الجمعة، 1 يناير 2010

جوجو و زمردة (13)


ذهبت "زمردة" لشقيقها "جوجو" لتجده شارد الذهن وحينما سألته عن السبب قال:
- كان نفسى أوى أتولد فى أمريكا عشان يبقى معايا الجنسية.
- و دى بقى هتعمل بيها إيه؟.
- إيه يا بنتى أنتِ مش عايشة فى البلد دى ولا إيه!.الجنسية الأمريكية حاجة كده ما تتوصفش. كفاية أنى هبقى حاسس بالحماية طول الوقت. محدش يقدر يكلمنى أو بس يفكر يضايقنى أويهين آدميتى كإنسان.
- أنا عن نفسى مش متخيلة أنى ممكن أحمل جنسية تانية.
- تخيلى كده لو انتِ فى اى مكان وعرفوا جنسيتك اللى أنتِ فرحانة بيها أوى دى هيعملوا معاكِ إيه؟.
ردت بكل ثقة:- أحلى واجب طبعاً.
- مش بقولك مش عايشة فى دنيتنا دى. تعرفى أنا ناوى لما أكبر أتجوز واحدة أمريكانية عشان آخد الجنسية.
- مش يمكن لما نكبر ماتكونش الجنسية دى لها نفس الأهمية اللى بتتكلم عنها.
- إزاى يعنى؟.
- مين عارف مش يمكن جنسيتك دلؤتى تبقى أحسن جنسية لما نكبر.
- طب ياريت وأنا يعنى أكره.
لم تكمل معه الحوار ولكنها وجدت نفسها تنشد تلقائياً.
" يا أحلى البلاد يا بلادى بنادى أنا والولاد يا بلادى بنادى يا بلادى".
- تمت-.
================
دعوة للمناقشة:
ـــــــــــــــــــــــ
* هل تتمنى أن تبدل جنسيتك بأخرى ولماذا؟.
* لو هتختار جنسية تانية هتكون إيه؟.

هناك 48 تعليقًا:

Unknown يقول...

بصراحة مش عارفة

Unknown يقول...

الواحد بيتكلم من
بعيد لبعيد بس ياترى
لو اتحط فى التجربة حيوافق
فعلاً على الهجرة والتجنس بجنسية
أخرى ولا لأ؟طبعاً مش حأكذب عليك
لو الحكاية صحيح حأختار (الفرنسية
او الأنجليزية او السويســرية أو الألمانية أو الامريكية)بالترتيب
كدا؟

Unknown يقول...

عـام جديد
سعيد عليكِ
يامونى يارب.

Mona Shereif يقول...

لالالالالالالالالالا ابدا
لو لم اكن مصريا لوددت ان اكون مصريا

يمكن برضه انا عايشه فى دنيا غير الدنيا دى
:D

Unknown يقول...

ايه دا؟!
انا اول
وتــانى
وتالت
تعليق
عندك يامونى
وفى الساعات
الأولى من السنة
الجديدة :)لا معلش
دا عاوز زغــروطة
لولولولوىىىىىىىىى

Mahmoud Ahmed يقول...

السلام عليكم
و الله انا ما فارقه معايا اي جنسيه خالص
اصلوا تقدري تقولوا كلوا محصل بعضه
يعني هو لو خادها و راح هناك هيسلم يعني من التفرقه العنصريه ؟؟؟

.....

للتذكره :
جاء في البخاري أن
رجلان من المهاجرين والأنصار تشاجرا
فَقَالَ الأَنْصَارِىُّيَا لَلأَنْصَارِ. وَقَالَ الْمُهَاجِرِىُّيَا لَلْمُهَاجِرِينَ
فَسَمِعَ ذَاكَ رَسُولُ اللَّه صلى الله عليه وسلم فَقَالَ
مَابَالُ دَعْوَى جَاهِلِيَّةٍ
قَالُوا يَا رَسُولَ اللَّهِ كَسَعَ رَجُلٌ مِنَ الْمُهَاجِرِينَ رَجُلاً مِنَ الأَنْصَارِ .
فَقَالَ
دَعُوهَا فَإِنَّهَا مُنْتِنَةٌ
فذكر النسب أو الوطن
على سبيل الإفتخار والتكبر على الآخر
من دعاوى الجاهلية التي أبطلها الإسلام

قال رسول الله صلى الله عليه وسلم
لا فضل لعربي على أعجمي ولا لعجمي على عربي
ولا أبيض على أسود ولا أسود على أبيض
إلا بالتقوى الناس من آدم وآدم من تراب

وقال الله تعالى
إِنَّ أَكْرَمَكُمْ عِندَ اللَّهِ أَتْقَاكُمْ
( الحجرات : 13 )
فالأكثر تقوى هو الأكرم عند الله ولو كان عبداحبشيا
والأنساب لا تغني شيء عن العبد

>>>>

Mahmoud Ahmed يقول...

