الثلاثاء، 26 يناير 2010

فن المواساة

أتعجب ممن تذهب لمواساة أم سُرق رضيعها بعد أيام من ولادته.
فتقول لها: إعتبريه مات!.
وحينها لا أتعجب إذا ما تمنت هذا الأم المكلومة أن تتذوق من قالت لها هذا من نفس الكأس لعلها تشعر بمرارة ما تشعر به.
ولذلك أردت أن ألفت الإنتباه لمن يتعامل مع المهموم عليك أن:
- تهون عليه بكلمات مبشرة ومليئة بالأمل.
- قد يعلم المهموم أن الأمل ضعيف ولكنه يتمسك به فلا تقطع رجاءه بكلامك الواقعى.
- لا يحتاج المهموم أن تحكى له حكايات وقصص الآخرين ..إنه يريدك أن تسمعه وتصدق إحساسه بأن همه سيزول قريباً وإذا كنت ستتحدث ففكر معه بصوت عالى لكيفية إزالة ما به.
- لا تدعه يجلس بمفرده طويلاً.
- فاجئه برحلة ترفيهية لأى مكان يحبه أو مكان جديد المهم أنه يغير جو حتى لو غصب عنه.
-لا تجعله أو تجبره يزور أحد حتى يغير جو لأن زيارة الآخرين واجب إجتماعى ولها أصول.
- مراعاة حالته النفسية وأنه ربما لا يقابل زائريه ولكن تأكد بعد مرور الأزمة سيتذكر من كان يهتم به ويسأل عنه حتى لو لم يقابله.
- لا تبخل عليه بمكالمة يومية حتى لو لم تجد كلام تقوله فيكفيه مشاركتك وإحساسك به. حتى لو لم يرد
- إرسل له سواء على موبايله أو على إيميله رسائل مكتوبة منك له وليس مجرد رسائل عندك ترسلها للكثيرين.
- المهموم كالمريض ولكنه بلا دواء يتجرعه سوى الصبر ولذلك فهو يحتاج إلى التدعيم والرعاية والاهتمام مهما كان عمره أو مكانته الإجتماعية.
- لا تلقى عليه دعابات سخيفة أو تستظرف عليه لأنه مش هيكون متحمل حاجة ده غير إحساسه بأنك فايق وفاضى وجاى تضيع وقتك وتتسلى عليه.
- لا تقلل من شأن همه وكأنه أمر بسيط فلا يشعر بالجرح إلا من به ألم ولا يشعر بالنار إلا ماسكها.
- لا تكن حِملاً عليه بأسلوبك حتى لا يتمنى إنتهاء زيارتك له سريعاً.
- تأكد أن زيارة منك غير متوقعة له ستفرق معه كثيراً.
- كن حضناً دافئاً يضع رأسه بداخله ويجد زراع تحيطه بقوةوكف يربت بحنان.
- إسأل دائماً عن أحواله ولا تحاول جعله يتكلم عنوة. إذا تكلم هو بمفرده فاسمعه وإذا لم يتكلم فلا تحاول فتح جرح يحاول أن يتناساه.
- لا تتحدث معه فى مواضيع لا تخصه لأن هذا لا يعنيه فمشكلته من وجهة نظره هى محور الحياة ولا يرى أهم منها. ولكن اختار الموضوع الذى يهواه ويريد التحدث فيه وهذا المفروض إنك تعرفه سابقاً بحكم معرفتك به.
- لا يحتاج إلى اللوم أو العتاب بقدر ما يحتاج إلى المساعدة حتى ولو لم يطلبها.
- ضع نفسك مكانه حتى تراعى كلماتك معه جيداً.
- لا تحمله فوق طاقته بعتابك المستمر وكأنه السبب فيما حدث فلا يوجد إنسان عاقل يتحمل فكرة أنه ساعد فى فقد غالى لديه.
- لا تتجاهل ماهو فيه بل تحدث معه فيما يعانيه وإذا بكى لا تمنعه لعل بكائه يزيل قليلاً مما يحمله.
- وأخيراً قل لصاحب الهموم بأن همك لا يدوم مثلما تفنى السعادة هكذا تفنى الهموم.




