الاثنين، 9 سبتمبر 2013

رد الجميل


حينما تقع فى مشكلة مهما كان حجمها وتجد من يساعدك فيها..
 فتلقى عليه كلمات من الامتنان والشكر.
وتخيل إذا ما تمت المساعدة دون أجر كيف سيكون حجم تقديرك وشكرك لهذا الشخص.
وبيبقى من جواك نويت إن لو الشخص اللى ساعدك ده احتاجك فى أى حاجة عمرك ما هتتأخر عنه لإن جميله فى رقبتك .
ومهما كانت أخلاق ورقي الشخص اللى ساعدك لكن تظل كلمة شكراً لها وقع طيب فى النفوس حتى لو مش محتاجها ومش هتفرق معاه لإنه عملها خالصة لله أو حتى لو كانت بأجر .
بتدى انطباع بأنك شخص بتقدر اللى قدامك ولو بالكلمة الحلوة.

لله المثل الأعلى فكم من المرات أخرجك من ظلمات مآساتك إلى نور صفاءك الداخلى.

كم من موت محقق تعرضت له وأنجاك منه.
كم من مصيبة محققة تعرضت لها وربنا سترها معاك.
كم من دعاء دعيته وربنا أجابه .
كم من حلم حلمته وربنا حققه لك.
بل والأكثر حينما تستيقظ كل يوم لتجد نفس نعمه معك من صحة وأمن ومال يكفيك مازالت موجودة.

حينما تتعرض لمواقف من اليأس والإحباط وتجد من يحاول مساعدتك والتخفيف عنك وينجح فى هذا ..اعلم أن الله هو من أرسله لك.
أما يستحق أن تشكره دائماً.

فكرت ترد الجميل ؟
جربت تشكره دايماً على كل حاجة فى حياتك.
جربت ترضى عن اختياراته ليك.

لو معرفتش ترد الجميل بالشكر الدائم على الأقل ماتعصيهوش بنعمه عليك.



هناك 4 تعليقات:

النسر المهاجر يقول...

موناليزا

للأسف فيه اشخاص كتير مبيحبوش يردوا الجميل ولو بكلمة عرفان
والبعض الأخر بيجزل فى الشكر
وده فى الاخر بيرجع لتربية الشخص ده هل تعود على كلمات الشكر أم لا
فالإنسان نتاج الثقافات من حولة


شكرا لكى على موضوعك الشيق

hasona يقول...

السلام عليكم
رد الجميل من شيم الكرام
وأبسط شئ أن تقول شكرا لمن قدم لك شيئاً - هكذا عُلمنا

hend anwar يقول...

نحمده ونشكر فضله .. تشكر عالموضوع الجمييل

موناليزا يقول...

أشكركم جميعاً لتعليقاتكم

نورتوني