الأحد، 17 يناير 2010

مشهد النهاية

كم مِنَّا من يتخيل يوم نجاحه سواء فى دراسته أو فى عمله ومِنَّا من يتخيل يوم زفافه ومِنَّا من يتخيل يوم عودة أحبائه من السفر ومِنَّا من يتخيل شعوره حين يسمع خبر مفرح. وما إلى ذلك من أحلام يقظة تراودنا مهما كانت أعمارنا.
لكن يا ترى كم مِنَّا تخيل المشهد الأخير لحياته. أو على الأقل فكر فيه أو اتمنى أنه يكون زى ما بيحلم.
رغم أنه الحدث الوحيد المؤكد فى حياتنا والأهم طبعاً لأنه الحدث الأخير. ولم لا والعبرة بالخواتيم.
وفيه ناس تتمنى حدوث شئ معين وتبنى كل آمالها عليه وقد تدعى بأن تموت إذا ما تحققق هذا الحدث.
مثال: الدعاء بأن ترى الأم ابنها وهو عريس وبعدها تموت.
أو دعاء الأب أن يرى أول حفيد له وبعدها يموت.
أو دعاء الرجل أن ينجب وبعدها يموت وما إلى ذلك من أدعية لا تجوز.
فقد قال رسول الله صلى الله عليه وسلم((لا يتمن أحدكم الموت إما مُحسناً ، فلعله يزداد، وإما مسيئاً فلعلهُ يستعتب)) متفق عليه وهذا لفظ البخاري.
يا ترى أنت من أى نوع؟
عموماً أنا هبدأ بنفسى وهقول على مشهد النهاية لحياتى التى طالما تمنيته وأدعوا الله أن يكون كما أحلم وأتخيل.
المكان:غرفتى.
الملابس: إسدال الصلاة.
الموقع: متوجهة إلى القِبلة.
كيفية المشهد: جالسة على الأرض وبقرأ فى المصحف وحينما أختمه أقول دعاء ختم القرآن.
نفسى أوى أموت وأنا باكية من خشية الله ومتضرعة له بالدعاء ودموعى منسدلة على وجهى.
نفسى آخر كلمة تكون" لا إله إلا الله".
نفسى أوى أموت وأنا حاضنة المصحف.
اللهم لا تمتنى إلا وأنت راض عنى.


كل مرة بختم فيها القرآن أتخيل أن ده خلاص هو اليوم الموعود. وبعدين مايطلعش هو.
خايفة بجد لييجى فى مكان وشكل تانى غير اللى بحلم بيه وبتمناه.
ولذلك لا أملك سوى الدعاء.
اللهم أنى أسالك ميتة سوية ومردا غير مخزى ولا فاضح.
يارب أشهدك وأشهد جميع خلقك بأنى رغم ذنوبى الكثيرة التى أعلمها والتى لا أعلمها أشتاق إلى لقائك.
فأنا ما زلت أطمع فى رحمتك أن تبلغنى و تتغمدنى حتى وإن لم أكن أهلاً لها.

كل موضوع بكتب فيه سؤال جانبى وبيبقى ليكم حرية الإختيار فى أنكم تجاوبوا عليه أو لأ.
بس السؤال المرة دى إجبارى:
* نفسك تموت إزاى؟.
-وياريت بلاش فال الله ولا فالك أو أنا لسه صغير أو لما يبقى ييجى اليوم ده .
لأن كده كده الموت قادم ومش هيستأذن قبل ما ييجى-.
لو ماكنتش فكرت فى الموضوع ده قبل كده ممكن تفكر وترجع تجاوب تانى .
بس فكر كويس قبل ما تجاوب لعلها تكون ساعة إجابة.
وفى نفس الوقت خد بالك إحنا مش عارفين هنموت إمتى.
يعنى أكيد إجابتك هتحتم عليك عدم معصية الله فى أى موقف مهما حصل.
فى إنتظار تعليقاتكم الخاصة بـالمشهد الأخير قبل إسدال الستارمعلنة النهاية لمسرحية حياتكم.
ملحوظة: ياريت محدش يضايق من الموضوع أو ياخده بنظرة تشاؤمية لأنى أطبق
حديث رسولنا الحبيب صلوات الله وسلامه عليه حينما قال" أكثروا من ذكر هادم اللذات".
أقول قولى هذا وأستغفر الله لى ولكم.

هناك 53 تعليقًا:

عمرو جويلى يقول...

موناليزا
السلام عليكم
دائماً كل منا يرجو أن يموت وهو
يفعل فعل خير مثلاً
وهو يصلى أو يسبح الله أو يقرأ
القرآن أو وهو يعطف على مسكين
أو يدافع ضد الأعداء أو يبكى
من خشية الله
ربنا يكتب هالنا
اللهم آميين
خالص تقديرى

حمـــــــــــــــــــــة يقول...

يتمنى المرء حسن الخاتمة
و يسأل الله الثبات حتى آخر لحظة له بالدنيا
أما عن الجواب :
أتمنى من الله أن ألقاه و أنا أعمل
أقدم خدمة للناس هم في حاجة اليها بدون مقابل ...............

تأثير الفراشة يقول...

