهم 6 شهور نهار متبوعة بـ 6 شهور ليل و القطب الجنوبي عكسهم
لو سافرتي ألاسكا في يوم من الأيام هتشوفي الكلام ده
فيه بعض الدول الاسكندنافية كمان عندها ظاهرة اسمها شمس منتصف الليل خصوصا في النرويج
من كذا سنة كان نهائي بطولة أوروبية في انجلترا و المباراة بدأت بعد الساعة 8 بتوقيتهم و مع ذلك كانت الشمس لسه طالعة

نسرين شرباتي "أم سما" يقول...

:)
ابتسمت
فكرت إني حنام برضه :)
،،،،،،،،،،،،،،،،،،،،،،،،

بجد مشكلة مشكلة مشكلة
احنا مش حاسيين بنعم ربنا علينا
ومش بنحمده دايماً عليها
كل حاجة حوالينا نعم
الصحة نعمة
النظر نعمة
السمع نعمة
اللمس نعمة
كل حاجة نعمة :)
ونعم أخرى لا تعد ولا تحصى

الشاعر الفنان أحمد فتحى فؤاد يقول...

الحمد لله الذي انعم علينا بنعمته
تحياتي

MOHAMMED ELBANNA يقول...

منذ زمن لم أزور مدونتك الجميلة
سامحينا أختى على التقصير
بارك الله في مواضعيك الرااائعه

من اكبر النعم في الحياة هي .. وجود من هم مثلك ... يزرعون الخير فينا كل يوم
^__^

محمد البنا
طريق النجاح

rack-yourminds يقول...

قل أرأيتم إن جعل الله عليكم الليل سرمدا إلى يوم القيامة من إله غير الله يأتيكم بضياء أفلا تسمعون قل أرأيتم إن جعل الله عليكم النهار سرمدا إلى يوم القيامة من إله غير الله يأتيكم بليل تسكنون فيه أفلا تبصرون ومن رحمته جعل لكم الليل والنهار لتسكنوا فيه ولتبتغوا من فضله ولعلكم تشكرون .

Carmen يقول...

سبحان الله العلى القدير :)
جزاك الله خيرا

موناليزا يقول...

باشا
ــــــــ
أهلا بيك أستاذ شريف
رد منطقى برضه :)

أشكرك لتعليقك ونورتنى يافندم
يسعدنا دوام التواصل

******************************


دودو
ــــــــ
أهلا بيكِ يا دودو
فعلا وإن تعدوا نعمة الله لا تحصوها
الحمدلله على نعمة الشكر

أشكرك جدا لمشاركتك ولتعليقك
نورتينى حبيبتى وفى انتظارك دائما


*********************************

د/ ابراهيم سماحة
ــــــــــــــــــــ
أهلا بيك يا دكتور
الحمدلله الذى هدانا إليه

ربنا يكرمك يافندم
أشكرك جدا لتعليقك
ويسعدنا دوام التواصل


**********************************

شيرين سامى
ــــــــــــ
أهلا بيكِ يا شيرين
الحمدلله بجد نعم ربنا كتييييييييييرة أوى
والحمدلله الذى هدانا إليه
الشكر لله ياحبيبتى فما توفيقى الا به

نورتينى يا جميلة وفى انتظارك دايما


*********************************

ريماس
ـــــــــ
أهلا بيكِ يا نور
ربنا يقدرنا ونفكر بعض دايما بشكر الله على نعمه
وفعلا الحمدلله
نورتينى حبيبتى وفى انتظارك دايما


********************************

سواح فى ملك الله
ــــــــــــــــــ
أهلا بيك أستاذ خالد
بداية لما لم تقولى أمة الله كالعادة!!!
أنا لا أفضل كلمة "عزيزتى"

أشكرك لتعليقك
ويسعدنا دوام التواصل


**********************************

ريماس
ـــــــــــ
أهلا بيكِ يا ريمو
ما أجمل كلماتك التى عبرت عن أحاسيسك بوصف رائع جداً

أشكرك جدا لتعليقك ولمشاركتك
وفى انتظارك دائما


**********************************

خالد
ـــــــــ
أهلا بيك أستاذ خالد
يعنى احنا كده فى نعمة تانية تستحق الشكر :)
الحمدلله

أشكرك جدا لتعليقك ويسعدنا دوام التواصل


********************************

نسرين شرباتى
ــــــــــــــ
أهلا بيكِ يا نيسو
فعلا وإن تعدوا نعمة الله لا تحصوها
اللهم اجعلنا ممن يتذكرون نعمك فيحمدوك عليها دائما

أشكرك جدا لمشاركتك ولتعليقك
وفى انتظارك دائما


**********************************

الشاعر الفنان أحمد فتحى فؤاد
ـــــــــــــــــــــــــــــــ
أهلا بيك أستاذ أحمد
فعلا الحمدلله
أشكرك جدا لتعليقك
ويسعدنا دوام التواصل


*******************************

محمد البنا
ــــــــــــ
أهلا بيك أستاذ محمد بعد طول غياب
لعل المانع خير وعذرك معاك يافندم فأنت مُرحب بك فى مدونتى دائما

ربنا يكرمك وأشكرك جدا لرأيك
يسعدنا دوام التواصل


*********************************

راك يورمايند
ـــــــــــــــ
أهلا بيك يافندم
صدق الله العظيم

أشكرك لتعليقك
ويسعدنا دوام التواصل


************************

كارمن
ـــــــــ
أهلا بيكِ يا سمسمة
وحشانى جدا يا حبيبتى

ربنا يكرمك
وأشكرك جدا لتعليقك
نورتينى وفى انتظارك دائما