سؤال جانبى:
ــــــــــــــــــــ
* إيه أكتر حاجة بتحتاجها من اللى حواليك لما بتكون حزين؟.

هناك 52 تعليقًا:

إبتسامة ملاك يقول...

السلام عليكم

إزيك حبيبتى
يارب تكونى بألف خير

صباحك سكر
أروح أقرء وارجع

إبتسامة ملاك يقول...

انا مش بحب الناس اللى بتجامل ولا بتواسى على فكره
فى كتير اووى بيحبو يشمتو فيك وعملين حبابيب
ربنا يبعدنا عنهم يارب ويكفينا شرهم
بجد موضوع جميله وهادف ياريت كلنا نتعلم منه
***************

* إيه أكتر حاجة بتحتاجها من اللى حواليك لما بتكون حزين؟.

بصراحه بحب اكون لوحدى لانى اتعودت على كده
مافيش احسن من اللجوء لربنا احسن من اى شىء

تحياتى لحضرتك

الشعب لابد له من حكومه تشكمه يقول...

بتلمسنى اوى بوستاتك لانها بتتحس.

بالنسبه لسؤالك اكتر حاجه بحتاجها:
هم ممكن يبانوا عكس بعض:) بس بحتاج:
الاهتمام والصمت

موناليزا يقول...

ابتسامة ملاك
ـــــــــــــ
وعليكم السلام ورحمة الله وبركاته
أختى الحبيبة:اهلا اهلا بالقمر
أنا الحمدلله بخير ماتحرمش من سؤالك
==
للاسف من ده كتييير
أشكرك جدا لرايك ولتعليقك ولمشاركتك
نورتينى انوسة الجميلة واسعدنى تواجدك






*********************************





الشعب لابد له من حكومه تشكمه
ـــــــــــــــــــــــــــــ
أختى الحبيبة:اهلا اهلا بالقمر
:) ربنا يكرمك يارب فماتوفيقى الا بالله

ايوة عارفاه انا الشعور ده:)

نورتينى شيما الجميلة واسعدنى تواجدك

كلمات من نور يقول...

كساكي الله من أحلى ما في الجنة من لباس يا موناليزتي الجميلة ......ربي يبعد عنا الأحزان جميعا ويصبرنا على أحزاننا...في حزني باحتاج للقرآن الكريم أكثر من أي شيء أخر والاستغفار ...و أكيد باحتاج مواساة الأخوات والأهل وووو بس أهم شيء فعلا قرآني ...هديتي ليكي يا حبيبة قلبي نشيد يا صاحب الهم لمحمد الحسيان:
http://www.youtube.com/watch?v=EJG-UIQgnp8

أحبك في الله

أحمد شريف يقول...

السلام عليكم

موضوع متميز
لا يوجد لدي رد على السؤال
لكن أتصور أن الكلمة البسيطة قد تكون كافية ..

hamma يقول...

أتعجب ممن تذهب لمواساة أم سُرق رضيعها بعد أيام من ولادته.....يا إلاهي ما هذا؟
رجعنا للعصور الحجرية بالفعل
زمن لاأمن فيه
أما عن المواساة فهي تدخل في باب العلاقات الإنسانية
إذا كان الأمر مجرد تسجيل حضور تصبح مجاملة و ربما تنحى الى التشميت
و هذه عادة يا ليت تستفيق الناس لمحوها
ولكن من أين نبدأ ؟
و الأبواب المخلوعة كثيرة 

موناليزا يقول...

كلمات من نور
ـــــــــــــ
أختى الحبيبة:اهلا اهلا بالغالية
:) ايه الصباح الجميل ده
ربنا يعزك ويفرح قلبك يارب ويبعد عننا جميعا الاحزان
اللهم امين
هدية غالية ماتحرمش منك ابدا ياحبيبتى
أحبك الذى احببتنى فيه
نورتينى ياجميلة واسعدنى تواجدك


*********************************



أحمد شريف
ـــــــــ
وعليكم السلام ورحمة الله وبركاته
أهلا بيك استاذ احمد
أشكرك جدا لرايك ولمشاركتك
وفعلا الكلمة الطيبة تكفى وتفيض كمان
يسعدنا دوام التواصل



**********************************



هاما
ـــــــ
أهلا بيك يافندم
الجرائم تزايدت حقاً فليرحمناالله

فلنبدأ بأنفسنا أخى الكريم لعلنا نكون قدوة حسنة لمن حولنا
أشكرك جدا لتعليقك
يسعدنا دوام التواصل

سبايدرمان spiderman يقول...