ياااه
بوست جميل جدا ، ربنا يكرمك يا رب و يحسن خاتمتك و خواتيمنا جميعا بإذن الله

و فعلا بيخطر هذا المشهد على الذهن و من الضرورى أن نفكر فى موتنا حتى نعرف كيف نعش حياتنا

ربنا يكرمك يا موناليزا بجد على ما تكتبيه فى مدونتك

جزاك الله خيرا

د.خالدأمين يقول...

نفسي اموت وانا ساجد

بجد


واكون بعد ماعملت خير لناس كتييييييييييير والناس دي كانت محتاجه ودعت لي وتكون اخر اعمالي في الدنيا

ستيتة يقول...

عاوزة اموت على حسن خاتمة
يارب بلغني حسن الخاتمة
مش مهم ابدا هي شكلها ايه
عمري ما اتخيلتها
يمكن تكون وانا باخدم عيالي
او وانا بابتسم في وش حد
او وحد صالح بيدعي لي
او حتى اكون وسط محاضرة كده وبشرح بكل ذمة ونيتي خالصة لوجه الله

اهم شيء اتمناه من الله ولا يكتر على الله ان لا يذيقني مرض
ولا يجعلني تقيلة على الخلق
جيت الدنيا خفيفة ومحبوبة
وربنا ياخدني بنفس الصفة ان شاء الله

عاشقة القمر يقول...

ربنا يذتنا في كل لحظه طاعة في لله
ربنا يعطنا حسن الخاتمه
ربنا أعطيني في الدنيا الحسنة في الاخرة الحسنة
يارب

Unknown يقول...

بارك الله فيكي ويجعلك ذخر للدين يااارب
بجد كلماتي تعجز عن شكرك فأسأل الله يا يجعل خاتمتك شهادة لأنه اعظم شي انه ربنا يجعل خاتمتنا به


الله يسعدك

شمس النهار يقول...

البوست جيد جدا

العلاقه بين العبد وربه علاقه سريه لايعلمها الا الله


احب ان اموت صائمه


سلامي

كلمات من نور يقول...

اللهم إني أسألك حسن الخاتمة والموت على طاعة...حقيقي سؤال وموضوع كعادتك يا موناليزتي ..ممتازين ومهمين...أنا فعلا أتمنى أموت و أنا بصحتي علشان متعبش حد معايا و أتمنى أموت على طاعة وما أجمل الطاعات لوجه الله الكريم ..أسأل الله لك العمر المديد في طاعته و أسأله أن يسترنا فوق الأرض و أن يسترنا تحت الأرض و أن يسترنا يوم العرض ..إنه ولي ذلك والقادر عليه..أحبك في الله يا موناليزتي الحبيبة

موناليزا يقول...

عمرو جويلى
ـــــــــــ
وعليكم السلام ورحمة الله وبركاته
أهلا بيك استاذ عمرو
مش كلنا يافندم
ده فيه ناس مابتفكرش فى الموت أصلاً وبتعتقد انها بعيييدة اوى عن اليوم ده!!
اللهم ان نسألك حسن الخاتمة اللهم امين
أشكرك جدا لمشاركتك
يسعدنا دوام التواصل


*********************************


هاما
ـــــــ
أهلا بيك يافندم
ربنا يقدرك على فعل الخير دايما
ويرزقنا واياك حسن الخاتمة اللهم امين
أشكرك جدا لمشاركتك
يسعدنا دوام التواصل


*********************************


تأثير الفراشة
ـــــــــــ
أختى الحبيبة:اهلا اهلا بالقمر بعد طول غياب
ربنا يعزك يارب ويتقبل دعائك اللهم امين
الحمدلله بجد فما توفيقى الا به
نورتينى ياجميلة واسعدنى تواجدك


*********************************


د.خالد مين
ـــــــــــ
أهلا بيك يادكتور بعد طول غياب
ربنا ينولهالك ويرزقنا جميعا حسن الخاتمة اللهم امين
أشكرك جدا لمشاركتك
يسعدنا دوام التواصل



**********************************


ستيتة حسب الله الحمش
ـــــــــــــــــــــــ
أختى الحبيبة:اهلا اهلا بنبض الحكمة
ربنا يرزقنا وإياكِ حسن الخاتمة
اللهم متعنا بصحتنا وقوتنا أبدا ما احييتنا واجعله الوارث منا اللهم امين
نورتينى حبيبتى واشكرك جدا لمشاركتك


**********************************


عاشقة القمر
ــــــــــــ
أختى الحبيبة:اهلا اهلا بالقمر
ربنا يتقبل دعائك اللهم امين
نورتينى ياجميلة واسعدنى تواجدك


********************************


مستر/حازم
ـــــــــ
أهلا بيك استاذ حازم
ربنا يعزك يارب ويتقبل دعائك اللهم امين
أشكرك جدا على تعليقك
يسعدنا دوام التواصل



**********************************

شمس النهار
ـــــــــــ
أختى الحبيبة:اهلا اهلا بالقمر
أشكرك جدا لرايك ولمشاركتك
اللهم ارزقنا حسن الخاتمة اللهم امين
نورتينى شموسة الجميلة واسعدنى تواجدك



**********************************


كلمات من نور
ـــــــــــــــ
أختى الحبيبة:اهلا اهلا بالغالية
ربنا يعزك يارب فما توفيقى الا بالله
اللهم ان هذه القلوب قد اجتمعت على حبك وخشسيتك فارزقها حسن الخاتمة واجمعهم فى اعلى جنة الخلد اللهم امين
أحبك الذى أحببتنى فيه
وانا كمان بحبك جداااااااا:)
نورتينى حبيبتى واسعدنى تواجدك

P A S H A يقول...