كلمه لأختي norahaty
-----------------

لا يجوز ان تهنئي احدا بأعياد ليس خاصه بالمسلمين لأنك كده بتعترقي بيها
و ادعوكي لزياره هذا الموضوع

http://islamblog-spiderman.blogspot.com/2009/12/blog-post_31.html

Unknown يقول...

لو سمحتى يامونى
ارد بكلمة:
هو عام جديد
وليس عيّــد
عام جديد أتمنى فيه
الخير لنفسى وللدنيا كلها

موناليزا يقول...

نوراهاتى
ــــــــــــ
أختى الحبيبة:اهلا اهلا بالقمر
إختيارات كثيرة ومميزة:)
يارب يكون عام جديد سعيد علينا جميعا
وأحلى زغروطة لأجمل نور
لولولولولى:)
أى خدمة:)
نورتينى ياجميلة ويسعدنى وجودك دائما

ملحوظة: سبايدر مان يوجه إليكِ رسالة فى تعليقه
***********************************




ساعات ساعات
ــــــــــــ
أختى الحبيبة:اهلا اهلا بالقمر
:) أهو ده الكلام
نورتينى منمونة الجميلة واسعدنى تواجدك




*********************************






المدونة الاسلامية سبايدر مان
ـــــــــــــــــــــــــــ
وعليكم السلام ورحمة الله وبركاته
أهلا بيك يادكتور
وليه ماتقولش انه عايز ياخدها عشان يلاقى الاحترام فى بلده!

أشكرك جدا على هذه التذكرة الغالية ولكن حكومتنا لا تعترف إلا بالمحسوبيات والوسايط والجنسيات الاجنبية للاسف:(
---
رغم ان الكلام لنور بس اسمحلى أقول
طبعا انا متفقة معاك فى انه لا يجوز تهنئة غير المسلمين بأعيادهم
ولذلك أتعجب من رسالتك لنور لأنها توجه لى التهنئة بالعام الجديد!!
فهناك عاما انتهى من حياتنا جميعا فى نفس اللحظة وعاماً آخر بدأ
فما المشكلة إذن فى قولنا لبعض" كل سنة وأنت طيب"

أشكرك جدا لمشاركتك
يسعدنا دوام التواصل

آخر العنقود يقول...

بصراحة انا مش تخيلت نفسي اكون غير مصرية ابدا
وواضح ان انا كمان زيكم مش عايشة فى الدنيا
يلا بجملة الحاجات اللى بيقولولى عليها بانى مش عايشة فى الدنيا

صحيح دنياااااااااا :)
ربنا يسعدك يامنمن يارب
دعواتك ياجميل :)

Dr. Ibrahim يقول...

:)
هيا أحلى البلاد أه بس العيب مش على البلد:)
وأكيد دا حلم معظم الشباب الوقتى انه ياخد الجنسية الأمريكية أو يعد على النت عشان يتكلم مع واحد أمريكانية يتجوزها ويسافرلها (وهم طبعاً)أو يسافر وياخد الجنسية هناك دا إن سافر اصلاً ولكن محدش هيعرف قيمة البلد دى الا لما يسافر ويشوف الذل هناك فى أى بلد...لون ان فيه ناس عايزة تشوف الذل بره ولا يعيش هنا للى بيشوفوه ..
وحسبنا الله ونعم الوكيل

Unknown يقول...

هو انا أقدر ابدل جنسيتي الفلسطينية !
انا بحمد الله اني ولدت فلسطيني وعشت فلسطيني وباذن الله اموت شهيد بفلسطين الحبيبة

يسلموا موناليزا لأبداعك

mohra يقول...

للاسف يفكر الكثير هكذا اليوم ...لا اريد ان اقول الجميع
لم استطع يوما ان اهضم هذا و لا ان اتعاطف مع العقول المهاجره
لو فكر الكل بهذه الطريقه فكيف ستتقدم هذه البلاد يوما
اقرأ هذه الايام سفينه نوح و هى تتحدث عن حلم الهجره و الجنسيه..الحلم الامريكى
اظن انها قد تعجبك ..لكنى لم انهيها بعد

romansy يقول...