و الله عندك حق
ده فيه ناس استاذه في انها تقرف الواحد الى بيبقي عنده مشكله
و بيقعوا يقولوه كلام يخليه يقرف من الدنيا بحالها و يتمني انهم مكنوش جم اصلا
....
و اكثر حاجه بعوزها لما بكون حزين ، ان محدش يتكلم معايا ، اقعد لوحدي شويه ، سواء حزين او متعصب كمان
بحتاج اني لازم افكر تاني في حصل
و ربنا بيكون مع الواحد و الأمور بتعدي ^_^

Ola يقول...

بوست جميل قوى يا مونى

كلنا اما بنبقى متضايقين بنبقى محتاجين حضن يضم و ايد تطبطب و تمسح الدموع النازله من عنينا
انا اما ببقى متضايقه ببقى محتاجه حد يسمعنى قوى لانى بافضل اتكلم عشان افضى الشحنه اللى جوايا
البوست جميل يا مونى و جه فى وقته جدا
و دايما بوستاتك بتوافق حالتى

Ola يقول...

انا صيدلانيه طالعه نازله

حصان المرجيحة يقول...

بجد كلمات رائعة
و مفيدة جدا
و اسمحيلي احتفظ بيها عندي للجروع ليها في اي وقت
شكرااااااااا

salwa يقول...

السلام عليكم اخت موناليزا
ميز الله سبحانه و تعالى الانسان بانسانيته
فكيف يتبرا منها؟
تسلم يدك كعادتك مبدعة
سلام

*الطالبة عفو الله *زوزو يقول...

تحياتي لك حبيبتي على موضوعك القيم
اكثر حاجة بحتجها لما بكون حزينة حضن دافي و حنان يحتوينا ينسيني حزني
لو ملقتش بفضل اننا اختلي بنفسي و بحبش اكون ثقل بهمي على غيري
تحياتي يا قمر

Sonnet يقول...

السلام عليكم
تحياتي لك يا عزيزتي
للمواساة فنون و األها الشعور بنفس مشكلة الصديق جيدا ثم إخراجه من المشكلة بصور مختلفة

أمل حمدي يقول...

إيه أكتر حاجة بتحتاجها من اللى حواليك لما بتكون حزين؟.

ها تصدقيني إني دايما بقفل على حزني جوايا وأقرب الأقربين لايعلمه

لا يعلمه إلا الله هو القادر على انفراجه

كلماتي اللي بكتبها ساعات بتنفس عني وبتشيل معاية

الحمد لله من قبل ومن بعد

بوست هايل

ماشاء الله عليك ربنا يحميك يارب

تقديري لك ابنتي الغالية

مصطفى محمود يقول...

أحيانا المواساة تكون أسوء من الحزن ذاته
لو قام بها أحمق !
وأسوء ما هنالك هي نظرات الشفقة وحركات الاستصعاب التي يصدرها المواسون عند عمد !

أرى أن المواساة ما هي إلا كلمة طيبة والأعظم منها أن نقف جوار من نواسيهم كتفا بكتف

وبالنسبة للاجابة على السؤال فهي : الصمت !

موضوع رائع عزيزتي

Tamer Nabil يقول...

بوست رائع

ولفتة جميلة منك عن كيفية التعامل مع من فقد عزيز او غالى او اصابة شر

ربنا يوفقك ويكرمك

مع خالص تحياتى

KHALED يقول...

الحزن شىء خاص جداً
لا يعلم أحد بة سوى صاحبة
لذا لا أشارك بة أحداً مطلقاً و قد لا يعلم من حولى بوجودة

ريمان يقول...