نفسي أموت وأنا باحج أو باعتمر

موضوعاتك كلها مميزة .. والموضوع ده مميز حبتين تلاته أربعة :))

تحياتي

سلام

*همسة حب * زوزو يقول...

اولا و قبل كل شيء اشهد الله اني احبك فيه
بجد انت انسانة جميلة اوي
اما عن الموضوع فكرت فيه قبل كدة طبعا بس مفكرتش في التفاصيل
كل لي شغل بالي اني اموت و ربنا راض عني و بحلم اوي بموتة مستورة دة كل حلمي
مش مهم المكان و الظروف المهم ان ربنا يكون راضي عني و طبعا يا ريت لو يجي الموت في لحظة خشوع و ذل و توبة خالصة للوجهه يبقى دة فضل كبير من ربنا
و بعد ما اموت بحلم طبعا اننا اخش الجنة لا قبلها احب اقابل الرسول صلى الله عليه و سلم و امسك في ايده مش عارفة ينفع و لا لا
بس حلمي اوي اكون معاه و اقابل اهلي و اصحابي و احبابي و ندخل كلنا الجنة يا رب يا رب
و منايا الاكبر اننا احظى بنظرة لوجه الكريم العظيم الجليل ياااااااااااارب

تحياتي

الطالبة عفو الله

just dream يقول...

بالعكس ياامه الموضوع مش تشاؤمى خالص انتى جبتى الحقيقه الوحيده ف حياتنا واللى هتحصل مهما عملنا ...لكل أجل كتاب
بس اكيد كلنا بنتمنى نموت موته سويه اكيد بنرجو من ربنا حسن الختام اياماكان شكل الخاتمه بس تكون حسنه
بس المهم مش شكل الخاتمه المهم اننا نعد العده لهذا اليوم لان كتير مننا فى غفله وناسى يوم زى ده فاكيد لو حطينا ف اعتبارنا انه اكيد جاى يبقى هنعمل ليه كويس وبالدعاء اكيد ربنا هيمن علينا بحسن الختام
يارب نسالك حسن الختام لينا ولكل المسلمين ياااااااارب
تقبلى مرورى ياامه

هناء محمود يقول...

انا متمناش أكتر من إللى قولتى عليه والأهم من كدة الإخلاص فى الفعل ده

وفوق كل ده أتمنى إنى أكون فى وسط أهلى مش بعيد عنهم ..

اللهم أحسن خاتمتنا ولا تجعل مصيبتنا فى ديننا

آآآآآآآآآآمين يارب العالمين

موضوعك من أجمل المواضيع إللى قرأتها

موناليزا يقول...

باشا
ـــــــ
أهلا بيك يافندم
ربنا ينولهالك ويرزقنا واياك حسن الخاتمة
أشكرك جدا لرأيك ولمشاركتك:)
يسعدنا دوام التواصل


*********************************



همسة حب
ـــــــ
أختى الحبيبة:اهلا اهلا بالقمر
:) شعور متبادل
أحبك الذى أحببتنى فيه
ياحبيبتى ربنا يكرمك
(اللهم لاتؤاخذنى بمايقولون واغفر لى مالايعلمون واجعلنى خيرا ممايظنون)

يارب ياحبيبتى يرزقنا جميعا حسن الخاتمة ومرافقة نبينا محمد صلى الله عليه وسلم فى اعلى جنة الخلد ويرزقنا لذة النظر الى وجه الكريم اللهم امين
نورتينى زوزو الجميلة واسعدنى تواجدك


**********************************


وكيلة نيابة مع ايقاف التنفيذ
ـــــــــــــــــــــــــــــ
أختى الحبيبة:اهلا بيكِ
فيه ناس كتير مابتحبش تتكلم عن الموت او حتى تجيب سيرته
وفعلا عندك حق المهم اننا نستعد لها جيدا
اللهم ارزقنا حسن الخاتمة
طب مش تقولى اسمى على بعضه(أمة الله)
أصل أمة لوحدها كده ماتنفعش:)
نورتِ مدونتى وأسعدنى تواجدك



***********************************


أم بوبة
ــــــ
أختى الحبيبة:اهلا اهلا بالقمر
اللهم ارزقنا جميعا حسن الخاتمة
ربنا يعزك يارب
أشكرك جدا لتعليقك الذى أسعدنى
نورتينى ياجميلة

غير معرف يقول...

ياحبيبتي وحشاني جداااااا

بوستاتك دايما في الصميم

انا عمري ما فكرت فيها بالشكل دا بس دايما بدعي اني اموت وانا على طاعة او وانا بصلي بس الي بتمناه فعلا اني اموت شهيدة بما اني ببلد محتل ..

اللهم لا تمتنى إلا وأنت راض عنى.

آآمين يارب

ربنا يكتبلنا حسن الخاتمة

جزاكي الله كل خير على مواضيعك الرائعة

ربنا يوفقك ويسعدك

بحبك

غير معرف يقول...

السلام عليكم

أتمنى أن أموت وأنا أغرس شجرة

(المهاجر الى الله) يقول...