صعب قوى لما الانسان اتعود على كل حاجه فى بلده وبقت دمه
صعب قوى قوى الانسان يغير دمه
انا عن نفسى مقبلش

Mahmoud Ahmed يقول...

لو تسمحولي بتوضيح نقطه
_____________________

المشكله ان ده مهما كان هو عيد ليس خاص بالمسلمين

سواء كان بدايه سنه جديد

و لكنه في الآصل اسمه عيد ( الكريسماس )

و تهنئه شخص عليه هو اعتراف منك بهذا العيد

و هذا خاطـــــــــــئ

......

نقطه ثانيه

حتي تهنئه المسلمين لبعضهم في رأس السنه الهجريه ليس بصحيح

فهو ليس عيد ايضا

و اتفق كل الائمه على ذلك

و قالوا انك لا تبدأ اي شخص بالمباركه بالعالم الجديد

و لكن اذا هو بدأك بذلك

فقل له ( و لك مثل ما قلته لي )

اعياد المسلمين هي فقط :
1- عيد الفطر
2- عيد الأضحي

......

يعني اذا كان تهنئه المسلمين لبعضهم بالعام الهجري غلط ، فما بالك بتهنئه المسلمين لبعضهم بالعام الميلادي ؟؟؟؟

أميرة يقول...

ساعات بنقول اي عيشة واي دنيا واي مكان غير مكانا يمكن يبقي احسن

كتير بنكون غلطانين بس في امل بردة نطلع صح!!

يمكن ...

الحمد لله علي كل حال

البلد دي طيبة و خيرها كتير بس خيرها مش لأهلها علشان الساكت عن الحق شيطان اخرس .. والصراحة لو نطق هيقطعوله لسانه .. فلهم ولناالله مين عارف يمكن بكرة يطلع احسن

انا نفسي اهاجر اي مكان في الدنيا .. بس الاقي فيه اربع حيطان في امان و لقمة حلال و الباقي هو هو متساوي في اي ارض باي مكان
ياريته ينفع في يوم ...
الحمد لله علي كل حال

بس بصي ... علشان عقدة الخواجة ..

يكفيني شرفا و فخرا اني بأكل الناس اللي بتدوروا علي جنسيتهم دي ..

مش بأكلهم من خيري يعني .. انا اقصد هما بياكلوا من خير الارض دي .. و بنوصلهم الطلب هوم ديليفري .. بيأكلوا انضف من انضف اكل بياكله اكبر حد فيكي يا مصر .. عارفة ليه؟؟ علشان بيدفعوا تمن الاكل دا وبيدافعوا عن حقهم في انهم ياكلوا اكل بني ادمين .. مفيهوش مبيدات ولا حشرات ولا ذرة تراب و يوصلهم الاكل مفيش ايد لمسته .. مهما سمعتي عن هجص في ان الكلام دا بيحصل للمنتج المصري المحلي.. كذب وبتكلم تحديدا عن الحاصلات الزراعية .. اللي بينزل للمصريين اسوء درجات و فرزة الفرزة ودا في احسن واغلي السوبرماركتس

خيرنا عليهم بردة و لو بس يبقي عندنا حبة كرامة شوية هتبقي احسن الناس ولا هندور علي جنسية غربية ولا هنتداري ورا حد يدافعلنا عن حقنا

خدي بس انتي بالك من نفسك و ربنا يباركلك :)

salma mohamed يقول...

والله يا موني مش عارفه,
انا اصلا اتولدت وعشت نص عمري بره مصر,
ومش حاسه انها فارقه اوي,بس اكيد الخير ربنا قدرهولي يمكن كانت تقابلني صعوبات اكتر من اللي بقابلها في بلدي لو كنت جنسية تانية,يمكن كنت ابقى امريكية وافتن في ديني او مبقاش مسلمه اصلا,وممكن كنت ابقى في بلد افقر من مصر واموت في مجاعه(:
ويمكن بقى اكون في بلد فيها حرب ويموت اهلي كل يوم وما اقدرش اصبر على الوضع فاكون ساخطه؟؟
من الاخر لا اتمنى غير ما قدره الله لي.

لجين أبو الدهب يقول...

لا مش للدرجة دى

انا صحيح مش طايقها ولا طايقة السرقة والروتين والظلم والكوسة اللى فيها

مش طايقةمهاجمة الدين منها

بس بحبها برده

بدليا لما تيجى اى حاجة وطنية كده عينى تدمع

بدليل لما رحت بلد تانى ولقيت واحدة فيهم بتتكلم عن مصر بشكل مش حلو اكلتها اكلا ضارما ..