السلام عليكم

بوست بجد مهم جدا

لان فى ناس كتير مش تعرف حاجه عن فن المواساه


انا اكتر حاجه بحتاجها اما بكون حزينه

بحتاج ان حد يخفف عنى ويطبطب عليا او اغير جو بحيث انى اخرج من المود اللى انا فيه

بحتاج لجو يكون فيه مرح شويه
يعنى


ربنا يفرج همومنا كلنا يا رب


تحياتى ليكى يا قمر

نهر الحب يقول...

جزاك الله خيرا اختى على الجمال الدائم والشعاع المضئ من هذة المدونة

اكتر حاجة الدعاء

تحياتى وحبى لك

نهر الحب يقول...

انتى زعلانة منى فى شئ ؟؟

sookra يقول...

لمستنى كلماتك وتعلمت منها اشياء كنت افعلها بدون قصد
اما عن سؤالك فلااحتاج سوى حضن وسكوت

Dr Ibrahim يقول...

الله يرحمك يا شيخ كشك
كان بيقول
الواحد يكون عينه وجعاه وفيها تعب خفيف
وتلاقى اللى جاى يزوره يقله كان معرفش مين قريبى عنده المرض ده وعينه راحت :)
يا اخى الملافظ سعد قوم امشى من هنا:)

فعلا الملافظ سعد
والانسان اللى ليه أمل ولو ضعيف أو حتى ملهوش أمل منحبطوش كده ولا نقوله كلام محبط ..
اكتر حاجة بحتاجها لما اكون حزين طبعا المواساة...

موناليزا يقول...

سبايدر مان
ـــــــــــ
اهلا بيك يادكتور
تعرف لو كل واحد وضع نفسه مكان المهموم اكيد هيراعى حالته لكن للاسف كل واحد بيفكر ان اى مصيبة بتحصل للى حواليه بتبقى بعيدة عليه
أشكرك جدا لتعليقك ولمشاركتك
يسعدنا دوام التواصل


**********************************


علا
ــــــ
أختى الحبيبة:اهلا اهلا بالقمر
أشكرك جدا لرايك
تعرفى ان الكلام عن المشكلة بيساعد على تجاوزها على الاقل نفسيا
:) شئ يسعدنى ياحبيبتى ان موضوعاتى تتوافق معاكِ القلوب عند بعضها:)
نورتينى ياجميلة واسعدنى تواجدك


*******************************


حصان المرجيحة
ـــــــــــــــ
أهلا بيك يافندم
أشكرك جدا لرايك
طبعا اسمحلك الموضوع تحت امرك
يسعدنا دوام التواصل


**********************************


سلوى
ـــــــ
وعليكم السلام ورحمة الله وبركاته
أختى الحبيبة:اهلا اهلا بالقمر
لانه مش حاسس بنعمة كونه انسان
أشكرك جدا لرايك
نورتينى سلوى الجميلة واسعدنى تواجدك


******************************


الطالبة عفو الله
ــــــــــــــــــ
أختى الحبيبة:اهلا اهلا بالقمر
ربنا يكرمك اشكرك جدا لرايك
ربنا يبعد عننا الاحزان اللهم امين
نورتينى زوزو الجميلة ومشكورة على مشاركتك


*********************************


سونيت
ـــــــ
وعليكم السلام ورحمة الله وبركاته
أختى الحبيبة:اهلا اهلا بالقمر
ده حقيقى ولكن قليلا ما يدركونه
نورتينى حبيبتى واسعدنى تواجدك


********************************


أمل حمدى
ـــــــــ
أختى الحبيبة:اهلا اهلا بالقمر
هصدقك طبعا
كتير ملهمش حد غير ربنا
والحمدلله ان لينا رب يسمع الشكوى ويجيب الدعوة
ماتحرمش منك ياحبيبتى
نورتينى واسعدنى تواجدك


********************************


مصطفى محمود
ــــــــــ
أهلا بيك استاذ مصطفى فى زيارتك الاولى
عندك حق
أشكرك جدا لرايك ولمشاركتك
وبرجاء ماتقوليش "عزيزتى"
نورت مدونتى ويسعدنا دوام التواصل