السلام عليكم ورحمة الله وبركاته :

نفسى اختم حياتى وانا على هيئة السجود بين يدى الله فى صلاة العصر او الفجر فى البيت الحرام بمكة الكرمة يوم جمعة واغسل بماء زمزم وادفن فى البقيع .

السجود : اقرب ما يكون العبد الى الله فى السجود .
العصر او الفجر : اقسم الله بهما فى القرا ، ( والعصر ان الانسان لفى خسر) وتلك السورة كان الصحابة اذا التقيا وسلما على بعضهما سلما بهذه السورة .
والفجر ( والفجر وليال عشر)
ولان الرسول اخبر عن فضل صلاة العصر والفجر وما لهما من الاثر العظيم فى حياة الانسان .

والباقى معروف بقى .

اللهم حقق رجائى ولا تقطعة والتمس فى قلبى الصدق والاخلاص لوجهك الكريم ، ونجنى من نفسى وارزقنى توبة نصوحة تغسلنى بها من غدراتى وفجراتى انك ولى ذلك والقادر عليه .

طهر فؤادك يقول...

السلام عليكم ورحمة الله وبركاتة ,,

ماشاء الله ... ماشاء الله ... ماشاء الله

بوست جميل واكثر من رائع ومواضيع جميلة بتطرحيها بارك الله فيكى وعمرنا مانتشائم ابدا من الموضوع دة لان الموت علينا كلنا حق والدنيا الا رحلة ولازم نتزود بيها للاخرة ان شاء الله تعالى ...

- اما عن سؤاللك فأنا هغشة من موضوعك لان دة الى بتمناة اللهم ارزقنى ميتة سوية ومردا غير فاضح وان تكون برضاك وعفوك من المرحومين اللهم امين والمسلمين ...

نور الدين (محمد الجيزاوى) يقول...

ربنا يحسم خواتيمنا جميعا ياموناليزا
فعلا النهاية شيء مرعب ياترى هنقابل ربنا على أى وجه
على طاعة ولا على معصية
تعرفى ياموناليزا انا زمان من وقت ما كان عمرى 12 ولحد لما بقيت فى العشرين لو أى حد سألنى السؤال دة مكنتش بتردد ابدا
كنت بقول نفسى اموت على جبال افغانستان مع المجاهدين نفسى اموت فى ارض معركة
..
دة كان زمان لكن دلوقتى بجد مبقتش اقدر اقول انى نفسى اموت شهيد زى ما كنت بحلم ليل ونهار
المعاصى بتسود قلوبنا اوى وبتغير قناعتنا القديمة وطريقة تفكيرنا
دلوقتى كل اللى بتمناه من ربنا إنى لو لم أمت على طاعة فإنى اسأله ألا يكون موتى على معصية
معنديش حاجة تانية ااقدر ااقولها
...
تحياتى

♥نبع الغرام♥♪≈ يقول...

نفسى اموت وربى راضى عنى
تسلم ايديكى يارب قد ايه مواضيعك جميله وهادفه
ربنا يعزك يارب

دعاء عويضه يقول...

البوست رائع رائع راااااااائع بجد
ربنا يكرمك و يعزك اللهم امين

و يا رب يجمعنا سوا في الجنه اللهم امين

ربنا يجازيكي كل الخير

اللهم لا تمتنا الا و انت راض عنا

اللهم امين

موناليزا يقول...

نوارة
ــــــ
أختى الحبيبة:اهلا اهلا بالقمر بعد طول غياب
ربنا يكرمك يارب فما توفيقى الا بالله
ربنا يتقبل دعائك ويرزقنا جميعا حسن الخاتمة اللهم امين
نورتينى حبيبتى وماتغيبيش علينا كتير كده تانى:)


*******************************


أحمد شريف
ــــــــــ
وعليكم السلام ورحمة الله وبركاته
أهلا بيك أستاذ أحمد
:) ربنا يرزقنا واياك حسن الخاتمة اللهم امين
أشكرك جدا لمشاركتك
يسعدنا دوام التواصل


*********************************



المهاجر الى الله
ـــــــــــــــــ
وعليكم السلام ورحمة الله وبركاته
أهلا بيك أستاذ طارق
:)الله
انا بتمنى لو مش هموت فى بلدى يبقى فى المدينة المنورة
واجابتك برضه فكرتنى اقول الوقت اللى بتمناه هو الفجر
اللهم ارزقنا حسن الخاتمة اللهم امين
أشكرك جدا لمشاركتك
يسعدنا دوام التواصل


**********************************


طهر فؤادك
ـــــــــــ
وعليكم السلام ورحمة الله وبركاته
أهلا بيك يافندم
ربنا يعزك يارب فماتوفيقى الا بالله
الحمدلله الذى هدانى الى هذا
ناس كتير مابتحبش تتكلم عن الموت
أشكرك جدا لتعليقك
اللهم ارزقنا جميعا حسن الخاتمة اللهم امين
دمت طيبا ولمدونتى زائرا


*********************************


نور الدين
ــــــــــــ
أهلا بيك أستاذ نور
فعلا سؤال مرعب ياترى هنموت ازاى؟

أفغانستان!! طب وليه مش فلسطين؟

اللهم اعزنا بطاعتك ولا تذلنا بمعصيتك
أسال الله لى ولك أن يرزقنا حبه وحب من احبه وحب كل عمل يقربنا الى حبه
أشكرك جدا لمشاركتك
يسعدنا دوام التواصل


*********************************


ابتسامة ملاك
ـــــــــــــ
أختى الحبيبة:اهلا اهلا بالقمر
ربنا يكرمك يارب فماتوفيقى الا بالله
اللهم انا نسألك حسن الخاتمة
أشكرك جدا لمشاركتك
نورتينى انوسة الجميلة واسعدنى تواجدك



*********************************


دودو
ـــــ
أختى الحبيبة:اهلا بيكِ فى زيارتك الاولى
:) الحمدلله فماتوفيقى الا به
ربنا يسعدك يارب ويتقبل دعائك ويجمعناعند الحوض لنشرب من يد النبى شربة هنيئة لا نظمأ بعدها أبدا
نورتى مدونتى ويسعدنا دوام التواصل

ريمان يقول...