بلدنا واتولدنا فيها وفعلا حبها بيجرى فى الدم غصب عنا ..

ما اتمنش اغير جنسيتى ابداا

بس اتمنى برده جنسيتى تُحترم فى كل البلاد
ما تكونش اكتر جنسية مهانة

موناليزا ..
لو سألتك انت مصرى تقولى ايه
اقولك انا لجين D:

بحبك فى الله ..

طوبه فضه وطوبه دهب يقول...

لا اريد ان تتبدل الجنسيه ولكن كل ما اتمناه فى العام الجديد ان يتبدل حال اصحاب الجنسيه لنعود كما كنا اسياد العالم لا مجرد متفرجين ومشجعين لا نتحكم حتى فى قراراتنا تسلم ايدك

طبيبك الخاص يقول...

ماحدش يقدر ينكر ان امريكا واوربا سابقينا بلالاف الخطوات

لكن مش معني كده ان اتمني ان تتبدل جنسيتي

الحمد لله ان اتولدت في مصر

وبرده مش معني كده

انا بلدنا احسن بلد

بس دا حب فطري اتولدت عليه ان احب بلدي

(Joudy) يقول...

شوفى يا مونى الواحد بيحلم بالسفر ويعيش بره وكده علشان يتمتع بس بجد حقيقى لما بس بيخرج منها بيبقى الشعور مختلف ده أنا لما بخرج بره بتنا مش بحس بالأمان ما بالك لو خرجت بره بلدى

وطبعا مش هيكون فى جنسية تانية أتمناها غير جنسيتى

دمتى بكل الخير والسعادة

Cute Kitty **sookra يقول...

ان كان عليا موش هاغير جنسيتى بس هاغير البلد اللى عايشه فيها وانا جديره ان اخلى اى حد يحترمنى مهما كانت جنسيتى او لونى
افكارك حلوه يامونا
تحياتى

*همسة حب * زوزو يقول...

بداية وحشاني اوي يا حبيبتي
الموضوع جميل
عن نفسي متمناش اننا احصل على جنسية تانية
افتخر واعتز بجنسيتي المغربية
بس احتمال مستقبلا اخذ الجنسية الالمانية باعتبار جوزي الماني و اقامتي في المانية
بس حتفضل كجنسية ثانوي و طبعا ويبقى الاصل اننا مغربية بكل فخر و حب اذكر ان حب الاوطان من الايمان
تحياتي

الطالبة عفو الله

كلمات من نور يقول...

ـــــــــــــــــــــــ
* هل تتمنى أن تبدل جنسيتك بأخرى ولماذا؟.
* لو هتختار جنسية تانية هتكون إيه؟.
---------------------

أبدل جنسيتي لا ابدا وكلا البتة ...أنا زوجي كل سنة يقولي حضري الاوراق نهاجر كندا و أنا أقوله : كندا؟؟؟؟؟؟؟ طيب و أمي و أمك و أخواتي و أهلي وحبايبي وصحابي والمجتمع والناس؟ احنا عندنا أربعة من البنين عايزيهم يتربوا على عادات وتقاليد ضياع في ضياع ..انسى يا عمرو....مع اعتذراي للإعلان...بس أنا نفسي يا موناليزتي هويتي تكون مسلمة مصرية مش مصرية مسلمة علشان إحنا من بعد ما نسينا كلمة الدول الإسلامية وبقينا وطن عربي ودول عربية واحنا ضايعين عن الرحاب الرباني.وحشتيني

موناليزا يقول...

اخر العنقود
ــــــــــــ
أختى الحبيبة:اهلا اهلا بالقمر
ربنا ييسرلك جميع امورك
وأشكرك جدا لمشاركتك الوطنية)
نورتينى ياجميلة واسعدنى تواجدك


**********************************

د/ ابراهيم
ـــــــــــــ
أهلا بيك يادكتور
ده حقيقى
وعشان كده عايزين ياخدوا اى جنسية تانية عشان لما ييجوا بلدهم يلاقوا الاحترام الآدمى
أشكرك جدا لمشاركتك
يسعدنا دوام التواصل

**********************************

مستر/ حازم
ـــــــــــ
أهلا بيك استاذ حازم
أشكرك جدا لرايك و لمشاركتك
يسعدنا دزام التواصل