*********************************


تامر نبيل
ـــــــــــ
أهلا بيك استاذ تامر
ربنا يعزك
اشكرك جدا لرايك ولتعليقك
يسعدنا دوام التواصل


*********************************



خالد
ــــــــ
أهلا بيك أستاذ خالد
بس اكيد المقربين بيبقوا عارفين من غير حتى ما تقول
أشكرك جدا لمشاركتك
يسعدنا دوام التواصل


**********************************


ريمان
ـــــــ
وعليكم السلام ورحمة الله وبركاته
أختى الحبيبة:اهلا اهلا بالقمر
أشكرك جدا لرايك ولمشاركتك
ربنا يبعد عننا الهموم والاحزان اللهم امين
نورتينى ريمو الجميلة واسعدنى تواجدك


*********************************

نهر الحب
ـــــــ
أختى الحبيبة:اهلا اهلا بالقمر
ربنا يعزك ويكرمك يارب على تعليقك الجميل
نورتينى انوسة الجميلة واسعدنى تواجدك
===
!! ليه بتقولى كده؟؟؟
طبعا لأ مش زعلانة منك
وعاوزة تفسير لوسمحتِ:)



*********************************


سكرة
ـــــــ
أهلا اهلا بالقمر
أسعدنى تعليقك واشكرك جدا لمشاركتك
نورتينى ياسوكا وتسلميلى يارب


********************************


د/ ابراهيم
ـــــــــــــ
أهلا بيك يادكتور
فعلا كلام مظبوط
أشكرك جدا لمشاركتك
يسعدنا دوام التواصل

شمس النهار يقول...

يسيبوني في حالي
مش عايزة حد يواسيني

للأسف ماعندناش ثقافة المواسة الصح

ولما نلاقي حد عايز يختلي بنفسه مهموم

مابنسيبوش في حالة بالعكس

بنزود همه بكلام اهبل

سلامي

Wish I were a Butterfly ... يقول...

انت جميلة أوي أوي بجد

:)

السؤال... مش عارفة الإجابة بالضبط. بس ممكن أجاوب على جزء منها و أقوللك ببقى محتاجة لو حد كلمني إنه يحس بي، مش ينصحني وبس

انت بجد جميلة:).دة كل اللي قادرة أقوله بعد ماقرأت كلماتك

د/عرفه يقول...

متفق معاكى فى الكلام جدا

لازم الواحد يكون حريص جدا فى معاملته مع المهموم زى حرصه فى معاملته للزجاج تماما

فكلاهما يسهل كسره


بالنسبة ليا
لما بكون مهموم بفضل اكون لوحدى
وافضل انام كتير كمان

موناليزا يقول...

شمس النهار
ـــــــــــ
أختى الحبيبة:اهلا اهلا بالقمر
ده حقيقى ماهو فاقد الشئ لا يعطيه
ربنا يبعد عننا الاحزان اللهم امين
نورتينى شموسة الجميلة واسعدنى تواجدك


***********************************


ويش اى وير بيترفلاى
ــــــــــــــــــ
أختى الحبيبة:اهلا اهلا بالقمر بعد طول غياب
:) الله يكرمك ده من ذوقك
متفقة معاكِ جدا وبدل ما ننصح الغريق مثلا بضرورة تعلم السباحة ننقذه الأول
:) ربنا يكرمك ياحبيبتى أنتِ أجمل
نورتينى ياجميلة واسعدنى تواجدك



*********************************


د/ عرفة
ـــــــــ
أهلا بيك يادكتور
الله عليك
تشبيه رائع جدا
أشكرك جدا لمشاركتك
يسعدنا دوام التواصل

ســـــــهــــــــــر يقول...

عجبنى اوى اسم الموضوع لان المواساه فن فعلا و انتى حطيتى ايدك على الفن ده و وسائله

ليس فقيرا من يحب يقول...

السلام عليكم

ازيك يا مونى يا قمر

يارب تكونى بالف خير

بوست جميل وفعلا المواساه فن مش

المواساه بس التعامل مع الناس فى كل حالاتهم وظروفهم فن
الاحساس بالناس ومشاركتهم وجدانيا
مش هنعتبره فن او شطارة هو بيدخل تحت باب حسن الخلق والحمدلله رسولنا علمنا
كل فنون الحياه عليه افضل الصلاة والسلام بس احنا بنتوه بس او مش بناخد بالنا

اكتر حاجه باحتاجها لما اكون حزينه حد ياخدنى فى حضنه

تسلم ايديكى يا قمر

فى حفظ الله

القدر و انا يقول...