ربنا يرزقنا حسن الخاتمه


اللهم امين

:(

ليس فقيرا من يحب يقول...

نفسى اموت على طاعه

ويكون اخر كلامى لا اله الا الله

انتى جميله قوى يا موناليزا

انى احبك فى الله

تسلم ايديكى وربنا يسعدك يارب

نور الدين (محمد الجيزاوى) يقول...

عشان فى الوقت اللى حددته كان الجهاد الافغانى هو النوذج الاعظم قبل ما تحصل الفتن ويتقاتل رفقاء الامس مع بعضهم البعض

اسأل الله أن يستجيب دعواتك الطيبات

rovy يقول...

السلام عليكم حبيبتى الغاليه موناليزا
بوست رائع و واقعى ..
دعواتك رائعه ويا رب يتقبلها ولنا مثلها ان شاءالله ..
أتمنى انى موت راضيه عن نفسى و ربى راضى عنى .. مش مهم فين و ازاى .. المهم انه سبحانه يحسن خاتمتى .. اموت و انا بأعبده سبحانه ..او وأنا بأساعد انسان محتاج لمساعده ..او بأعمل عمل فيه خير للناس .. بأتمنى أموت و أنا من المقربين لله سبحانه و تعالى .. ويمكن اكون بأقصر فى حاجات كثير .. لكن دايما عندى أمل كبير فى رحمة ربنا وغفرانه و كرمه .. و كمان أعلم أنه سبحانه يعلم ما فى نفسى .. لذلك افوض امرى له و اتضرع اليه ان يرحمنى و يهدينى لما يحب ويرضى و ان يحسن خاتمتى ويجعلنى مع الابرار و الصالحين و.. اللهم امين

موناليزا يقول...

ريمان
ــــــــ
أختى الحبيبة:اهلا اهلا بالقمر
ياااارب
نورتينى ريموالجميلة واسعدنى تواجدك



*********************************


ليس فقيرا من يحب
ـــــــــــــ
أختى الحبيبة:اهلا اهلا بالقمر
ربنا يرزقنا جميعا حسن الخاتمة ويجمعنا فى اعلى جنة الخلد اللهم امين
ربنا يعزك يارب
(اللهم لاتؤاخذنى بمايقولون واغفرلى مالايعلمون واجعلنى خيرا مما يظنون)
ماتحرمش منك ابدا ياحبيبتى
وأحبك الذى أحببتنى فيه
وأنا كمان بحبك جدا فى الله
نورتينى حبيبتى واسعدنى تواجدك



*********************************


نورالدين
ـــــــــ
أهلا بيك أستاذ نور
أشكرك جدا لمتابعتك ولاهتمامك بالرد
يسعدنا زيارتكم دائما



*********************************


روفى
ــــــ
وعليكم السلام ورحمة الله وبركاته
أختى الحبيبة:اهلا اهلا بالغالية
ربنا يعزك يارب ويتقبل دعائك ويرزقنا جميعا حسن الخاتمة ونكون صحبة فى أعلى جنة الخلد اللهم امين
نورتينى روفى الجميلة وماحرمنى الله من تواجدك

Mahmoud Ahmed يقول...

اللهم لا تمتنى إلا وأنت راض عنى.
اللهم لا تمتنى إلا وأنت راض عنى.
اللهم لا تمتنى إلا وأنت راض عنى.
اللهم لا تمتنى إلا وأنت راض عنى.

جزاكي الله خيرا على التذكره

المسلم الصغير يقول...

السلام عليكم ورحمة الله وبركاته...
بجد موضوعك جميل قوي قوي وأول مرة الاقي موضوع ذي دة وعلى فكرة موضيعك كلها جميلة قوي ومختلفة عن أي نمط
أما انا فاحب ان اموت وانا صائمه واكون صليت العصر وبقرأة القرآن
دومتي مبدعة
تحياتي

حصان المرجيحة يقول...

الواحد بيحتاج من فترة لفترة
ان حد يذكره بربنا و بالموت
و بطريقة جميلة زي دي
ربنا يكرمك
و يحسن خاتمتنا

KHALED يقول...

للأسف ماحدش بيختار يموت إزاى لإن الخاتمة بتكون من تقدير رب العزة و دة بيبقى فى تقديرة هوا وحدة لإنة أعلم بعبادة و من الأجدر لنا من تمنى الموت أن نعمل جاهدين فى إرضاء الله و أن نترك أمر خاتمتنا لة فهو أعلم بكل شىء

و إن كان بد من الإجابة على السؤال الإجبارى
فنفسى أموت فى مكة أو المدينة و أنا فى أحد المساجد الحرم و نفسى أكتر أندفن هناك فى نفس الأرض التى تضم رفات أكرم الخلق أجمعين

و إنا لله و إنا إلية راجعون

ذكرى رحيل قلم يقول...