********************************

مهرة
ــــــ
أختى الحبيبة:اهلا اهلا بالقمر
تفكيرك منطقى جدا أحييكِ عليه
وأشكرك على اسم الكتاب وسأبحث عنه
نورتينى ياجميلة واسعدنى تواجدك

***********************************

رومانسى
ــــــــ
أهلا بيك يافندم
هو فعلا صعب بس مش مستحيل:)
أشكرك جدا لمشاركتك
يسعدنا دوام التواصل

********************************

المدونة الاسلامية سبايدر مان
ـــــــــــــــــــــــــ
أهلا بعودتك يادكتور
لاشك فى اتفاقنا معك فيما تقول
ولكن هذا إذا اعترفنا ان هذا عيد اسلامى ولكن هذا لم ولن يحدث
فلغويا كلمة عيد تعنى يوم الفرح والبهجة ولذلك يطلق على اى مناسبة سواء وطنية (عيد النصر) او اجتماعية(عيد الام)
فالحرمانية بالاحتفال مع غير المسلمين بأعيادهم لكن جملة"كل سنة وانت طيب" اللى بنقولها فى اى مناسبة حتى
لو كانت انتهاء طالب من امتحاناته
ماوردتش أنها حرام
هذا والله اعلم
أشكرك جدا لمتابعتك ويسعدنا دوام التواصل

***********************************

أليس فى بلاد العجائب
ـــــــــــــــــــــ
أختى الحبيبة:اهلا اهلا بالغالية
عجبنى ردك جدا ونفسى بجد كل مسئول يقرأه
ربنا يعزك ياحبيبتى ومايحرمنيش منك ابدا
نورتينى ياجميلة واسعدنى تواجدك

**********************************

سلمى محمد
ـــــــــ
أختى الحبيبةاهلا هلا بالقمر
تفكير عقلانى جدا:) أحييكِ عليه
نورتينى سلمى الجميلة واسعدنى تواجدك

*******************************

لجين ابو الدهب
ــــــــــــــ
أختى الحبيبة:اهلا هلا بالقمر
:)يعنى نظام أنا ادعى على ابنى واكره اللى يقول آمين
تعرفى ان الغالبية العظمى كده
نقطة ضعفنا هى مصر مهما يحصل
:) كلنا نتمنى هذا
أقول أنا مصرى وابويا مصري وكل مصرى الله عليه:)
نورتينى لوجى الجميلة واسعدنى تواجدك

**********************************

طوبة فضة وطوبة دهب
ـــــــــــــــــــ
أختى الحبيبة:اهلا اهلا بالقمر
وما اجمله من تمنى نرجو من الله ان يتحقق قريبا
نورتينى ياجميلة واسعدنى تواجدك

********************************

طبيبك الخاص
ـــــــــــــ
أهلا بيك يادكتور
صح جدا انه حب فطرى
أشكرك جدا لمشاركتك
يسعدنا دوام التواصل

*********************************

جودى
ـــــ
أختى الحبيبة:اهلا اهلا بالقمر
اه ولله عندك حق
نورتينى ياجميلة واسعدنى تواجدك

*********************************

سكرة
ــــــ
أختى الحبيبة:اهلا اهلا بالقمر
أشكرك جدا لرايك ولمشاركتك
نورتينى سوكا الجميلة واسعدنى تواجدك

*********************************

زينب معزوز
ـــــــــــ
أختى الحبيبة:اهلا اهلا بالقمر
وحشااااانى جدا جدا
فينك من زمان
يارب تكونى بخير
أشكرك جدا لمشاركتك ولانتمائك
نورتينى زيزى الجميلة واسعدنى تواجدك

*********************************

كلمات من نور
ــــــــــــــ
أختى الحبيبة:اهلا اهلا بالغالية
كندا!!
طب اشمعنى كندا بالذات؟؟
أحييكِ على انتمائك
تعرفى مش فارق معايا الترتيب بس يفرق ان الاسلام يعترف بتعاليمه بجد
نورتينى يا جميلة ووحشتينى واسعدنى تواجدك

شمس النهار يقول...

لا طبعا مااحبش اغير جنسيتي
اعتز جدا بمصريتي
كفايه اني بنت حضاره كبيره
شعب معروف اصله وفصله
جنسيتي مااتبنتش علي جثث شعب بحاله
اقصد هنا الامريكان
امريكا بنيت علي جثث الهنود الحمر

واكتاف الافريقيين اللي سرقوا من افريقيا واستعبدوهم ليبنوا لهم بلادهم

امريكا بلد بلا اصل
فهل استبدل اصلي بمن لا اصل له

ماطار طير وارتفع الا كما طار وقع

سلامي

sakayar يقول...

