الجمعة، 29 نوفمبر 2013

من كتاباتى (20)







1-من أشعل الحرائق فليطفئها وإلا لا يلومن إلا نفسه.




2- أسوأ شعور لما تحترم حد وتلاقيه بيغلط فيك.



3- الماضي عمره ما ينفع يكون مستقبل.



4-لازم نشكر الصدمات لأنها بمثابة القلم

 اللي بيفوق الواحد ويخليه يفتح

 على الحقيقة اللي مشاعره كانت مخبياها عليه.



5- ليه مايبقاش في حياتنا خاصية البلوك.

اللي تخليك ماتشوفش حد موته جواك صدفة مثلاً.

أو تخليك ماتسمعش سيرة حد خرجته من حياتك بلا رجعة.




6- في ناس لما تتعامل معاهم عن قرب.


بتحس أنه

لسه حقارة الدنيا ما خلصتش.





7- في ناس بعد ما تصحى بتاخد وقت طويل جدا على ما تفوق.

ويمكن الوقت ده يفضل مستمر لغاية لما تيجي تنام تاني.

فالمجد لمن يفيق وهو مازال على السرير وقبل النهوض.

أنك تصحى فايق نعمة تستحق الشكر.





8- الإهمال يقتل كل شئ.



9- حينما أراه يتحدث عن كراهية الكذب والنفاق


i feel like

هو مش حاسس بنفسه ولا إيه!!.




10- عمرك ماهتشوف البراءة والطهارة في اللي حواليك

تعرف ليه؟.


لإن كل واحد بيشوف في الناس حقيقة نفسه.






11- لأن اللي خذلوني كتير فقلمي مابيطلش كتابة عنهم.

الجميل بقى إن كل واحد فيهم بيفكر أني بكتب عنه كل ده.

ومايعرفوش أن كل مرحلة بكتب عنها بتنتهي خلاص من جوايا.

ما هو أنا مش هقضي عمري كله


 اكتب عن شخص واحد على فكرة.

تعددت الشخصيات والخذلان واحد.

كم أريده أن يعلم أن خذلانه لي أحقر من أن أذكره.

ولكني استمتع بنباحه الغاضب.







12-وبعد ما بتخلص قراءة كتاب .

تبص في مكتبتك وتبقى محتار تقرأ إيه

زي ما تكون بتبص في دولابك بالظبط.

هلبس إيه بقى النهاردة!!.




13- اجعل في جدولك الأسبوعى

 وقتاً لدرس ديني فبه ستشحن إيمانك.




14- شعور رائع حينما تترك أثراً طيباً في نفس أحدهم

 يجعله يتذكرك بعده بسنوات بالخير.



15- على كل فتاة أن ترفع شعار:

أحبك آه.. أمشي معاك في الحرام لأ.




16- توجد جمعيات خيرية عبارة عن وهم وشعارات فارغة

 وتجارة بالدين..

 لا تغرنكم طلائع الأشياء والكلام المعسول..

فهناك أسر فقيرة بحق لا يصلها شيء

 لأن الغالبية يكسلون البحث بأنفسهم عنهم

 ويتبرعوا للجمعيات الخيرية..

دور حواليك هتلاقي كتير محتاج.

حتى لو كان سواق التاكسي


 اللي ممكن تتخانق معاه على جنيه..





17- لن ينجو من قذائف قلمي من خذلوني يوماً .



18- عارف يعني إيه حد يتعرف على الدنيا من خلالك؟

يعني أنت بقيت بالنسبة له مصدر موثوق فيه.. فماتخذلوش.




19- عارف يعنى إيه ربنا يزعل منك؟.

يعني يحرمك لذة القرب منه.





20- ما زال القلم ينزف وما زالت الورقة تئن.





21- كيف نأمن من لا يأمن لنا.

كيف نُصدق من يكذبنا.

كيف نحافظ على من يبيعنا.

كفى إهانة لذاتك .

عاملهم بالمثل و رد اعتبارك.





هناك 4 تعليقات:

beautiful mind يقول...

بجد كتاباتك كلها جميله
ومعبره
تسلم ايدك وقلمك

Unknown يقول...

كلمات رائعه توضح خبرات مواقف وازمات عديده ..
بالنسبه لي اختار منها
"اجعل في جدولك الأسبوعى
وقتاً لدرس ديني فبه ستشحن إيمانك."
دمتي بخير

زينب علي حبيب يقول...



1) وإذا كان خايف؟ .. واذا كان مبيعرفش النتيجة هتكون اطفاء او اشعال اكبر؟ ولو ميعرفش ازاي يطفيها؟ ولو معندوش حد يعرفه يعمل ايه او ينبهه؟ يتصرف ازاي؟

2) والأسوأ إنك تلقاه أصلاً مش محترم .. صدمة كبيرة

3) للأسف صح، بس نعمل ايه بس .. نفضل نحِنّ نكمل الماضي مع إنّ الأشخاص فيه وإحنا مبقيناش نفسنا خالص

4) شكراً

7) كلام قوي .. يا رب أكون فايقة .. الحمد لله على كل شيء

9) Like :)

10) جميلة .. جداً

12) دي أنا ^_^ .. وفترة إختيار كتاب غالباً بتكون أطول من فترة قراءة كتابين تلاتة

17) مرة قرأت إن الواحد لازم يحذر مِن جرح كاتب .. عشان يقدر يطلع عينو بالكتابة عنّو ^_^

21) صعب جداً، وهتأذي نفسك لأن دا مش طبعك .. بس قوليلي .. بعد كدا الواحد هيرتاح؟

لأن القرار دا صعب .. جداً

بجد شكراً ليكي، كنت محتاجة لبوستك وتعليقي عليه، فتحت مدونتك أدور على حاجة أقرأها وأرد عليها، بوست فوقتو تماماً ^_^

موناليزا يقول...

نورتوني
وكالعادة أسعدتوني بمشاركتكم
ما حرمني الله من طلتكم الغالية