السلام عليكم

اللهم امتنا علي طاعة اما مهما تصورت النهاية فهي لا يعلمها الاالله

لكن ما انا اعلمه اني اريد الطاعة لي ولكل المسلمين
اذكرك بقصة الرجلين اللذين عاشا عمرهما كله واحد في طاعة والاخر في معصية وكلا منهما مل من حياته فقال كلا منهما في نفسه انا عايش طول حياتي في طاعة والاخر قال في معصية مرة واحدة اغير من حياتي
وعندما نزلا من محرابه مات فمات الذي عاش في طاعة طول عمره علي معصية فدخل النار والاخر الذي تمني التوبة وكان عايش طول عمرة علي معصية دخل الجنة

دمتي بكل خير

اللهم ارزقني الدرجات العلي من الجنة امين

موناليزا يقول...

المدونة الاسلامية سبايدر مان
ــــــــــــــــــــــــــ
أهلا بيك يادكتور
ربنا يكرمك ويتقبل دعائك
ويرزقنا جميعا حسن الخاتمة
يسعدنا دوام التواصل


***********************************


المسلم الصغير
ــــــــــــــ
وعليكم السلام ورحمة الله وبركاته
أختى الحبيبة:اهلا اهلا بالقمر
أشكرك جدا لرأيك
ربنا يعزك فما توفيقى الا بالله
اللهم ارزقنا حسن الخاتمة
أشكرك جدا لمشاركتك
نورتينى حبيبتى واسعدنى تواجدك


*********************************


حصان المرجيحة
ــــــــــــــ
أهلا بيك يافندم
الحمدلله الذى هدانا لهذا
أشكرك جدا لرايك وربنا يتقبل دعائك
يسعدنا دوام التواصل


*******************************


خالد
ـــــ
أهلا بيك أستاذ خالد
عندك حق محدش بيختار هيموت ازاى
ومتفقة معاك جدا فى بذل العمل لارضاء الله

ربنا يرزقنا جميعا حسن الخاتمة
انا نفسى لما اموت الاقى ناس كتير يصلوا عليا
أشكرك جدا لمشاركتك
يسعدنا دوام التواصل



********************************


ذكرى رحيل قبم
ـــــــــــــــ
وعليكم السلام ورحمة الله وبركاته
أختى الحبيبة:اهلا اهلا بالقمر
تعرفى ان القصة دى فعلا وضعاها قدامى دايما
وبجد اخاف لاموت فى وقت اكون لاهية فيه او عبادتى قليلة
ربنا يرزقنا حسن الخاتمة ويرضى عنا اللهم امين
نورتينى ياجميلة واسعدنى تواجدك

رفقة عمر يقول...

من يوم ما الموت دخل عيلتنا واخد ناس غاليه عندى قوووى تخيلى انا طول حياتى لم تحدث حاله وفاه فى قريبى المقربين جدا وبالظبط سنه 2000 بدا الموت يدخل الى اقربائى من الدرجه الاولى بدا بخالتى الكبرى التى كنت احبها كثيرا توقت وهى مغتسله ومنتظرة صلاة الفجر وبعدها توالت حاله الوفاه لدرجه ان عمى الكبير وعمى الاوسط وخالتى الثانيه توفوا فى عام واحدا بينهم اسابيع قليل وختمت بوالدى رحمه الله عليه
ومن وقتها وانا احب الموت لان شعرت انها مرحله انتقاليه الى حياة افضل اتقابل فيها مع من احب وارى كل اقاربى وكل الصحابه والانبياء وكل من نتمنى ان نراه
اسال الله ان يكونوا جميعا فى جنات الفردوس
فاتمنى انى القى ربى وانا على طاعة اى طاعة كانت المهم ربنا يرزقنا حسن الخاتمه ويرزقنا الاخلاص فى القول والعمل
اللهم اميين بس طبعا لو مت بالشهادة فى سبيل الله دى اجمل واجمل لان الشهيد يرى مقعده من الجنه مع اول قطرة تنزف من دمه
فربنا يرزقنا الشهادة فى سبيله اللهم اميين

ghorBty يقول...

ما شاء الله

بارك الله فيك وفيما خطته يمناك

بوست ولا اروع


جعله الله في ميزان حسناتك

:

يقولون عن شئ دنياوي

وما نيل المطالب بالتمني، ولكن تؤخذ الدنيا غلابا

وهكذا

لا بالتمني ترسم لنا النهاية ولكن

من عاش علي شئ مات عليه ومن مات علي شئ بعث عليه ..

ومن هنا لا نملك الا الدعاء ان نعيش كما يرضي الله عنا ونموت موته وهو راضي عنا غير غضبان

مش قادرة ارسم المشهد بس اسال الله ان اعيش وهو راض عني واموت وابعث علي ذلك

salwa يقول...

السلام عليكم اخت موناليزا
ما بين الحياة و الموت
شهيق و زفير
اللهم اجعلنا من التوابين
و اعنا على طاعتك و حسن عبادتك
جزاكي الله كل خير
سلام

mohra يقول...