السلام عليكم ورحمة الله وبركاته
والله السؤال ده أصبح صعب بشكل غريب
يعني الطبيعي لو واحد جه يقوللي تحب تغير ديانتك؟ فطبيعي هفتح عيني وأقول بملء الفم لأ طبعاً انت بتتكلم ف ايه؟
أظن ان الأرض والبلد ليها حق قريب من ذلك .... لكن الايمان الداخلي جوانا اللي أصبح أضعف ما يكون في الانتماء وحب البلد ... اللي تعتبر أرض الانسان اللي لو قاتل علشانها يموت شهيد ... أصبحت بتخلينا مش عارفين احنا نتمنى نكون من البلد دي ولا لأ ... خصوصاً للظروف السيئة اللي بنعيش فيها ف أغلب المجالات
كان فيه شخصين أدامي بيتكلموا واحد مصري والتاني خليجي - بما إني قاعد ف الخليج حالياً - واحد فيهم بيقول للتاني مش عاوز تاخد الجنسية المصري؟؟ رد الخليجي وقال له : كانت نفعتك انت الأول علشان تنفعني
استشفيتي حاجة حضرتك م الجملة دي؟
ومع ذلك أقدر أجاوب حضرتك ... أنا بلدي مصر - أرض مسلمة - لا أحب أبداً تغيير جنسيتي بأي جنسية كانت ... صعب الانسان يقتلع جذوره ويصبح بلا أصل
تحياتي على جوجو وزمردة اللي بحب نقاشهم دايماً
:)

ذكرى رحيل قلم يقول...

السلام عليكم
كل سنة وانت بخير
انا بصراحة بحب ان اون مصرية عشان انا مجربتش حاجة تانية ومعرفش غير مصر
ام الاسلام
والحمد لله
لكن بحب السفر وكان نفسي اسافر

بس مش امريكا
دمتي

غير معرف يقول...

السلام عليكم

باختصار شديد
بلدي ولو جارت عليه عزيزة

لا أريد غير مصر وطناً لي مهما كانت الأسباب والقضايا والأفكار وأي شيء

مصر هي وطني

مشكورة على الطرح الهام

البيروني يقول...

والله الارض كلها أرض الله
فطالما كنت محافظا على دينك و هويتك لا يؤدي هذا للوقف ضد مصالح بلدك و أمتك
فأظن أنه لا مانع
و ان كنت مخطأ أرجو الصواب
جزاكم الله خيرا على الموضوع الهام و الحيوي

حصان المرجيحة يقول...

الموضوع ماجاش اصلا في دماغي
يمكن علشان حاسس ان الموضوع صعب
او مش هو البديل للي احنا فيه
و يا رب ما نوصلش للدرجة دي

المسلم الصغير يقول...

السلام عليكم ورحمة الله وبركاته...
بصراحة مش عارفة بس كل اللى ابتمناه ان حال بلدنا ينعدل شوية يبقى البنأدمين ليها قيمة وليها احترامها في بلدها وفي أي دولة اخرى وما يتعملش فينا ذي ما أتعمل في المصريين في الجزائر يا ريت نرجع ذي زمان وعام جديد سعيد على حضرتك
دومتي بخير

موناليزا يقول...

شمس النهار
ــــــــــ
أختى الحبيبة:اهلا اهلا بالقمر
أحييكِ جدا على انتمائك واشكرك لمشاركتك
نورتينى شموسة الجميلة واسعدنى تواجدك


**********************************

سكاير
ــــــ
وعليكم السلام ورحمة الله وبركاته
أهلا بيك يافندم
بغض النظر عن اللى استشفيته من جملة الخليجى للمصرى بس اجابته وجعتنى
أحييك جدا على انتمائك واشكرك لمشاركتك
رأيك فى جوجو وزمردة يسعدنى جدا:)
يسعدنا دوام التواصل


*********************************

ذكرى رحيل قلم
ــــــــــــــ
وعليكم السلام ورحمة الله وبركاته
أختى الحبيبة:اهلا اهلا بالقمر
طب تحبى تسافرى فين؟
أشكرك جدا لمشاركتك
نورتينى ياجميلة واسعدنى تواجدك


*********************************

أحمد شريف
ـــــــــ
وعليكم السلام ورحمة الله وبركاته
أهلا بيك استاذ أحمد
أحييك على انتمائك واشكرك جدا لمشاركتك
يسعدنا دوام التواصل

**********************************

البيرونى
ــــــ
أهلا بيك يافندم
أحييك على صراحتك و أشكرك جدا لرايك ولمشاركتك
يسعدنا دوام التواصل


**********************************

حصان المرجيحة
ـــــــــــــ
أهلا بيك يافندم
أشكرك جدا لتعليقك
يسعدنا دوام التواصل

*******************************

المسلم الصغير
ـــــــــــــ
وعليكم السلام ورحمة الله وبركاته
أختى الحبيبة:اهلا اهلا بالقمر
كلنا نرجو هذا ونتمناه:)
نورتينى ياجميلة واسعدنى تواجدك

اقصوصه يقول...