موناليزا
جزاك الله خيرا على ما تقدمين
معاك حق المواساة فن
وفيه ناس تروح تواسى تزود الالم
وفيه غيرهم حضورهم زى عدمهم
ورائعة فى تشبيهك ان المهموم كالمريض ولكنه بلا دواء يتجرعه سوى الصبر
ويحتاج إلى التدعيم والرعاية والاهتمام
مهما كان عمره
أو مكانته
اوقدراته
فكلنا فى الحزن كائن صغير هش يحتاج الى من يتلقفه بين يديه

MOHAMMED ELBANNA يقول...

أمه الله
جزيتي خيراً على هذه النصائح الطيبه فلكم نحتاجها في زمن ندرت فيه مثل هذه المشاعر بين الناس بعضها البعض .
تقبلي مروري
محمد البنا
طريق النجاح

موناليزا يقول...

سهر
ـــــــ
أختى الحبيبة:اهلا اهلا بالقمر بعد طول غياب
وحشتيييييينى جدا.. فينك من زمان

الحمدلله فماتوفيقى الا به
أشكرك جدا لتعليقك الذى افتقدته
نورتينى حبيبتى وأسعدنى تواجدك


******************************


ليس فقيرا من يحب
ــــــــــــــــ
وعليكم السلام ورحمة الله وبركاته
أختى الحبيبة:اهلا اهلا بالقمر
أنا الحمدلله بخير ماتحرمش من سؤالك
أشكرك جدا لرايك
وهو فعلا يندرج تحت باب حسن الخلق بس تعرفى اسهل طريقة بجد اننا نضع نفسنا مكان من نواسيه
أنتِ رقيقة أوى على فكرة:)
ربى يسعدك
نورتينى رونى الجميلة واسعدنى تواجدك


*********************************


القدر وانا
ــــــــــــــ
أختى الحبيبة:اهلا اهلا بالقمر
ربنا يكرمك يارب فما توفيقى الا بالله
أشكرك جدا لتعليقك
نورتينى حبيبتى واسعدنى تواجدك


**********************************



محمد البنا
ـــــــــ
أهلا بيك أستاذ محمد
ربنا يكرمك واشكرك جدا لتعليقك
يسعدنا دوام التواصل

نهر الحب يقول...

اختى الحبيبة فى الله
كيف حالك
اولا شاكرة لك ردك السريع
انا تخيلت انك زعلانة منى لمقاطعتك مدونتى
فاعتقد ان هناك ما تحملية على فى قلبك دون قصد منى
او هناك ما تحبى ان توجهينى اليه
فأحببت ان اسالك

شكرا لك وجزاك الله خيرا
وادام الله بيننا الود فيه

لولا وزهراء يقول...

عندك حق والله فى كل حرف يا موناليزا
تسلم الايادى على كل حرف انتى قولتيه
بس مين يتعلم ومين يفهم
ربنا يجعل ايامك كلها سعاده وهنا

موناليزا يقول...

نهر الحب
ـــــــــ
أختى الحبيبة:اهلا اهلا بالقمر
:) بس انا مش مقاطعة مدونتك ولاحاجة
انا متابعاها من على الريدر بأمارة غيابك الطويل الفترة الماضية :)
اطمنى يانوسة انا عمرى ماازعل منك وانتِ كمان ياريت ماتزعليش لو لقيتينى مقلة فى التعليقات لان اوقات الجهاز بيهنج لو فتحت اكتر من صفحة
نورتينى ياجميلة
أحبك فى الله



*******************************


لولا وزهراء
ـــــــــــــ
أختى الحبيبة:اهلا اهلا بالقمر
ربنا يعزك يارب ويتقبل دعائك
أشكرك جدا لتعليقك
نورتينى ياجميلة واسعدنى تواجدك

sakayar يقول...

