من كتاباتي (26)

1-الناس اللي بتصون العشرة وبتحافظ على علاقة السنين

 مهما حصل بينهم خلاف.. 

دول اللي لازم يتحطوا في محمية طبيعية.

2- لا تفعل إلا ماتقتنع به تماماً حتى لا تندم فيما بعد.

3- لكل منا هماً يأويه ولكنَّا نجتهد لنداريه.

4-  ماتفتيش في حاجة مابتفهمش فيها.

5-متعة التعليم

أنك تتعلم حاجة جديدة دي في حد ذاتها نعمة

 تستحق الشكر.

6- أسوأ شعور لما تعتقد أنك مهم عند حد 

وأن زعلك هيفرق معاه

 وتلاقي كل ده أوهام في خيالك أنت بس.

7- لن تعرف طعم الجبر إلا بعدما تتذوق طعم الكسر.

8- تعطري قبل نومك لتصبح أحلامك منتعشة.

9- لما الناس تظلمك وتيجي عليك

وتاخد حقك حتى لو في حاجة بسيطة

على اعتبار أنك مش واخد بالك وبعدها أنت تعرف ؛

ابتسم لهم بسخرية مفاداها

 "أنا عارف اللي انتوا عملتوه ولأنه تافه من وجهة نظركم

 فأنا مش هواجهكم بيه

 لكن هقتص منكم على الصراط".

10- ما أصعب أن تحلم وتتمني وتجد أن غيرك

 يعيش حلمك بالفعل بنفس التفاصيل.

11- متعة نزول الماء من الصنبور لا يشعر بها إلا المحروم منها.

12-حينما تروي ظمأك بماء درجة حرارته تناسبك؛

فتلك نعمة تستحق الشكر.

13- من المخزي أن يتحكم في مصير إنسان

 مجرد ورقة لم توقع من الموظف المختص

 لخروجه مبكراً عن موعد العمل الرسمي.

14- أخلاقيات الكاتب تظهر جلياً فيما يكتب حتى وإن لم يقصد.

15- مش عايزة أموت غير لما أعمل حاجة حلوة

 تشفعلي عند ربنا.

16-في ديني : الكلمة الطيبة صدقة.

17- دائماً ما أنصح أن ننظر إلى نصف الكوب الممتلئ

 ولكن نصيحتي هذه معكوسة تماماً

 لمن هو مسئول عن شيء ما..

"انظر إلى الجانب الفارغ وتمعن فيه جيداً

حتى تدرك وتوقن أنه حقاً فارغ وأن عليك مهمة ملأه".