اممم

الموازين تتغير

وما في شي يبقى علا حاله

الجنسيات اللي نشوفها قويه اليوم

بتلف الايام وبتكون جنسيات ماتسوى

والعكس صحيح :)

Nostor Azzuro يقول...

والله مش فارقة

كلنا عباد الرحمن

Ahmad يقول...

* هل تتمنى أن تبدل جنسيتك بأخرى ولماذا؟.

نعم وبكل تأكيد ... اتمني ذلك
لماذاا لاتعليق
* لو هتختار جنسية تانية هتكون إيه؟.
الكندية
او
الامريكية
تحياتي
احمد

أم أحمد المصرية يقول...

انا من انصار زمردة طبعا
انا متخيلش نفسي غير مصرية اسكندرانية يا بنتي دا انا لما سافر اصيف خارج اسكندرية بتوحشني جدا
بلدي و ان جارت علي عزيزة
و اهلي و ان ضنوا علي كرام
علي فكرة انا وعيت علي الدنيا و انا و اسرتي بره مصر في بلد عربي كانت علاقاتنا معه وقتها مش ولابد و طبعا ده كان مأثر علب بابا و ماما في عملهم و فاكرة جدا و بابا بيقول اتمشي علي الكورنيش و في جيبي عشرة صاغ اكرم لي و فعلا اصر بعدها علي النزول رغم محاولات جميع الاصدقاء اقناعه لبقا لجمع مزيد من المال
ملحوظة
لو لم اكن اسكندرانية لوددت ان اكون شرقاوية
فأنا احب جدا طباع الشرقاوية
ابعد من كده ما ينفعش :))

طهر فؤادك يقول...

السلام عليكم ورحمة الله وبركاااتة ؟

ربنا يكرمك يارب والمسلمين ويجزيكى خير على مواضيعك الجميلة المتجددة المتدفقة دايما بأفكار ماشاء الله عليهاااا ..

- اما بالنسبة للجنسية فربنا كتبلنا اننا نكون مصريين وبنعتز بدة وربنا بس يكرمنا ويزيح عنا الابتلاء دة ان شاء الله وداعوا وقولوا امين امين امين يارب العالمين

حصان المرجيحة يقول...

امبارح سمعت تعليق لذيذ من واحد في الشارع
كان بيقول : لو لم اكن مصريا يبقي إشطة اوي
ههههههههه
و اسمحيلي اضيف مدونتك في المدونات الصديقة عندي علشان اتابع اخبارها يوميا

salwa يقول...

السلام عليكم اخت موناليزا
دااااائما مقالاتك مميزة
تسلم يدك
انا صراحة لا اريد تغيير جنسيتي
و ليعمل كل منا على اصلاح نفسه و بالتالي يصطلح المجتمع و الوطن
و فقنا الله
سلاااااااااااااام

موناليزا يقول...

أقصوصة
ـــــــــ
أختى الحبيبة:اهلا اهلا بالقمر
" وتلك الأيام نداولها بين الناس"
أشكرك جدا لتعليقك
نورتينى ياجميلة واسعدنى تواجدك


**********************************


نوستور ازور
ـــــــــــــ
أهلا بيك يافندم
أحييك على صراحتك وأشكرك لمشاركتك
يسعدنا دوام التواصل


**********************************

أحمد
ـــــ
أهلا بيك استاذ أحمد
أحييك على صراحتك وأشكرك لمشاركتك
يسعدنا دوام التواصل


********************************


أم أحمد المصرية
ــــــــــــــــ
أختى الحبيبة:اهلا اهلا بالقمر
كنت واثقة من إجابتك فاسمك خير دليل"المصرية":)
وفعلا والدك عنده حق لان فى اى بلد تانية لازم تبقى ماشية ومعاكِ الاقامة والبطاقة لكن فى بلدنا مش محتاجة إقامة أمشى بيها ودى أبسط حاجة
نورتينى ياجميلة واسعدنى تواجدك