السلام عليكم ورحمة الله وبركاته
والله يا أستاذة شمولية تدويناتك بتخليني دايماً عاوز أقول " تصفييق " ومش أعلق لإن تعليقي لن يضيف حقاً بعد كلام حضرتك شيء
الكلام فعلاً محسوس أوي ... لما يكون انسان في ضيق أو حزن أو تعب ... هو الوحيد اللي يقدر يشعر بده ... مع احتياجه لقرب البعض ومواساة البعض ... فقط ليشعر ببعض القوة ... لكن هناك من لا يعلمون فن المواساة فيزيدوا من الألم أضعاف
كتبت قريباً في اطار نفس الموضوع تقريباً تدوينة سميتها " مرضى فهم " بتتحدث في بعض الأمور القريبة
http://sakayar.blogspot.com/2009/12/blog-post.html
جزاكم الله خير على مجهودكم ف المدونة ويارب دايماً في رضى وخير وبركة من ربنا
:)

مشخبطاتي يقول...

السلام عليكم..

فعلاً..
المواساة فن لايجيده كل الناس..ففهم الموقف وطبيعة الشخصية من العوامل المهمة في هذا الجانب..!

وكل النقاط مهمة جداً..شكراً جداً عليها..

وياصاحب الهم إن الهم منفرج
أبشر بخير فإن الفارج الله

ـــــــ
السؤال الجانبي:
أكثر شيئ أريده هو أن يكونوا بجواري :)

تحياتي.

موناليزا يقول...

سكاير
ــــــــ
وعليكم السلام ورحمة الله وبركاته
أهلا بيك يافندم
ربنا يعزك يارب رأيك ده على دماغى من فوق ويسعدنى جدا متابعتك
عندك حق ومتفقة مع تعليقك جدا
ربنا يكرمك يارب ويبارك فيك على تواجدك المتميز وكلماتك المشجعة
وسأذهب حالا لقراءة موضوعكم
يسعدنا دوام التواصل




*********************************



مشخبطاتى
ــــــــــ
وعليكم السلام ورحمة الله وبركاته
أهلا بيك يافندم فى زيارتك الاولى
أشكرك جدا لرايك ولمشاركتك
نورت مدونتى ويسعدنا دوام التواصل

TIMMY !! يقول...

المواساه !!!

مش عارف أقول إيه بصراحة ,

مش عارف إن كنت بحبها و لا بكرهها ,

بس يمكن كل واحد بيحتاجها بس بدرجة معينة .. مش مواساه كبيرة و لا بدون مواساه خالص ..

عبد الله يقول...
أزال المؤلف هذا التعليق.
norahaty يقول...

جزاكِ الله خيراًعلى نصائحك.
أما عن اجابة السؤال
فأنا أحب أن أُترك وحدى
من غير أسئلة يتواجدون
بقربى نعم ولكن بدون
اسئلة عما يضايقنى
لكن يتركونى أحكى
حينما أريد هذا.

موناليزا يقول...

تيمى
ـــــــ
أهلا بيك يافندم
أشكرك جدا لتعليقك
يسعدنا دوام التواصل


*********************************


عبدالله
ـــــــ
وعليكم السلام ورحمة الله وبركاته
أهلا بيك أستاذ عبدالله
الله يكرمك على هذا الاطراء فما توفيقى الا بالله
ربنا يتقبل دعائك ويجمعك بأحبائك قريبا اللهم امين
طبعا فاكراه
وتحت امرك يافندم لك ماطلبت وتابعنى هذه الليلة بإذن الله وسيوضع اسمك بجوار العنوان كمان
أشكرك جدا لتعليقك
يسعدنا دوام التواصل



***********************************



نوراهاتى
ـــــــــــ
أختى الحبيبة:اهلا اهلا بالقمر
ربنا يعزك يارب واشكرك جدا لمشاركتك
أنا كده برضه:)
نورتينى ياجميلة واسعدنى تواجدك

رفقة عمر يقول...