الحقيقه انا بخاف من الموت جدا ..مش الموت فى حد ذاته لكن احساسى انى هادخل النار لو مت
انا عارفه ان ربنا رحيم و ما بيحاسناش بما نستحق لكن برحمته....لكن برضه خايفه

مرايتى يقول...

السلام عليكم ورحمة الله وبركاته

جزاكى الله خيرا موناليزا على هذه التذكره بهذا الاسلوب الرائع

طول عمرى بتمنى أموت مستوره حاجه فى بالى على طول وأموت فى بيتى وعلى طاعه وفى سجده بس ساجده تكون أحسن ساجده فى عمرى موته سويه ومن غير مرض

ربنا يرزقنى واياكى حسن الخاتمه ويجرنا من سوء الخاتمه

موناليزا يقول...

رفقة عمر
ـــــــــــ
أختى الحبيبة:اهلا اهلا بالقمر
فعلا الموت مجرد مرحلة انتقالية للدار الآخرة
وأسأل الله لى ولكِ أن يرزقنا حسن الخاتمة وأن نكون أصحاب النبى فى الجنة اللهم امين
نورتينى حبيبتى واسعدنى تواجدك


**********************************


غربتى
ـــــــ
أختى الحبيبة:اهلا اهلا بالقمر
ربنا يكرمك يارب فماتوفيقى الا بالله
عندك حق فالمهم ان يصاحب رجاءنا هذا العمل لان الله لا يضيع أجر من أحسن عملا
رزقنى الله واياكِ حسن الخاتمة اللهم امين
نورتينى ياجميلة واسعدنى تواجدك


********************************


سلوى
ـــــــ
وعليكم السلام ورحمة الله وبركاته
أختى الحبيبة:اهلا اهلا بالقمر
ربنا يكرمك ويتقبل دعائك اللهم امين
أشكرك جدا لتعليقك
نورتينى سلوى الجميلة واسعدنى تواجدك



*******************************


مهرة
ـــــ
أختى الحبيبة:اهلا اهلا بالقمر
ومن منا يأمن مكر الله !!
ولذلك لانملك سوى الدعاء والعمل الصالح
نورتينى ياجميلة واسعدنى تواجدك



********************************


مدونتى اسمها مرايتى
ــــــــــــــــــ
وعليكم السلام ورحمة الله وبركاته
أختى الحبيبة:اهلا اهلا بالقمر
ربنا يعزك يارب فماتوفيقى الا بالله
يارب ياحبيبتى يتقبل دعائك ويرزقنا جميعا ميتة سوية و خاتمة حسنة
نورتينى ياجميلة واسعدنى تواجدك

r يقول...

السلام عليكم
صراحه نفسى أموت فى السعوديه فى مكه او المدينه بعد الحج او العمره

الموت يمكن يكون الحقيقه فعلا الغير قابله للتزييف او المجادله بس احيان كتيره بننساها وننشغل بالامانى الاخرى الدنيويه

تذكره جميله فعلا
كل الامانى بالتوفيق وربنا يكتبلنا جميعا خير الدارين

Gannah يقول...

السلام عليكم
ازيك يا مونى
وحشتينى بس انا متبعاكى انتى وروفى وكل أصدقائى من المدونين على الريدر
جزاك الله خيرا للتذكره وجعله الله فى ميزان حسناتك
تحياتى

البيروني يقول...

بصراحة انا أقول ما قرأت أول 4 سطور حسيت أني طلعت فوق أوي و بعدين و قعت على الارض , رغم أن بداية البوست كانت شديدة أوي بس ضرورية
وعموما أنا أتمنى أني أموت و أنا أعمل أي عمل يخدم الاسلام و المسلمين
اللهم علينا الدعاء و لك الاجابة اللهم تقبل

Dr. Ibrahim يقول...

قال رسول الله صلى الله عليه وسلم (يبعث كل عبد على ما مات عليه)صحيح مسلم

وفى حديث آخر
"إعمل لدنياك كأنك تعيش أبداً و إعمل لأخرتك كأنك تموت غداً"
فالموت قدرنا وليس اختيار وليس حكرا على أحد ولا يأتى فى عمر معين ..ويجب أن نستعد له ونعمل ليوم الحساب..
-وأتمنى أن أموت على طاعة-

دمتم فى رعاية الله

أم أحمد المصرية يقول...

ربنا يحسن خاتمتنا جميعا يا حبيبتي
اما النسبة للسؤال الاجباري :
انا نفسي اموت في الحج او و انا لسه راجعة منه عشان تكون كل ذنوبي مغفورة بإذن الله
اللهم أنى أسالك ميتة سوية ومردا غير مخزى ولا فاضح

غير معرف يقول...

انا دايما دايما دايما بفكر في الموضوع ده يا منمن يا بنت الايه ^_^
ربنا يبارك فيكي
انا دعائي دايما ان ربنا يرزقني حسن الخاتمة
وليكي مني دعوة في الحتة دي كمان

مها ميهوووو

طوبه فضه وطوبه دهب يقول...

عارفه بتمنى من ربنا اموت وانا راجعه من الحج بعد ما اكون غسلت كل ذنوبى وبصلى العصر على السجاده وساجده بعد اداء الحج ياااااااااااااااه احساس مختلف اوى بفكر فيه كتير اوى ربنا يحسن ختامنا جميعا ولا يتوفانا الا وهو راضى عنا

Heba Faruq يقول...