********************************


طهر فؤادك
ــــــــــــ
وعيكم السلام ورحمة الله وبركاته
أهلا بيك يافندم
ربنا يعزك يارب فماتوفيقى الا بالله
أشكرك جدا لمشاركتك
وبنأمن على دعائك طبعا
ربنا يرفع عنا البلاء
يسعدنا دوام التواصل


**********************************


حصان المرجيحة
ــــــــــــــ
أهلا بيك يافندم
:) نعليق مميز فعلا
يافندم ده شئ يسعدنى جدا
أشكرك جدا لمشاركتك
يسعدنا دوام التواصل


***********************************


سلوى
ــــــ
وعليكم السلام ورحمة الله وبركاته
أختى الحبيبة:أهلا اهلا بالقمر
أشكرك جدا لرايك ولمشاركتك
نورتينى سلوى الجميلة واسعدنى تواجدك

غير معرف يقول...

عايزة ابقى مصرية بس مصرية واحدة تانية
في مصر التانية خالص دي عارفاها؟

مها ميهوووو

غير معرف يقول...

مصرية للأبد

سامر محمد عرموش يقول...

الاخت الكريمة مونوليزا
موضعك جميل ولي فيه قصة
اسمحي لي ان اقصها
بوصفي فلسطيني وقصة الفلسطينين معروفة للكل كنت من الذين يقفون ضد التجنس باي جنسية اخرى والتخلي عن الجنسية الفلسطينة وذلك لاسباب كثيرة وشعارات جمة ومع امكانية اخذ الجنسية الكندية وغيرها رفضت ذلك بشدة بداعي القومية والعروبة وما الى ذلك من شعارات وبقية بجنسيتي الفلسطينية ولكن في مكاني لا استطيع ان اضيف اي شيء او اعمل اي شيء فانا ممنوع من دخول معظم البلاد العربية مثلي مثل اي فلسطيني اخر وايضا لا يمكنني بسهولة التوجه الى اي دولة اوروبية
وفي نفس الوقت اجد زملائي الذين كنت اعارضهم لمحاولتهم الحصول على جنسيات اورورببة او امريكية بحال افضل مني فمنهم من قدم الكثير لصالح الوطن لسهولة تنقله ومنهم من ساهم في مشاريع الاعانات الوجهة الى الوطن ومنهم من زار الوطن وقدم الكثير
وهنا ادركت ان الموضوع ليس ورقة مكتوب عليها جنسيتك المهم ما تحمل في داخلك ومن تكون
تحياتي

P A S H A يقول...

لأ لأ لأ

مصر هاتفضل غالية عليا

:))


(مش عارف لحد إمتى بصراحة ؟)هههههههه

سلام

موناليزا يقول...

أحسن تستاهل
ــــــــــــــــ
أختى الحبيبة:اهلا اهلا بالقمر
:) طبعا عارفاها
نورتينى مهاميهو الجميلة واسعدنى تواجدك

*********************************

سونيت
ــــــ
أختى الحبيبة:اهلا اهلا بالقمر
أحييكِ على انتمائك واشكرك لمشاركتك
نورتينى ياجميلة واسعدنى تواجدك

********************************

سامر محمد عرموش
ــــــــــــــــ
أهلا بيك استاذ سامر
أشكرك جدا على قصتك وأحييك على مشاركتك
يسعدنا دوام التواصل


*********************************د


باشا
ـــــ
أهلا بيك يافندم
:) بإذن الله على طول
أحييك على انتمائك وأشكرك جدا لمشاركتك
يسعدنا دوام التواصل

rovy يقول...

السلام عليكم اختى الحبيبه ..
موضوع متميز كعادتك و الحقيقه انا بأحب بلدى جدا .. و مهما حدث لا ارضى ان اغيرها ابدا .. فكم انا فخوره بمصريتى برغم كل شىء .. مصر هى مصر لكن اللى اتغير الناس .. ياريت نرجع تانى .. المصرين الجدعان الطيبين بتوع زمان ..

تحياتى لكى اختى الغاليه دوما

موناليزا يقول...

روفى
ــــــ
وعليكم السلام ورحمة الله وبركاته
أختى الحبيبة:اهلا اهلا بالقمر
ربنا يعزك يارب فماتوفيقى الا بالله
أحييكِ جدا على إنتمائك لوطننا الغالى
نورتينى روفى الجميلة واسعدنى تواجدك