تعرفى انا اتعلمت انى لااحكى الامى لاحد
لان للاسف بدل ان يعطوك الامل بيحبطوكى ويحسسوكى انك مخطئة فى تألمك
لا يشعرون انه ليس بيديك ما تشعرين به
بدل ان يحاولوا يساعدوك يزيدون الجرح جراح
الفترة الماضية علمتنى ان لا استعين باحد سوى الله
اسجد له واساله ان يلهمنى الصواب ان يجعل لى فرجا من الهم
كنت هاتكلم عن نفس موضوعك
بس الحمدلله انت وفيت وكفيتى
ربنا يكرمك دايما موناليزا

موناليزا يقول...

رفقة عمر
ـــــــــ
أختى الحبيبة:اهلا اهلا بالقمر
فعلا ما لنا سوى الله فهو اعلم بحالنا
وسننتظر ما يخطه قلمك
نورتينى ياجميلة واسعدنى تواجدك

تأثير الفراشة يقول...

جميل جداااا ، ربنا يكرمك

و موضوع رائع و مهم للغاية وعرضتيه بأسلوب سهل، بإذن الله الناس تستفيد منه و تطبقه

ربنا يجعله فى ميزان حسناتك

جزاك الله خيرا

و بالنسبة لسؤالك ، فأكثر شىء يحتاج له الانسان وقت الحزن هو التعاطف

خالص تحياتى لك

موناليزا يقول...

تأثير الفراشة
ــــــــــــــ
أختى الحبيبة:اهلا اهلا بالقمر
ربنا يعزك يارب ويتقبل دعائك
اشكرك جدا لرايك فماتوفيقى الا بالله
:) كلنا هذا الشخص
نورتينى ياجميلة واسعدنى تواجدك

♥ BaToOoT ♥ يقول...

السلام عليكم ياجميل
البوستات بتاعتك جميله بجد
ربنا يجعلها ف ميزان حسناتك
وينويلك اللى ف بالك
واللى منتظراه من البلوج ده
انا مدونه بس قافله مدونتى شويه
انا بطوط بس البنت :)
وبشوف بروفايلك لقيتنا من نفس المكان المنصوره :)
انا حبيت اجى اقولك
انى خجت اللينك ده وعملته share ع الفيس بوك
يعنى مذكور انه من مدونتك وطبعن اللى هيدخل ع الموضوع بتاعك
بيدخل ع البلوج
يعنى انا مش خدت والله حاجه
بس حبيت اعرفك
يارب مش يكون عندك اى مانع:)
ربنا يجزيكى خييير
هحطلك اللينك لو عندك اكاونت ع الفيس ابقى شوفيه
http://www.facebook.com/home.php?#!/BaTo.oTaa?ref=nf
ولو فى اى حاجه ضايقتك عرفينى وانا هشيله
..
انا مش استنيت لحد ما تردى لانى بجد محتاجه لصحباتى يقرأو الكلام ده بس مش منى لانى ياما قلت كده ومحدش بيراعى ده
وانا بتابعك بس ع الجوجل ريدر
ربنا يوفقك ويفرح قلبك

..
بطوط

موناليزا يقول...

بطوط
ـــــــ
وعليكم السلام ورحمة اله وبركاته
أختى الحبيبة:أهلا بيكِ فى زيارتك الاولى
ربنا يعزك ويكرمك يارب فماتوفيقى الا بالله
يا اهلا يا اهلا ببنت بلدى:)
أنتِ اخلاق يا بطوطة بجد:)
طبعا ياحبيبتى موافقة ويارب يفيد اى حد بيقرأه
وعملت لك اضافة على الفيس بوك ياريت تقبليها
ويسعدنى دوام التواصل
نورتِ مدونتى

نسيبه يقول...

السلام عليكم ورحمة الله وبركاته
محتاجه لك يامني الصراحه ولقعده وحضن كبير وهنحتاج مناديل كتير الحقيقة ومحتاجه الدعاء جدا جدا

موناليزا يقول...

نسيبة
ـــــــــ
وعليكم السلام ورحمة الله وبركاته
حبيبة قلبى الغالية وانا بإذن الله هجيلك خلال اليومين دول
وهجيب المناديل معايا:)
يلا ياستى اى خدمة

نورتينى حبيبتى واسعدنى تواجدك