إنا لله وإن إليه راجعون

الموت حقا خير واعظ للانسان
وهو اقرب إليه مما يتصور
ولكن للاسف يصور له غروره إنه خالد فيها واعوذ بالله من هذا الغرور

كان الرسول صلى الله عليه وسلم يستعيذ بالله من موت الفجأة
واظن ان خير الموت هو الشهادة قي سبيل الله ..يا بخت من ينولها

وربنا يرزقنا جميعا حسن الخواتيم

دمتي في كل خير

موناليزا يقول...

بسنت
ـــــــ
وعليكم السلام ورحمة الله وبركاته
أختى الحبيبة:اهلا اهلا بالقمر
ربنا يرزقنا جميعا حسن الخاتمة
أشكرك جدا لتعليقك ومشاركتك
نورتينى ياجميلة واسعدنى تواجدك


***********************************


جنة
ـــــــ
وعليكم السلام ورحجمة الله وبركاته
أختى الحبيبة:اهلا اهلا بعروستنا الجميلة
انا الحمدلله بخير ازيك انتِ ياقلبى
وحشتييييينى جدا ويارب دايما تكونى بخير
ربنا يكرمك ياحبيبتى
نورتينى وأسعدنى تواجدك جدا



*********************************


البيرونى
ـــــــ
أهلا بيك يافندم
أشكرك جدا لرايك ولمشاركتك
اللهم ارزقنا جميعا حسن الخاتمة
يسعدنا دوام التواصل


********************************


د/ ابراهيم
ـــــــــــ
أهلا بيك يادكتور
عندكحق
فسيجزى كل امرئ عما كسبت يداه
ربنا يرزقنا جميعا الموت على طاعته
أشكرك جدا لمشاركتك ولتعليقك
يسعدنا دوام التواصل


*********************************


أم احمد المصرية
ــــــــــــــ
أختى الحبيبة:اهلا اهلا بالقمر
ربنا يتقبل دعائك ويرزقنا جميعا حسن الخاتمة الهم امين
أشكرك جدا لمشاركتك
نورتينى حبيبتى واسعدنى تواجدك


*********************************


أحسن تستاهل
ــــــــــــــ
أختى الحبيبة:اهلا اهلا بالقمر
:)ماتحرمش منك يا مهاميهو ياعسولة
ربنا يرزقنا جميعا حسن الخاتمة
قلتلك انى بحبك قبل كده صح:)
نورتينى حبيبتى واسعدنى تواجدك


*********************************


طوبة فضة وطوبة دهب
ــــــــــــــــــــــ
أختى الحبيبة:اهلا اهلا بالقمر
ربنا يرزقنا جميعا حسن الخاتمة والموت على طاعته اللهم امين
أشكرك جدا لمشاركتك
نورتينى ياجميلة واسعدنى تواجدك


**********************************

هبة فاروق
ـــــــــــ
أختى الحبيبة:اهلا اهلا بالقمر
عندك حق فيه ناس كتير عندهم طول امل غريب حتى لو بلغوا من العمر ارذله!!
واحنا كمان نستعيذ بالله من موت الفجأة وربنا يرزقنا حسن الخاتمة
أشكرك جدا لمشاركتك
نورتينى هبة الجميلة واسعدنى تواجدك

Hasan يقول...

السلام عليكم ورحمة الله وبركاته

جزاكم الله الخير أختى على الموضوع الرائع ده

بجد الواحد بيفكر كويس فى الموت بس ما جتش فى بالى الطريقة اللى أموت فيها

بس أتمنه أروح لربى وأنا سعيد بنعمه على
لما يسألنى ربى ماذا فعلت بنعمة كذا و كذا
أقول فى طاعتك وخدمة الدين
وأتمنه كمان تكون خاتمتى على فرس فى وسط معركة فى سبيل الله
أو فى بيتى على فراشى
والأهم أن يكون ربنا راضى عنى
بجد ده أهم شىء فى حياتى

موناليزا يقول...

حسن غيتا
ـــــــــــ
وعليكم السلام ورحمة الله وبركاته
أهلا بيك استاذ حسن
ربنا يكرمك أشكرك جدا لرايك ولمشاركتك
اللهم ارزقنا حسن الخاتمة
يسعدنا دوام التواصل

نسيبه يقول...

السلام عليكم ورحمة الله وبركاته
جزاكي الله خيرا علي الموضوع الجميل ده
أنا طمعانه في كرم ربنا اللذي لا أستحقه بس هو كريم إني أموت بحجابي وأنا ساجده أبكي وأتضرع إليه في الحرم المكي أمام الكعبه وأدفن بالمدينه وليس ذلك علي الله بعزيز
أنا بحب ربنا أوي ومن نعمه علي أن رزقني أخت لي مثلك ربنا يبارك ليكي فيكي ويظلنا في ظله يوم لا ظل إلا ظله
بحبك في الله

موناليزا يقول...

نسيبة
ـــــــ
وعليكم السلام ورحمة الله وبركاته
أهلا اهلا بالقمر
ياحبيبتى ربنا يرزقنا قبل الموت توبة وعند الموت شهادة وبعد الموت رحمة ومغفرة
وانا كمان بشكر ربنا انه بعتلى هدية جميلة زيك
جمعنا الله فى ظله يوم لا ظل فيه الا ظله

نورتينى حبيبتى واسعدنى تواجدك